Zacarías 10:3 - Biblia Enxet

³ Cháxa keñamak aptáha nak appeywa Wesse' egegkok se'e: “Éltaqnaweygkók ahagko' ko'o m'a apkeláneykha nepkések nak, allegássesagkohok sa' ma'a ektáha nak chá'a apnaqleykha énxet'ák ahagkok.” Yátnáxeg apyennaqte kempakhakma apagkok sa' etnessásekxak Wesse' ekha nak apyennaqte, apkeláneykha nak chá'a nepkések apnaqtósso m'a Judá aptawán'ák neptámen.

Zacarías 10:3 ပူးပေါင်းရင်းမြစ်များ

Job 39:25

Epáwak chá'a yátegmowágkok ma'a kélaqkahasso; makhawók chá'a etekhánek kempakhakma, eñohok han ma'a kélpeywa kéltémo nak kólchetamagkok kempakhakma, tén han kélpáxameykha.

Éxodo 4:31

Tén axta m'a énxet'ák nak maxta elya'ássekmok. Xama axta apkelya'ásegwokmo apkeláneykencha'a Wesse' egegkok tén han apweteya ektémakxa apkellegeykegkoho. Apkelháxahánteyk axta apkeltekxeyágko aptapnák xapop apkelpeykásawo.

Proverbios 21:31

Eltahanchesek chá'a apchánte énxet yaqwayam emhagkok kempakhakma, Wesse' egegkok akke apmallahanchesso chá'a.

Cantares 1:9

Sekpagkanma, ekhéssamók ko'o exche' m'a yátnáxeg apkelwána aptaqmalma, apyenyawassamól'a m'a faraón yátnáxeg apyenyawasso apagkok.

Isaías 10:12

Appenchessek sa' agkok Wesse' egegkok ekyókxoho aqsok apmáheyo nak elának ma'a egkexe Sión tén han ma'a Jerusalén, eñássesagkohok sa' ma'a wesse' apwányam Asiria eñama eyaqheykha apwáxok se'e aptamheykha nak, tén han eñama megyésso yeykpoho', tén han eyeymáxkoho apwáxok.

Isaías 24:21

Ellegássesagkohok sa' Wesse' egegkok aqsok ekhéyak nak néten ekha élmowancha'a xa ekhem nak tén han ma'a kelwesse'e apkelwányam nak keso náxop;

Jeremías 10:21

—Élyeyháxma apkelámha apmonye'e apagkok nak xa énxet'ák nak; melchetamsók ma'a Wesse' egegkok. Cháxa keñamak megkatyapma nak chá'a aqsok apmáheyo elanagkok, apkexpánmeyk apyókxoho m'a nepkések apnaqtósso.

Jeremías 11:22

aptáhak apkeláneya Wesse' ekha nak apyennaqte s'e: “Ayaqmagkásekxak sa' ko'o mók kéltémakxa kéxegke: neyseksa kempakhakma sa' eletsapok ma'a wokma'ák, keñe sa' kélketchek apkelennay'a tén han kelwán'ák kaletsapok meyk élnapma.

Jeremías 25:12

Wokmek sa' agkok setenta apyeyam, ayaqmagkásekxak sa' ko'o aptémakxa mey'assáxma m'a wesse' apwányam Babilonia tén han ma'a apchókxa nak, cham'a caldeos apchókxa nak, amasséssók sa' meyke néxa. Ko'o sekxeyenma xa, sektáha nak Wesse'.

Jeremías 25:34

¡Kólwehesha, keláneykha nepkések, kólwehesha eñama kéllegeykegkoho ekmáske! ¡Kéxegke, kélnaqleykha nak chá'a nepkések, kólpexyawha náxop! Hakte wokmek ekhem nentekyómakxa', kóltekyók sa' kéxegke, aptémól'a etekyók ma'a nepkések apkelennay'a apnaqmele.

Jeremías 50:6

“Máxa axta nepkések apkelxegányam la'a m'a énxet'ák ahagkok, ekmasól'a apkelmeykha m'a ektáha nak apkeláneykha, apchahayól'a aqsa elxeganmok ma'a egkexe nak. Apyaqmagkáseykegkek axta chá'a apkelmahéyak mók egkexe, weykmók axta élwagqámeykegko m'a apxanák nak.

Ezequiel 34:11

“Ektáhak ko'o sekpeywa s'e, sektáha nak Wesse': Ko'o ahagko' sa' atnehek séláneykha m'a nepkések seknaqtósso.

Ezequiel 34:12

Sa' atnehek ko'o keytnakhaksohok ewáxok nepkések seknaqtósso m'a aptémól'a keláneykha nepkések keytnakhaksohok apwáxok yexpaqnek ma'a nepkések apnaqtósso; anaqlósawakxak sa' ma'a yókxexma apkelmaheykegkaxa axta apkexpánma ekwa'a axta ekhem ekmaso tén han éxchahayam ekyennaqte.

Ezequiel 34:2

“Xép énxet, eltennés sa' sektáhakxa ko'o sélxeyenma m'a keláneykha nepkések nak Israel, etne sa' elának se'e: ‘Keso aptáhakxa exchek appeywa Wesse' egegkok se'e: ¡Keláneykha nepkések Israel laye, apkeltaqmelchásamákpekxoho apagko' nak chá'a! Nepkések akke payhawok eykhe eltaqmelchesek ma'a keláneykha nepkések.

Daniel 11:32

Emáwhok sa' eykhe elmok wesse' apwányam yetlo ekmátsa appeywa elának ma'a énxet'ák apkelyenseyam axta apkelpeykessamo Dios, elwasqápok sa' eyke m'a énxet'ák apkelásekhayo nak Dios, elenmexekxak sa' ma'a kélteméssesakxa'.

Sofonías 1:8

“Allegássesagkohok sa' ko'o apkelámha apmonye'e m'a ekhem sélana sa' aqsok ektekyawa —axta aptáhak Wesse' egegkok— tén han ma'a kelwesse'e apkelwányam apketchek nak keñe han ma'a apyókxoho apkeláneyak nak chá'a ektémakxa aqsok apkeláneyak ma'a pók énxet'ák melya'áseyak nak Dios.

Sofonías 2:7

Énxet'ák Judá sa' emekxak xa apchókxa nak, cham'a apkeleymomap nak meletsapma, apwa'akto sa' epásegwaták ma'a Dios Wesse' apagkok, apyaqmagkassesa sa' mók ma'a ektémakxa nak apheykha. Sa' elanha apnaqtósso nepkések ma'a, keñe sa' axta'a ellókassekxak chá'a apkelyampe m'a tegma apheykegko nak Ascalón.

Zacarías 11:17

¡Keláneykha nepkések mékoho laye, apkexakha nak aqsa chá'a m'a nepkések apnaqtósso! ¡Sókwenaqte sa' kayaqtennek apaktog, kawomhok sa' ma'a apaqtek ekpayho nak apkelya'assamakxa! ¡Ekyame apaktog sa' etnehek, meteyxma sa' nahan katnehek ma'a xama apaqtek!”

Rut 1:6

Xama ekhem axta leg'ak amya'a Noemí, neyseksa ekha m'a yókxexma Moab, apwákxo makham Wesse' egegkok ma'a eyókxa appasmeykxo makham, tén han apheyásekxo makham aptéyak ma'a énxet'ák.