Zacarías 1:1 - Biblia Enxet

¹ Keso appeywa apmésa axta Wesse' egegkok Zacarías apteme axta Dios appeywa aplegasso, Berequías axta apketche, Idó axta aptáwen, ekweykmo axta ocho pelten apteme Wesse' apwányam ma'a Darío, aptáhakxa axta apqánet apyeyam. Aptáhak axta apcháneya s'e:

Zacarías 1:1 ပူးပေါင်းရင်းမြစ်များ

Esdras 4:24

Cháxa ektémakxa axta kélmágweykmo kélxátekháseykekxa Dios tegma appagkanamap apagkok ma'a Jerusalén, ekweykmoho aptéma apqánet apyeyam apteme wesse' apwányam Darío m'a Persia.

Esdras 5:1

Aplegassegkek axta amya'a eñama nak Wesse' egegkok, Dios nak Israel ma'a Dios appeywa aplegasso Hageo tén han Zacarías, Idó axta apketche, cham'a judíos apheykencha'a axta m'a Judá tén han Jerusalén.

Nehemías 12:16

Zacarías axta apkemha apmonye' apagkok ma'a Idó nak apnámakkok; tén axta Mesulam apkemha apmonye' apagkok ma'a Guinetón nak apnámakkok;

Nehemías 12:4

Idó, Guinetón, Abías,

Hageo 1:1

Appaqhetchessegkek axta Wesse' egegkok ma'a apkeláneykha nak apchókxa Judá, cham'a Zorobabel, apketche axta m'a Salatiel, tén han ma'a apkemha apmonye' nak apkelmaxnéssesso Dios énxet'ák apagkok, cham'a Josué, Josadac axta apketche, aplegasso appeywa Hageo axta eyke apchásenneykekxa', cham'a ektéma axta apqánet apyeyam apteme wesse' apwányam ma'a Darío, eyeynókxa axta ekxega émha amonye' ekhem ma'a pelten seis.

Hageo 2:10

Appaqhetchásekxeyk axta makham Wesse' egegkok ma'a Hageo, apteme axta aplegasso appeywa, ekhem veinticuatro, ekwokmo axta pelten nueve, apqánet apyeyam apteme wesse' apwányam Darío,

Hageo 2:20

Appaqhetchásekxeyk axta makham Wesse' egegkok ma'a Hageo xa ekhem nak,

Zacarías 1:7

Keso amya'a sekxawáya axta ko'o eñama Wesse' egegkok, sektáha nak seklegasso Dios appeywa Zacarías, Berequías apketche, Idó aptáwen, ekhem veinticuatro pelten once (éltamhomaxko nak pelten Sebat) ektáhakxa axta apqánet apyeyam apteme wesse' apwányam ma'a Darío.

Zacarías 6:9

Egkéssek axta ko'o Wesse' egegkok se'e appeywa nak. Aptáhak axta s'e:

Zacarías 7:1

Apméssek axta appeywa Wesse' egegkok Dios appeywa aplegasso Zacarías ektáhakxa axta cuatro ekhem pelten nueve (éltamhomaxchexa nak Quisleu) ekwokmo axta cuatro apyeyam apteme Wesse' apwányam ma'a Darío.