Zacarías 11:3 - Biblia Enxet

³ Meleyságkohok apkellekxagweyncha'a m'a keláneykha nepkések, hakte kéltawáseyha m'a pa'at ektaqmalma nak. Legáxcheyk ekyexwéweykha m'a yámakméwa, hakte kélmasséssekmek ekyentaxnakxa nak naxma m'a neyáwa Jordán.

Zacarías 11:3 ပူးပေါင်းရင်းမြစ်များ

Salmos 22:21

hewagkas teyp ketók setamakxa xa méwa nak, ¡hemyow ketók sélyetxaqxamakxa xa weyke kelennay'awo nak!

Isaías 5:29

máxa nahan méwa ekyexwéweykha m'a apkelwehéseykha nak, ektémól'a keyxwéwha kamok ekyógkexma, keñe kaswok, méko nahan keymentemekxa'.

Isaías 65:15

Elmaha sa' kélwesey kéxegke m'a sélyéseykha nak ko'o yaqwayam sa' elyemnaha tén han eltamhok yetsapok ma'a pók, alyaqmagkassesek sa' eyke ko'o mók apkelwesey m'a séláneykha.

Jeremías 2:15

¿Yaqsa eyke ektéma kélchetámeykmo nak ektémól'a yámakméwa, yetlo kélpáxegkáseykha ekyennaqte? Ekmaso kéltemessásekxak ma'a apchókxa; kélwatneyáseykekxók nahan ma'a tegma apkelyawe apagkok, méko nahan xama énxet enxoho apheykekxa m'a.

Jeremías 2:30

Chaqhémok ko'o séllegassáseykegkoho m'a kélketchek nak kéxegke, mopmenyék elya'ásegwók ma'a séltémókxa nak etnahagkok. Kélhawók kéxegke m'a, yámakméwa éllo, kélnápeykekxeyk ma'a énxet'ák kélagkok apkellegasso nak sekpeywa.

Jeremías 26:6

sa' atnéssesek ko'o sekteméssessamakxa axta Siló s'e tegma appagkanamap nak. Apkelxéneykha ekmaso sa' ko'o atnéssesek apyókxoho énxet'ák apheykha nak keso náxop, cháxa tegma apwányam nak.’”

Jeremías 49:19

Katlakkasek sa' ko'o axegma', ektémól'a yámakméwa katyapok ma'a naxma ekyentaxno neyáwa Jordán, ekmahéyak la'a chá'a m'a yókxexma ekhakxa nak pa'at axnagcha'ák, sa' ko'o amenxenek énxet'ák Edom ma'a, wának sa' ko'o etnehek apkeláneykha apchókxa m'a énxet sélyéseykha nak ko'o. Hakte ¿yaqsa awanchek ko'o hexnésaxkoho'? ¿Yaqsa awanchek ko'o hélyekkónaxche'? ¿Yaqsa keláneykha nepkések apwanchek hénmexekxak ko'o?

Jeremías 50:44

“Katlakkasek sa' ko'o axegma', ektémól'a yámakméwa katyapok ma'a naxma ekyentaxno neyáwa Jordán, ekmahéyak la'a chá'a m'a yókxexma ekhakxa nak pa'at axnagcha'ák, sa' ko'o amenxenek énxet'ák Babilonia m'a, wának sa' ko'o etnehek apkeláneykha apchókxa m'a énxet sélyéseykha nak ko'o. Hakte ¿yaqsa awanchek ko'o hexnésaxkoho'? ¿Yaqsa awanchek ko'o hélyekkónaxche'? ¿Yaqsa keláneykha nepkések apwanchek hénmexekxak ko'o?

Jeremías 7:4

Nágkóleyxho m'a apkelyexancháseykencha'a nak chá'a, aptéma nak chá'a apkelanagkama s'e: ¡Keso apyetna Wesse' egegkok tegma appagkanamap apagkok se'e, keso apyetna Wesse' egegkok tegma appagkanamap apagkok se'e!

Ezequiel 19:2

“Méwa axta exchep egken ekleykencha'a axta m'a neyseksa námakkok méwa. Kelánegweykmek axta axagkok neyseksa m'a, axta kektegkesseykmok nahan étkók ma'a.

Oseas 10:5

Apkelpexyennegkek apkelaye m'a énxet'ák Samaria; kellapwámegkek eñama ekxegányam weyke étkók kéleykmássesso ekyetnama nak ma'a Bet-avén. Apkellekxagweyha apketama énxet'ák, tén han ma'a appasmo apkelmaxnéssesso nak Dios énxet'ák apagkok, hakte massegwokmek ma'a eyaqheykha nak chá'a apkelwáxok.

Joel 1:13

Kéxegke kélmaxnéssesso nak chá'a Dios énxet'ák apagkok, kéltamheykha nak chá'a ekwatnamáxchexa aqsok, kólántaxnekxa apáwa sẽlwáxaqxo nak, kóllekxagwaha yetlo éllapwámeyak, hakte méko entáhak aqsok kélcheneykekxa ekyexna m'a Dios nak tegma appagkanamap apagkok, tén han vino yaqwayam kóltéhek kélmésso naqsa Dios.

Amós 8:8

¿Megkayawheykhaya sa' xapop eñama ekyókxoho s'e aqsok nak? ¿Mellekxagwahaya sa' apyókxoho énxet'ák apheykha nak ma'a kañe'? ¡Kamyekxak sa' chá'a néten ma'a xapop, tén sa' kaweywenták chá'a, ektémól'a kamyekxak néten yegmen ma'a Nilo, tén kaweywenták chá'a!

Sofonías 1:10

Keso aptáhakxa exchek appeywa Wesse' egegkok se'e: “Kañexchek sa' kélpáxameykha ektegyeykha ekpasmo xa ekhem nak eyeynamo m'a kéltéma nak Kelasma Átog agkok. Kalpayheykha sa' apatña'ák énxet'ák ma'a kéltéma nak Kaxwe Apheykegkaxa, kaxtegyók sa' ekyennaqte agko' apkelyaqnenma tegma m'a egkexe nak.

Sofonías 3:11

Énxet'ák ahagkok, cháxa ekhem nak, kamaskok sa' kaxwók kalmegqaksek xama enxoho m'a aqsok ekmaso kélláneyak kélláneykegko nak chá'a sélenmexeykekxo kéxegke, keñe sa' alántekkesek kélnepyeseksa m'a éleymáxkoho nak apkelwáxok tén han ma'a megyésso nak eleykpoho', kamaskohok agko' sa' apkeleymákpoho m'a egkexe ekpagkanamaxche ahagkok nak.

Sofonías 3:3

Máxa yámakméwa m'a apkelámha apmonye'e apagkok élpáweykhal'a awáxok; máxa aqsok nawha'ák éllo élleykhal'a meykexa énxet ma'a segyekpelchémo apagkok nak, megkáyam la'a ketsék axchapok yaqwayam katwok ma'a saka.

Zacarías 11:2

¡Yámet pino, kóllekxagwaha, hakte kelyaqnenágkek ma'a yámet cedro, kélmasséssekmek ma'a yámet élyawe éltaqmalma nak! ¡Kalxegha kélnénya'ák, kéxegke, yámet élyawe encina élaqnéyak nak Basán, hakte kélyaqnegkásegkek ma'a ekyentaxnakxa nak naxma!

Zacarías 11:8

Élántekkessek axta nahan apqántánxo keláneykha nepkések xama pelten, séleklágwayam axta ko'o apkeltémakxa tén han setaqnagko axta ko'o.