Zacarías 2:8 - Biblia Enxet8-9 Eyáphássek axta ko'o Wesse' egegkok ekha nak apyennaqte aswok se'e amya'a nak, atnehek wának énxet'ák ektáha axta apkelmenyexchesso ekyókxoho aqsok kélagkok kéxegke s'e: “Énxet apteméssesseykmoho exma ekmaso enxoho énxet'ák ahagkok, cháxa apteméssessekmoho exma ekmaso m'a aqsok sekmasmakxa ahagko' nak chá'a ko'o. Ko'o ahagko' sa' alnapaxchek xa pók aptémakxa nak chá'a énxet'ák, apkelásenneykha naqsa apagko' sa' nahan wának esawhaksohok aqsok apagkok.” Sa' etnehek exekmósek élseyéxma apagkok Wesse' egegkok ekha nak apyennaqte xa ektáha nak, keñe sa' kólya'ásegwók kéxegke aptáha seyáphasso ko'o m'a. အခန်းကိုကြည့်ပါ။ |
Zacarías 2:8
50 ပူးပေါင်းရင်းမြစ်များ
Apkeláphássek axta eyke Wesse' egegkok apkeltamho ey'ammok ma'a apkelmenyexma nak caldeos, sirios, moabitas tén han amonitas. Apkeláphássek axta ektamagkok ma'a Judá yaqwayam emasséssók, ekhawo m'a ektémakxa axta apxeyenma Wesse' egegkok, apchásenneykekxo axta exének ma'a apkeláneykha apkellegasso nak appeywa.
kaweykesagkok sa' ekweykmoho m'a apheykegkaxa nak apkeletsapma, cham'a énxet'ák apheykencha'a axta nano' nentámen axta. Ayenyenták sa' éttawanyexa agko' nak ma'a kañe' xapop, cham'a apkelókxa meyke néxa nak eknaqtawasamáxche m'a aqsok, exek sa' chá'a nepyeseksa m'a apkeletsapma axta. Mexnekxók sa' chá'a énxet'ák apagkok, megkólxátekhásekxék sa' nahan chá'a kaxwók keso xapop, keso apyetnamakxa nak.
Wának sa' ko'o exámekxak kélnepyeseksa m'a énxet tén han ma'a aqsok kélnaqtósso, exámagkohok apagko' sa'. Exnágwakxohok sa' makham apxámokma énxet ma'a apweykenxa axta apxámokma m'a sekxók axta, keñe sa' kéxegke, tásek sa' katnehek kélheykha, megkaxók sa' ma'a ektémakxa axta m'a nentámen axta. Keñe sa' kólya'ásegwók ko'o sektáha Wesse'.
Sa' etnehek appeywa s'e: Eynnaqtések sa' ko'o émpehek atxek ma'a xama apchókxa meyke nak éleyxcháseykha, apheykegkaxa nak ma'a énxet'ák ektaqmalma apheykha, meyke nak éltamheykha apkelwáxok, cham'a apyókxoho tegma apkelyawe meyke nak kélhaxta meteymog nepyáwa, tén han meyke nak atña'ák apagkok tén han ma'a kélyennaqteyáseykekxexa nak chá'a kólápekxa'.
Aptáhak Wesse' egegkok se'e: “Xámók agko' apkeláneyak apkeltémakxa ekmaso m'a énxet'ák Edom, megkatnehek sa' mallegassáseykegkoho; hakte yetlo sókwenaqte apkelmeykha apmenxeneykha m'a apkelyáxeg'a israelitas, meyke apkelmopyóseka apkelányo. Megyésseykekxak apkeltaqnagkama, megkamassegweykmok apkello.
Kaphewakxak sa' kéxegke kélteméssessamakxa axta kélyennaqteyáseykencha'a kélyempe'ék kélláneya m'a egkexe Líbano, kalyegwakkasek sa' eñama kélnapma m'a aqsok nawha'ák élleykha nak ma'a. Cháxa yaqwayam sa' káhapwak kéxegke xa, eñama aqsok ekmaso kéllánéyak tén han ekyókxoho kéltémakxa ekmaso axta, kélyennaqteyáseykencha'a axta kélyempe'ék ma'a apchókxa, kélenmexma m'a tegma apkelyawe nak, yetlo énxet'ák apheykha m'a kañe'.
Épetchekxak sa' pók, pók aptémakxa énxet'ák yenmexek xép, elyementók sa' aqsok apagkok, ekhawo aptémakxa axta chá'a exchep, apkelyementamoma aqsok apagkok ma'a. Exnéshok sa' mók ma'a ekyókxoho aptémakxa ekmaso axta, apyennaqteyáseykencha'a axta apyempehek ma'a apchókxa, apkenmexma axta m'a tegma apkelyawe nak, yetlo énxet'ák apheykha m'a kañe'.
Keso aptáhakxa nak appeywa Wesse' ekha apyennaqte, Dios apagkok nak Israel: “Eklegayak ko'o sexéneykha ekmaso m'a moabitas tén han setaqnagko m'a amonitas. Hakte apkelxéneykha chá'a ekmaso m'a énxet'ák ahagkok nak, apkelyennaqteyásamákpok han chá'a apkelyementamoma m'a xapop apagkok nak. Cháxa keñamak sekxéna nak ko'o naqsók peya katnehek Moab ma'a ektémakxa axta m'a Sodoma keñe sa' Amón katnehek ma'a ektémakxa axta Gomorra, émhakxa am'ák sa' katnekxa', tén han ekyetnamakxa yásek, meyke aqsok meyke néxa sa' katnekxa'. Elmagkok sa' aqsok apagkok ma'a énxet'ák ahagkok apkeleymomap nak meletsapma, emok sa' han ma'a xapop apagkok nak.”
Temék sa' agkok xa, apxámok sa' pók aptémakxa énxet'ák elyo'ótak ma'a Wesse' egegkok. Sa' etnehek appeywa s'e: “Atnehek sa' nahan énxet'ák ahagkok xa énxet'ák nak. Keñe sa' axek chá'a ko'o kélnepyeseksa kéxegke.” Keñe sa' kólya'ásegwók kéxegke aptáha seyáphasso ko'o m'a Wesse' egegkok ekha nak apyennaqte.
Aptáhak Wesse' egegkok ekha apyennaqte s'e: “Wáphaksek sa' ko'o apseykha amya'a ahagkok, yaqwayam enxoho ko'o hélanaksek ámay. Kaxwók sa' etaxnegwaták tegma appagkanamap apagkok ma'a Wesse' egegkok, kélchetamsama nak chá'a kéxegke. ¡Apxegakmek ma'a apseykha amya'a apxeyenmo nak chá'a m'a ekhémo mók nélpaqhetchásamáxkoho kélmámenyého nak chá'a kéxegke!”
ကြော်ငြာတွေ