Zacarías 2:12 - Biblia Enxet

¹² Emekxak sa' makham Wesse' egegkok yaqwayam etnehek apagkok apagko' ma'a Judá, xapop ekpagkanamaxche. Exénekxak sa' makham Jerusalén apteme tegma apwányam apagkok apkelyéseykha.

Zacarías 2:12 ပူးပေါင်းရင်းမြစ်များ

2 Crónicas 6:6

Jerusalén axta eyke élyéseykha yaqwánxa katnehek ekxénamaxchexa sekwesey, élyéseykha axta han David yaqwayam enxoho etnehek apkeláneykha énxet'ák ahagkok Israel.’

Ester 6:13

Apkeltennáseyha axta nahan aptáwa' tén han apnámakkok ekyókxoho m'a ektáhakxa apweynchámeykha, tén axta m'a aptáwa' tén han apyókxoho apnámakkok aptáha apcháneya s'e: —Naqsók sa' agkok judío m'a Mardoqueo. Mopwanchek sa' chá'a etnessásekxak kóneg, méko sa' chá'a elának xép nápaqtók ma'a.

Salmos 105:15

“Nágkólteméssesha aqsa ektáha nak ko'o sélyéseykha, nágkólnaqtawasagkoho han ma'a apkellegasso nak sekpeywa.”

Salmos 132:13

¡Apkelyéseykha Wesse' egegkok ma'a egkexe Sión! ¡Apkelyéseykha yaqwayam exek chá'a m'a!

Salmos 132:14

“Keso egkexe sekmáheyókxa nak chá'a ko'o axek meyke néxa s'e; axek sa' chá'a ko'o s'e, hakte émenye'.

Salmos 135:4

Hakte apkelyéseykha m'a Jacob, cham'a Israel, yaqwayam etnehek apagkok apagko'.

Salmos 33:12

Apkeleñémo énxet apteme nak Dios apagkok ma'a Wesse' egegkok, cham'a énxet'ák apkelyéseykha nak yaqwayam etnehek énxet'ák apagkok.

Salmos 82:8

¡Oh Dios, elyekpelchágwata énxet'ák keso náxop, hakte xép apteme apagkok ekyókxoho apkelókxa nak keso náxop!

Isaías 14:1

Yepyóshok sa' elanok Wesse' egegkok ma'a Jacob. Apkelyéseykha sa' etnekxak makham ma'a Israel, yának sa' elhakxak makham israelitas ma'a xapop apagkok nak. Elyepetchegwak sa' nahan ma'a megkatnaha nak apkelókxa xamo', epaxqeykxak sa' ma'a Jacob énxet'ák apagkok.

Isaías 17:14

Hegyegwakkasek ma'a taxnám, keñe amonye' élseye kamaskok agweta'. Cháxa yaqwánxa sa' katnehek ma'a énxet'ák apmáheyo nak chá'a hẽlyementók aqsok egagkok. Cháxa yaqwánxa sa' katnehek elmassegwók ma'a énxet'ák, apmáheyo nak chá'a hentawássesha negheykha.

Isaías 41:9

Ekyentaweykekxeyk axta ko'o exchep ma'a mók nekha xapop nak, Ekwóneykha axta m'a makhawók agko' nak. Axta ektemék seyenagkama s'e: ‘Xép apteme séláneykha.’ Élyéseykha axta ko'o exchep axta ataqhessamo'.

Jeremías 10:16

¡Megkaxnawok agko' Jacob nak Dios apagkok xa, apkelane nak ekyókxoho aqsok élánteyapma nak! Axta apkelyéseykha énxet'ák Israel ma'a yaqwayam etnehek apagkok apagko'. Wesse' ekha apyennaqte: cháxa apwesey xa.

Jeremías 30:16

Kólmasséssók sa' eyke nahan apyókxoho m'a apmassésseyam nak chá'a kéxegke, kólnaqlakxak sa' nahan megkatnahakxa apkelókxa apyókxoho m'a kélenmexma nak; wának sa' ko'o kólyementamagkok aqsok apagkok ma'a apkelyementaméyak nak chá'a aqsok kélagkok, wának sa' nahan kólmenyexchesagkok aqsok apagkok ma'a apkelmenyexchesso nak chá'a aqsok kélagkok kéxegke.

Jeremías 51:19

¡Megkaxnawok agko' Jacob nak Dios apagkok xa, apkelane nak ekyókxoho aqsok élánteyapma nak! Axta apkelyéseykha énxet'ák Israel ma'a yaqwayam etnehek apagkok apagko'. Wesse' ekha apyennaqte: cháxa apwesey xa.

Zacarías 1:17

Aptáhak axta nahan seyáneya Dios apchásenneykha s'e: “Exén sa' nahan se'e: ‘Aptáhak Wesse' egegkok ekha nak apyennaqte s'e: Wának sa' ko'o enaqxétekhagkokxohok apagko' makham ma'a tegma apkelyawe ahagkok; agkeyásekxak sa' makham axnagkok ekwasqápeykekxoho m'a Sión, axénekxak sa' ko'o makham Jerusalén apteme tegma apwányam ahagkok sélyéseykha.’”

Zacarías 3:2

Tén axta Dios apchásenneykha aptáha apcháneya m'a aqsok ekmowána nak hensexnena': “¡Wesse' egegkok sa' enókasha exche'! ¡Enókasha sa' xeye' m'a Wesse' egegkok apchásekhayo nak Jerusalén! Hakte cháxa énxet nak máxa m'a átex eyápogwatmól'a, kélleklól'a m'a neyseksa táxa.”

Deuteronomio 32:10

Apkelwetágweykmek axta m'a yókxexma meykexa nak énxet, ekyamáyókxa nak exma xapop ekpáwomakxa nak émpehek éxchahayam; apkelpathetmeyk axta, apkelxekmóssegkek axta nahan, apkeltaqmelchessegkek axta nahan ektémól'a apkeltaqmelchesso m'a apaqta'ák apagkok apagko'.

Deuteronomio 32:9

hakte Wesse' egegkok axta apkelyéseykha m'a, énxet'ák apagkok axta m'a Jacob énxet'ák apagkok nak.