Zacarías 3:2 - Biblia Enxet

² Tén axta Dios apchásenneykha aptáha apcháneya m'a aqsok ekmowána nak hensexnena': “¡Wesse' egegkok sa' enókasha exche'! ¡Enókasha sa' xeye' m'a Wesse' egegkok apchásekhayo nak Jerusalén! Hakte cháxa énxet nak máxa m'a átex eyápogwatmól'a, kélleklól'a m'a neyseksa táxa.”

Zacarías 3:2 ပူးပေါင်းရင်းမြစ်များ

2 Crónicas 6:5

‘Axta ko'o alyéseykha xama tegma apwányam nepyeseksa m'a apyókxoho énxet'ák nak Israel, sekxók axta sélántekkessama énxet'ák ahagkok ma'a Egipto, ekwokmoho makham se'e kaxwo' nak, yaqwayam enxoho elanakpok xama tegma appagkanamap ekxénamaxchexa sekwesey, axta han alyéseykha xama énxet enxoho yaqwayam etnehek apnaqleykha énxet'ák ahagkok Israel,

2 Crónicas 6:6

Jerusalén axta eyke élyéseykha yaqwánxa katnehek ekxénamaxchexa sekwesey, élyéseykha axta han David yaqwayam enxoho etnehek apkeláneykha énxet'ák ahagkok Israel.’

Salmos 109:31

Hakte apmasmeyk ma'a meyke nak aqsok apagkok, apwagkassegkek teyp nepyeseksa m'a apmáheyo nak yaqhek.

Isaías 7:4

etne sa' yának se'e: “Elanagkoho sa', eyke ná égwe' aqsa; nágye aqsa, nágyoho nahan kayélaqtéssesek apwáxok se'e ánet átex élpánma nak, cham'a Resín yetlo m'a énxet'ák apagkok sirios, tén han ma'a Remalías apketche, cham'a apkellawa apagko' nak.

Daniel 12:1

“Ewaták sa' Miguel, apteme nak Dios apchásenneykha apyennaqte, apkelmasma nak xép énxet'ák apagkok. “Yentexek sa' katnehek xa ekhem nak, megkótémaxko axta katnehek ma'a sekxók axta eyeynamókxa ekteyapma m'a apheykegkaxa énxet. Wokmek sa' agkok xa ekhem nak, elwagkasakpok sa' teyp apyókxoho énxet'ák apagkok eknaqtáxésamaxche nak apkelwesey weykcha'áhak.

Amós 4:11

“Ekmaso agko' axta ko'o ekmassésseykmok kéxegke, ekhawo sekteméssessamakxa axta sekmassésseykmo m'a Sodoma tén han Gomorra; máxa átex axta kéltemék kélhaxyawassól'a neyseksa táxa, ¡axta eyke hélye'eykekták ko'o kéxegke!” Wesse' egegkok apxeyenma xa.

Zacarías 1:17

Aptáhak axta nahan seyáneya Dios apchásenneykha s'e: “Exén sa' nahan se'e: ‘Aptáhak Wesse' egegkok ekha nak apyennaqte s'e: Wának sa' ko'o enaqxétekhagkokxohok apagko' makham ma'a tegma apkelyawe ahagkok; agkeyásekxak sa' makham axnagkok ekwasqápeykekxoho m'a Sión, axénekxak sa' ko'o makham Jerusalén apteme tegma apwányam ahagkok sélyéseykha.’”

Zacarías 2:12

Emekxak sa' makham Wesse' egegkok yaqwayam etnehek apagkok apagko' ma'a Judá, xapop ekpagkanamaxche. Exénekxak sa' makham Jerusalén apteme tegma apwányam apagkok apkelyéseykha.