Zacarías 1:9 - Biblia Enxet

⁹ Axta ektáhak ko'o sélmaxneyeyncha'a s'e: “Wesse' ahagkok, ¿Yaqsa xa apkelchánte nak yátnáxeg?” Tén axta m'a Dios apchásenneykha ektáha axta ko'o sepaqhetchesso aptáha seyátegmowágkokxo s'e: “Altennaksek sa' ektémakxa exchep ekyetchesamaxkoho xa.”

Zacarías 1:9 ပူးပေါင်းရင်းမြစ်များ

Génesis 31:11

Ewóneyha axta ko'o Dios apchásenneykha sekwanmagko, axta ektáhak ko'o seyátegmowágko s'e: ‘Keso sekha s'e.’

Daniel 7:16

ekyo'ókmek axta xama énxet apkenmeykha axta han ma'a, éltamhók axta héltennaksek ekyókxoho ektémakxa xa aqsok nak. Éltennássek axta ektémakxa, aptáhak axta seyáneya s'e:

Zacarías 1:13

Apchátegmowágkokxeyk axta Wesse' egegkok yetlo ektaqmeleykha appeywa m'a apchásenneykha ektáha axta ko'o sepaqhetchesso, yaqwayam etaqmelchessásekxak apwáxok,

Zacarías 1:19

Élmaxneyáha axta ko'o m'a Dios apchásenneykha ektáha axta sepaqhetchesso. Axta ektáhak seyáneya s'e: ¿Yaqsa aqsok xa aqsok egkepet'ák nak? Aptáhak axta seyátegmowágkokxo s'e: “Cháxa aqsok egkepet'ák ekteme ekyetchesamaxkoho apkelyennaqte m'a énxet'ák apkexpánchessama axta apkelya'assama ekyókxoho yókxexma m'a énxet'ák apheykha nak Judá, Israel tén han ma'a Jerusalén.”

Zacarías 2:3

Tén axta sekwet'a apxega m'a Dios apchásenneykha ektáha axta sepaqhetchesso ko'o, aptekkek axta nahan apmonye' m'a pók Dios apchásenneykha apkelanyexakmo.

Zacarías 4:1

Apwa'akteyk axta makham ma'a Dios apchásenneykha sepaqhetchesa axta ko'o. Exátekhássa'akteyk axta, axta aptáhak ma'a ektémól'a kólxátekhaksek xama énxet apteyenma. Axta aptáhak sélmaxneyeyncha'a s'e:

Zacarías 4:11

Tén axta ko'o sektáha sélmaxneyeyncha'a s'e: “¿Yaqsa eyke ekyetchesamaxkoho xa ánet olivo yámet nak, émha nak chá'a xama nekha xa cháléwasso ekyawe nak?”

Zacarías 5:5

Aptekkek axta m'a Dios apchásenneykha ektáha axta sepaqhetchesso ko'o. Aptáhak axta seyáneya s'e: “¡Elano sa' kaxwo' xa ektepa nak!”