Sofonías 3:7 - Biblia Enxet

⁷ Axta entáhak élchetamso ewáxok se'e: ‘Sa' heyeyk chá'a énxet'ák Jerusalén sekteméssesa enxoho xa tén han elyahakxohok chá'a apékessesagkok; tén sa' megkólmasséssemek chá'a m'a apxanák nak eñama ko'o séllegassáseykegkoho.’ Apkelánegkokxeyk axta eyke aqsa makham ekyókxoho m'a mók ektémakxa nak chá'a aqsok ekmaso.

Sofonías 3:7 ပူးပေါင်းရင်းမြစ်များ

Génesis 6:12

Apyókxoho énxet'ák axta apnaqtawásamákpok. Xama axta apwet'a Dios ekyágwokmoho ekmaso nentémakxa keso náxop,

2 Crónicas 33:11

Axta keñamak apchahaya Wesse' egegkok ma'a sẽlpextétamo apkelámha apmonye'e apagkok nak wesse' apwányam Asiria, apchásekkessama axta sawo élhaxe apmoma m'a Manasés, apkelpextetegkek axta cadena sawo élyexwase, apyentameykekxeyk axta m'a Babilonia.

Job 36:10

Apkelpaqhetchesso yaqwayam elánekxések apkeltémakxa, keñe han yának elwátesagkok apkeltémakxa ekmaso.

Salmos 32:8

Aptáhak Wesse' egegkok se'e: “Éláneykha chá'a ko'o exchep. Alxekmósek sa', apaqhetchesha sa', axekmósek sa' ámay eyeyméxko nak étlók.

Proverbios 19:20

Yeyxho chá'a ektáhakxa kélpaqhetchesso, ema chá'a takha' ektáhakxa kélnókáseykha; keñe sa' etnehek ekha apya'áseykegkoho aqsok.

Isaías 5:4

¿Yetnéya makham ko'o mók aqsok eyeyméxko atnéssesek ma'a anmen yámet séneykekxa? ¿Yetnéya makham mók aqsok eyeyméxko matnéssesa? Élhaxanmeyk axta ko'o keyxek ekmátsa ekyexna m'a, ¿yaqsa eyke ektéma ekyexnama nak ekmáske ekyexna?

Isaías 63:8

Aptáhak axta s'e: “Ko'o énxet'ák ahagkok xa, étchek yaqwayam sa' mehelyexanchesha chá'a.” Axta nahan apkelwagkasso teyp

Jeremías 17:23

Axta eyke ko'o heháxenmók ma'a, axta han hélyeheykekxoho', apkelyennaqtéssegkek axta aqsa apkelwáxok, axta hélyeheykekxoho', mopmenyeyk axta kólxekmósagkok.

Jeremías 25:5

Axta aptemék chá'a apkelánagkama s'e: Kólwátésák kéltémakxa ekmaso, tén han kélláneyak aqsok ekmaso; keñe sa' kólhakha chá'a s'e xapop Wesse' egegkok axta apmésso kéxegke meyke néxa, tén han ma'a kélyapmeyk nano' axta.

Jeremías 36:3

Lapmaxcheyk sa' elwátésagkok apkeltémakxa ekmaso énxet'ák Judá, apkelleg'a sa' ekyókxoho m'a apkellegeykegkoho ekmaso ekxeyenma nak ko'o ewáxok waha', keñe sa' mayaqmagkásekxeyk ko'o m'a apkeltémakxa ekmaso tén han melya'assáxma.”

Jeremías 38:17

Keñe axta Jeremías aptáha apcháneya Sedequías se'e: —Aptáhak Wesse' ekha apyennaqte, Dios apagkok nak Israel se'e: ‘Apmeyásékpek sa' agkok xép ma'a sẽlpextétamo apkelwesse'e apagkok nak wesse' apwányam Babilonia, ewagkasakpok sa' xép teyp, yetlo apnámakkok, megkólwatnekxeyk sa' nahan se'e tegma apwányam nak.

Jeremías 6:8

Kastégho sa', Jerusalén, sa' agkok kastégak, ayenyók sa' eñama megkaleklo ewáxok, yókxexma meyke xama aqsok sa' atnessásekxa', meyke énxet apheykha kañe' sa' atnessásekxa'.”

Jeremías 7:7

wohok sa' ko'o kóllenxanmagkohok kélheykha s'e xapop nak, sekmésso axta ko'o kélyapmeyk nano' megkatnégwayam néxa.

Jeremías 8:6

Ektaqmelchessamók axta eykhe sélhaxneykha séltémo aña', maxta eyke añék kaqhek apwáxok aptémakxa ekmaso xama énxet enxoho, tén han méxamakpoho enxoho etnehek appeywa s'e: ¿Yaqsa aqsok ko'o séláneya? Apyókxoho apkelxegák ekyennaqte apkelyetlama m'a ámay apagkok nak, máxa m'a yátnáxeg élyennaqtél'a apyespa'ák neyseksa kempakhakma.

Oseas 9:9

Kélnaqtawásamáxkók kélagko', kéltémakxa axta nanók ma'a Guibeá. Kaxénwakxohok sa' eyke apwáxok Wesse' egegkok ma'a kéltémakxa ekmaso, ellegássesagkohok sa' eñama megkólya'assáxma.

Sofonías 3:2

Megyaháxenmók ma'a Wesse' egegkok appeywa mopmenyeyk nahan kólpékessesagkok; megyáyok nahan ma'a; mey'eykekxak han ma'a Dios.

Deuteronomio 4:16

yaqwayam enxoho megkólnaqtawasaxcheyk kélagko' kóllának ma'a kéleykmássesso kélheyáseykegkoho nak ektémakxa apyókxa m'a énxet essenhan kelán'a,