Sofonías 3:9 - Biblia Enxet

⁹ “Wokmek sa' agkok xa, amasséssesek sa' ko'o ektémakxa nak chá'a apkelpeywa ekmaso m'a énxet'ák, yaqwayam sa' hewónmakha chá'a ko'o m'a apyókxoho nak, tén han hetnéssesek ko'o wánxa xama sétleykha.

Sofonías 3:9 ပူးပေါင်းရင်းမြစ်များ

Génesis 11:1

Hawók axta mók apkelpeywa énxet'ák keso náxop.

Génesis 4:26

Apweteyak axta han xama apketche apkenna' Set, apteméssessek axta apwesey Enós. Cháxa eyeynókxa axta kélwóneykha apwesey m'a Wesse' egegkok.

Salmos 113:3

¡Kólpeykeshok sa' chá'a Wesse' egegkok apwesey eyeynamo m'a teyapmakxa ekhem, ekweykekxoho m'a taxnegwánxa ekhem!

Salmos 22:27

Kaxén sa' kélwáxok kéxegke Wesse' egegkok kélyókxoho pók aptémakxa nak énxet'ák kélheykha keso náxop, kólyo'óta sa' ma'a; ¡kóltekxeyák sa' kéltapnák apmonye' m'a!

Isaías 19:18

Exnagkok sa' cinco tegma apkelyawe Egipto xa ekhem nak, yaqwayam sa' elpaqmétek ma'a hebreo appeywa, tén han etnéssesek naqsók melyenseyam apkelyetlo m'a Wesse' ekha nak apyennaqte. Tegma Apwányam Ekhem sa' nahan etnehek apwesey xama m'a.

Isaías 57:19

Sa' atnehek alának apyókxoho s'e: ‘¡Tásek sa' katnehek kélheykha kélheykha nak makhawo', tásek sa' katnehek kélheykha kélheykha nak keto'! ¡Altaqmelchásekxak sa' ko'o m'a énxet'ák ahagkok!’

Isaías 6:7

épetchessessek axta ahátog, aptáhak axta seyáneya s'e: “Elano, yepetcha'ak xép apátog se'e átex nak. Kélyenyókassek aptémakxa ekmaso, megkólyaqmagkásekxak ma'a aptémakxa mey'assáxma.”

Jeremías 16:19

Wesse', segkésso nak sekyennaqte, tén han setaqmelchesso, semasma nak chá'a ekwa'a enxoho ekmaso sekha; xeyep sa' elyo'ótak pók aptémakxa énxet'ák apkeleñama m'a makhawók agko' nak xapop. Sa' etnehek chá'a yának se'e: “Wánxa axta aqsa apkelxaweykekxo ẽlyapmeyk nano' negko'o m'a aqsok kéláyókxa ekteme nak mékoho, tén han meyke nak ekmowána.

Ezequiel 37:17

Épetchásekxa sa' heykxe mók xa, yaqwayam sa' katnekxak xama.

Habacuc 2:14

Kasawhekxohok sa' ekyókxoho keso náxop apkelya'áseykegkoho énxet'ák Wesse' egegkok apcheymákpoho, ektémól'a yegmen eksawheykekxohol'a ekláneyo m'a wátsam ekwányam.

Sofonías 2:11

Asagkók agko' sa' katnehek apteméssesakxa Wesse' egegkok ma'a énxet'ák nak. Emasséssók sa' ekyókxoho aqsok kéláyókxa nak chá'a m'a apchókxa, sa' aqsa wánxa kólpeykeshok chá'a ekyókxoho apheykegkaxa m'a, kawakxohok sa' ma'a énxet'ák apheykha nak neyáwa wátsam ekwányam.

Zacarías 14:9

Cháxa ekhem yaqwánxa sa' etnehek Wesse' apwányam Wesse' egegkok ekyókxoho keso náxop. Wánxa sa' nahan xama etnehek ma'a Wesse' egegkok, xama sa' nahan katnehek ma'a apwesey.

Zacarías 2:11

Temék sa' agkok xa, apxámok sa' pók aptémakxa énxet'ák elyo'ótak ma'a Wesse' egegkok. Sa' etnehek appeywa s'e: “Atnehek sa' nahan énxet'ák ahagkok xa énxet'ák nak. Keñe sa' axek chá'a ko'o kélnepyeseksa kéxegke.” Keñe sa' kólya'ásegwók kéxegke aptáha seyáphasso ko'o m'a Wesse' egegkok ekha nak apyennaqte.