Zacarías 10:7 - Biblia Enxet

⁷ Máxa sẽlpextétamo sa' etnehek ma'a Efraín. Kapayhekxak sa' apwáxok, máxa sa' etnehek ma'a ektémól'a kapayhekxak egwáxok agyenek vino, kalpayhekxak sa' nahan apkelwáxok apkelwet'a enxoho m'a apketchek. ¡Kapayhekxak sa' apwáxok eñama m'a Wesse' egegkok!

Zacarías 10:7 ပူးပေါင်းရင်းမြစ်များ

Génesis 18:19

Élyesáha ko'o yaqwayam yának elyahakxohok nélxekmowasamáxche ahagkok ma'a apketchek, tén han aptawán'ák neptámen, tén han elanagkok ekyókxoho m'a aqsok ektaqmalma nak, tén han ma'a ekpéwomo nak, yaqwayam sa' ko'o alának ekyókxoho m'a séltennassama nak alanaksek.”

Génesis 43:34

Apkeltamhók axta han kólagkok José m'a apto ekhéyak axta m'a mésa apagkok nak, Benjamín axta aqsa han awanhek kéléyak apto, axta kaxnók ma'a nápakha nak. Apyenchek axta xamók apyá José m'a apkelpepma nak; kelpayhekxeyk axta apkelwáxok.

Salmos 102:28

Egkések sa' meyke ektáhakxa apheykha m'a apkeláneykha aptawán'ák neptámen nak; eltaqmelchesek sa' chá'a m'a egketchek nentámen.

Salmos 104:15

nento ekméssamo nak chá'a apyennaqte, tén han vino, ekpeykáseykekxoho nak chá'a apwáxok, eyátsessáseykhal'a chá'a nápat, ektémól'a pexmok égmenek.

Salmos 13:5

May'ásseykmok ko'o m'a ektémakxa nak xép seyásekhayo, payhekxeyk nahan ewáxok, hakte ewagkassek ko'o teyp xép.

Salmos 28:7

Wesse' egegkok apteme ko'o sénnaqtésso; tén han semasma; axta ko'o ay'ásseykmok, epasmomchek axta. Payhekxeyk ko'o ewáxok, anneykmaksek sa', agkések sa' ekxeyenma ewáxok Wesse' egegkok.

Salmos 33:21

Ẽlpeykessásekxeyk negko'o egwáxok Wesse' egegkok; magya'ásseykmok ma'a apwesey ekpagkanamaxche nak.

Salmos 90:16

¡Yána elwetak apkeláneykha m'a aqsok apkelane, keñe apcheymákpoho m'a aptawán'ák neptámen nak!

Isaías 25:9

Sa' katnehek kalpaqmetaxchek, cháxa ekhem nak: “Cháxa Dios egagkok xa, negáyo nak chá'a, nélhaxanma nak hẽlwagkasek teyp. Kalpayhekxa egwáxok, ólátsaha, ẽlwagkassek teyp ma'a.”

Isaías 38:19

Wánxa eyke apwanchek elpeykeshok xép ma'a énxet'ák apkelyenná nak makham, ekhawo nak sektáhakxa ko'o s'e ekhem nak. Eltennasha chá'a apketchek apyapmeyk ma'a ektémakxa nak xép mehegyenyaweykha.

Isaías 54:13

Alxekmósek sa' ko'o apyókxoho m'a énxet'ák apagkok; awanhók agko' sa' katnehek ektaqmalma apheykha m'a apyókxoho nak.

Isaías 66:14

Kélwet'ak sa' agkok kéxegke xa, kalpayhekxak sa' kélwáxok; kayaqmagkasek sa' mók ektémakxa kélyempe'ék ektémól'a m'a pa'at. Exekmósek sa' apmopwána Wesse' egegkok nepyeseksa m'a apkeláneykha, keñe sa' aplo m'a nepyeseksa nak apkelenmexma.

Jeremías 32:39

Wának sa' ko'o etnahagkok wánxa apkelmopmenyého etnehek seyáyo neyseksa apheykha, yaqwayam sa' kataqmelek apheykha, yetlo aptawán'ák neptámen.

Ezequiel 37:25

Exnakha sa' ma'a apkelókxa sekméssamakxa axta m'a séláneykha Jacob, cham'a apheykegkaxa axta nahan ma'a apyapmeyk nano'. Sa' aqsa nahan chá'a exnakha m'a, yetlo apketchek tén han ma'a apyókxoho aptawán'ák neptámen; séláneykha David sa' aqsa nahan chá'a etnehek wánxa apkemha apmonye' apagkok.

Joel 2:23

¡Kalpayhekxa kélwáxok, kéxegke kélheykha nak Sión, kalpayhekxa kélwáxok eñama m'a Dios Wesse' kélagkok! Apméssek kéxegke ekmámeye ekweyktamxal'a chá'a, cham'a ekmámeye ekweyktámhol'a chá'a apmopsamágekxa nak, tén han ma'a élyapweykxal'a, aptémakxa axta chá'a m'a nanók axta.

Sofonías 3:14

¡Kólmeneykmés kélheykha nak tegma apwányam Sión! ¡Kólwónches ekpayheykekxa kélwáxok, énxet'ák Israel! ¡Énxet'ák Jerusalén, kalpayhekxa kélwáxok, kalpayhekxoho agko' kélwáxok!

Zacarías 12:8

Almeyók sa' ko'o m'a apheykha nak Jerusalén, ko'o sektáha nak Wesse'. Apkelyennaqte sa' nahan etnahagkokxak ma'a apkelyelqamákpoho nak, ektéma axta m'a wesse' apwányam David, keñe sa' ma'a David aptawán'ák neptámen nak etnahagkokxak ma'a aptémakxa nak Dios, aptémakxa nak ma'a Wesse' egegkok apchásenneykha, apxegamól'a chá'a apmonye'e.

Zacarías 9:15

Elmeyók sa' Wesse' ekha nak apyennaqte m'a ektáha nak chá'a apagkok. Sa' elteyagkásekxak han chá'a meteymog apagkok apkelmeykha nak chá'a mélwakto xa énxet'ák nak. Sa' emasséssók han ekmanyehe agko' ma'a apkelenmexma nak; máxa vino negyà sa' etnéssesek énagkok ma'a éma apagkok, máxa egheykok éllánéyak la'a aqsok égmenek sa' etnahagkok kallanagkok apwokma'ák. Máxa sa' etnahagkok ma'a ektémól'a kólexpaqheykha nekhaw'ék élmahamtakcha'a m'a ekwatnamáxchexa nak chá'a aqsok.

Zacarías 9:17

¡Tásók agko' sa' katnehek ma'a negókxa! Tásek sa' katnehek apkektega m'a wokma'ák egagkok tén han ma'a kelán'a étkók, hakte katawagkok sa' ma'a hótáhap apaktek keynagkok sa' nahan ma'a vino.

1 Samuel 2:1

Axta entáhak élmaxnagko Ana s'e: “Wesse' ahagkok, epeykessásekxók agko' ko'o exchep ewáxok, hakte egkeyásekxeyk makham axnagkok sekyennaqte. Ewanchek alyamatchesha m'a katnaha nak énámakkok hakte xép apteme sepasmo. ¡Payhékxeyk ko'o ewáxok!