Zacarías 11:1 - Biblia Enxet

¹ ¡Líbano, kalmeykesák atña'ák agkok, táxa sa' kalwatnek ma'a yámet cedro agkok!

Zacarías 11:1 ပူးပေါင်းရင်းမြစ်များ

Jeremías 22:23

Tásek eyke kaxwók kéxegke kélheykha neyseksa yenta'a, neyseksa m'a yámet cedro éleñama nak kélseykenta m'a Líbano, ¡kóllegagkohok sa' eyke, ekwa'a sa' kéllegeykegkoho ekmáske, kóllegagkohok sa' ekmáske ektémól'a kelán'a katnehek naqláwa!”

Ezequiel 31:3

Aphawók xép ma'a yámet ciprés essenhan ma'a yámet cedro émha nak yókxexma Líbano, éltaqmalmal'a áwa', ekyentaxnól'a pessesse agkok katnamok ma'a naxma, élwenaqte agko' la'a, élweykekxohol'a naw'ék ma'a yaphope.

Habacuc 2:17

Kaphewakxak sa' kéxegke kélteméssessamakxa axta kélyennaqteyáseykencha'a kélyempe'ék kélláneya m'a egkexe Líbano, kalyegwakkasek sa' eñama kélnapma m'a aqsok nawha'ák élleykha nak ma'a. Cháxa yaqwayam sa' káhapwak kéxegke xa, eñama aqsok ekmaso kéllánéyak tén han ekyókxoho kéltémakxa ekmaso axta, kélyennaqteyáseykencha'a axta kélyempe'ék ma'a apchókxa, kélenmexma m'a tegma apkelyawe nak, yetlo énxet'ák apheykha m'a kañe'.

Habacuc 2:8

Épetchekxak sa' pók, pók aptémakxa énxet'ák yenmexek xép, elyementók sa' aqsok apagkok, ekhawo aptémakxa axta chá'a exchep, apkelyementamoma aqsok apagkok ma'a. Exnéshok sa' mók ma'a ekyókxoho aptémakxa ekmaso axta, apyennaqteyáseykencha'a axta apyempehek ma'a apchókxa, apkenmexma axta m'a tegma apkelyawe nak, yetlo énxet'ák apheykha m'a kañe'.

Hageo 1:8

Kólmohok ma'a élámhakxa nak meteymog, kólsanták sa' yántéseksa'ák, kólxátekhásekxa sa' makham ma'a tegma appagkanamap ahagkok. Kapayhekxak sa' ko'o ewáxok neyseksa sekha m'a, axekmósek sa' ko'o seyeymáxkoho.

Zacarías 10:10

Wának sa' elchexyók makham apkeleñama m'a Egipto, anaqlósawakxak sa' ma'a Asiria, anaqlakxak sa' ma'a Galaad tén han ma'a Líbano, megkawakxók sa' nahan apyókxoho m'a yókxexma nak, hakte apxámok sa' etnehek.

Zacarías 11:2

¡Yámet pino, kóllekxagwaha, hakte kelyaqnenágkek ma'a yámet cedro, kélmasséssekmek ma'a yámet élyawe éltaqmalma nak! ¡Kalxegha kélnénya'ák, kéxegke, yámet élyawe encina élaqnéyak nak Basán, hakte kélyaqnegkásegkek ma'a ekyentaxnakxa nak naxma!

Zacarías 12:6

“Máxa átex éláléweykhal'a neyseksa yántapák sa' ko'o atnéssesek apkelámha apmonye' nak Judá xa ekhem nak, ektémól'a táxa eyáléweykhal'a nepyeseksa hótáhap apexchakkok kélyaqtónma kéltéteykekxal'a nepxet. Kalwatnek sa' ma'a ekyókxoho apheykegkaxa nak chá'a pók aptémakxa énxet'ák ma'a neyáwa, keñe sa' ma'a énxet'ák apheykha nak Jerusalén elhekxak sa' aqsa makham ma'a tegma apwányam apagkok nak.

Deuteronomio 32:22

Eklókók ahagko' ko'o, máxa táxa eyáléwe táhak seklo, kawomhok sa' élwatno m'a kañók agko' nak xapop. Kawatnek sa' ma'a xapop tén han ma'a aqsok ekyexna kélcheneykekxa nak, alwatnek sa' ma'a awhók kañók agko' nak ma'a meteymog élwenaqte.