Sofonías 3:8 - Biblia Enxet

⁸ Hélleyx sa' aqsa m'a ekhem, sémpákxo sa' néten yaqwayam alxénchásekxohok ko'o kéltémakxa kéxegke. Ektáhak ko'o sekpeywa s'e sektáha nak Wesse': Ekxénchek ko'o wánchásekxak pók aptémakxa énxet'ák tén han kelwesse'e yaqwayam sa' ko'o ayenyenták seklo nepyeseksa. ¡Kamasséssók sa' ekyókxoho xapop ma'a seklo ekho nak táxa eyáléwe!

Sofonías 3:8 ပူးပေါင်းရင်းမြစ်များ

Salmos 12:5

Aptáhak appeywa Wesse' egegkok se'e: “Kélnaqtawáseykegkók ma'a meyke nak aqsok apagkok, kéllegassáseykegkók ma'a apkelyelqamákpoho nak. Cháxa keñamak peya nak ko'o wampekxak néten, apasmok sa' ekhawo ektémakxa nak chá'a apkelmopmenyého.”

Salmos 123:2

Nélenmexawók negko'o aphakxa exchep negwóneyncha'a Wesse', Dios egagkok, aptémól'a elanha apmék wesse' apagkok ma'a apkeláneykha, ektémól'a kalanha ámek wesse' agkok ma'a éláneykha, nélhaxanma negko'o kapyóshok henlano'.

Salmos 27:14

¡Nágkólya'ássem Wesse' egegkok! ¡Kólwasqápekxoho, nágkólyelqaxche'! Naqso', ¡nágkólya'ássem Wesse' egegkok!

Salmos 37:34

Nágkólya'ássem kéxegke Wesse' egegkok, kólyahakxoho nahan, hakte sa' etnéssesek ekha kéláyo kéxegke m'a, tén han egkések yaqwayam kóltéhek kélagkok apchókxa. ¡Kéxegke kélagko' sa' han kólwetagkohok kólmasséssók ma'a élmasagcha'a nak apkeltémakxa!

Salmos 37:7

Ewanmeyha sa' aqsa nápaqto' Wesse' egegkok, eleyx aqsa epasmok meyke appekhésamap. Nágkalókas apwáxok étak ma'a énxet'ák ektaqmalma nak apheykha, ekteyapma nak chá'a aqsok ekmaso yaqwayam elanagkok.

Salmos 62:1

Dios apteme wánxa segkésso meyke ektáhakxa sekha; cha'a keñamak sekwayam teyp ma'a.

Salmos 62:5

Dios apteme wánxa segkésso meyke ektáhakxa sekha; hakte cha'a keñamak sélhaxneykha chá'a ko'o m'a.

Salmos 79:5

Wesse' egegkok, ¿yaqsa sa' ekhem elwataksek sẽltaqnawéyak? ¿Megkamassegwomeya sa' aplo ektémól'a táxa?

Salmos 79:6

¡Eyenyenta aplo neyseksa apchókxa m'a melpeykessamo nak chá'a exchep, mey'áseykegko nak xép, tén han mewóneykencha'a nak chá'a.

Proverbios 20:22

Ná exén chá'a eyaqmagkásekxak kélteméssesakxa'; etne chá'a apcháyo Wesse' egegkok, sa' emallanchesek ma'a.

Cantares 8:6

Epekken apwáxok sekwesey, ¡elqahes nahan apaktog! Kayhek ektémakxa m'a nélásekhamaxkoho nak, ektémól'a m'a nétsapma. Mogwanchek nahan agyetnaqhássók ma'a ekmámenyého nak egwáxok, máxa m'a ektémól'a takhaxpop. ¡Nélásekhamaxkoho ekteme m'a táxa eyáléwe ekmexanma agko' la'a!

Isaías 14:26

Cháxa sekxéna nak ko'o alának ekyókxoho keso náxop. Xénchek ewáxok allegássesagkohok ma'a ekyókxoho apheykegkaxa nak chá'a pók aptémakxa énxet.”

Isaías 30:18

Apkelhaxneyk kéxegke m'a Wesse' egegkok, yaqwayam sa' elásekhekxohok makham; apmakawók apagkók exekmósek kéxegke m'a ektémakxa nak apkelásekhayo, hakte Wesse' egegkok apteme Dios ekpéwomo aptémakxa. ¡Apkeleñémo apyókxoho ektáha nak apkelhaxanma m'a!

Isaías 34:2

Apkeltaqnaweygkek Wesse' egegkok apyókxoho énxet'ák keso náxop ekweykekxoho m'a apyókxoho sẽlpextétamo apagkok nak, apkeltamhók kólsawhohok kólnápekxa'.

Isaías 63:6

Élteyammeyha axta ko'o yetlo seklómo ahagko' ma'a pók aptémakxa nak chá'a énxet'ák, ekmasséssekmek axta yetlo seklo, ekyegkenchessek axta éma apagkok náxop.

Jeremías 10:25

Eyke eyenyenta aplo nepyeseksa m'a énxet'ák melya'ásegko nak xép, cham'a énxet'ák mewóneykha nak chá'a exchep, hakte apkelnapmeyk ma'a Jacob nak énxet'ák apagkok, apmassésseykmek apyókxoho, ekmaso aptemessáseykekxak ma'a apchókxa.

Oseas 12:6

Israel, ey'ókxa makham Dios apagkok; elána m'a aqsok ekpéwomo nak, tén han magyenyaweykha, ná ey'ássem chá'a Dios apagkok.

Joel 3:2

Wánchásekxak sa' apyókxoho pók aptémakxa énxet'ák, alya'aksek sa' ma'a xóp ekyapwate nak Josafat, sa' alyekpelkohok ko'o m'a, apteméssessamakxa axta m'a énxet'ák ahagkok Israel. Hakte apkexpánchessegkek axta énxet'ák Israel apkelya'assama chá'a ekyókxoho keso nélwanmégkaxa', apmelassamákpek axta seyókxa.

Miqueas 7:7

Aleyxek sa' eyke ko'o m'a Wesse' egegkok; malwataksek sa' sélhaxanma m'a Dios ahagkok sewagkasso nak teyp, hakte yeyxhok sa' ko'o sélmaxnagko m'a.

Habacuc 2:3

Makke kawokmok makham yaqwánxa katnehek xa aqsok kélxekmóssamo nak, katnehek sa' eyke. Eleyxek sa' eyke aqsa exchep, kánéxchek sa' eykhe yehémek katnehek, kammok sa' eyke yaqwánxa katnehek.

Sofonías 1:18

Megkalwagkasek sa' teyp sawo ekmope élmomnáwa tén han sawo ekyátekto élmomnáwa apagkok énxet'ák ma'a ekhem, aplawa sa' Wesse' egegkok, hakte kasawhohok sa' Wesse' egegkok aplo ekyókxoho apkelókxa ektémól'a táxa kalwatnek aqsok. ¡Ekmanyehe agko' sa' kólmasséssók apyókxoho apheykha nak keso náxop!

Hageo 2:22

amasséssók sa' ko'o aptamhéyak chá'a apkelwesse'e apkelwányam keso náxop, néxa sa' atnéssesek aptamhéyak apkelwesse'e; alpeynchók sa' ma'a yátnáxeg apkelyenyawasso kélanchesso nak kempakhakma, yetlo m'a ektáha nak chá'a apkelchánte, eletsapok sa' yátnáxeg, tén han ma'a apheykha nak chá'a apkap'ák; yetsapok sa' chá'a xama apkelyetxeykekxa pók sawo.