Sofonías 2:5 - Biblia Enxet

⁵ ¡Kéxegkel'aye, énxet'ák Creta, kélheykha nak neyáwa wátsam ekwányam! Apxénchek Dios se'e yaqwánxa nak etnéssesek kéxegke: “¡Canaán, énxet'ák filisteos nak apchókxa, amasséssók sa' ko'o exchep, meyke énxet apheykha kañe' sa' atnessásekxa'!

Sofonías 2:5 ပူးပေါင်းရင်းမြစ်များ

Isaías 14:29

Filisteos, nágkalpayhekxa aqsa kélwáxok kélekkexchesa m'a yámet kéltekyaweykencha'a axta chá'a, hakte sa' kañék katyapok xama yéwa m'a ekteyapmakxa nak chá'a m'a yéwa, katyapok sa' xama yéwa ekwányam ekmowána kampa'.

Isaías 14:30

Keytek sa' pa'at yaqwayam elagkok apnaqtósso énxet'ák ahagkok meyke nak aqsok apagkok ma'a yókxexma ahagkok nak, tásek sa' katnehek apkellókasso apkelyampe m'a énxet'ák meyke nak aqsok ma'a apxanák. Keñe sa' ko'o wának emaskok meyk élnapma m'a énxet'ák apagkok, alnáhakkasek sa' nahan ma'a apkeleymomap enxoho apqántawo'.

Jeremías 47:7

¿Háxko eyke katnehek kalwataksek? Wesse' egegkok apkeltémo katnehek, apkeltémo kaktamagkok ma'a Ascalón, tén han ma'a apyókxoho énxet'ák apheykha nak neyáwa' wátsam ekwányam.

Ezequiel 25:16

Cháxa keñamak sektáha nak ko'o sekpeywa s'e, sektáha nak Wesse': Axekmósek sa' ko'o sekmowána allegássesagkohok ma'a énxet'ák filisteos; amasséssók sa' ko'o m'a quereteos, amasséssók sa' nahan ma'a apkeleymomap nak makham apheykha m'a neyáwa wátsam ekwányam.

Amós 3:1

Israelitas, kóleyxho aptáhakxa nak appeywa Wesse' egegkok apkelxéna kéxegke, ektáha axta apkelántekkesso m'a Egipto:

Amós 5:1

Israelitas, kóleyxho sekpeywa; kóleyxho negmeneykmasso senlapwayam sekmeneykmássesa nak ko'o kéxegke:

Sofonías 1:11

¡Kéxegke, kélheykha nak tegma Mortero, kalpayheykha kélatña'ák hakte esawhakpohok sa' eletsapok apyókxoho m'a apkexeykekxa nak chá'a aqsok, kólmasséssók sa' apyókxoho m'a apkelseykha nak chá'a selyaqye!

Sofonías 3:6

Aptáhak Wesse' egegkok se'e: “Ekmasséssekmek ko'o pók aptémakxa énxet'ák, élyaqnegkásegkek ma'a tegma apkelwenaqte kélhaxtegkesso nak nepyáwa', meyke xama aqsok ektemessásekxak ma'a ámay apagkok nak, meyke xama énxet enxoho yaqwayam eyeykhagwók. ¡Méko xama enxoho apheykekxa m'a tegma apkelyawe apagkok nak!

Zacarías 1:6

Cham'a sekpeywa tén han seyánamakxa axta chá'a etnahagkok, séltémo axta ko'o eltennasagkok ma'a séláneykha apkellegasso axta sekpeywa, apwagkassegkek axta apheykegkaxa m'a kélyapmeyk nano' axta kéxegke. Tén axta sey'eykekto ko'o m'a, apkelya'ásegweykmo m'a sekteméssessamakxa axta chá'a ko'o sektáha nak Wesse' ekha sekyennaqte eñama m'a apkeltémakxa tén han aqsok ekmaso apkeláneyak.’”

Josué 13:2

Kéméxcheyk ma'a ekyókxoho xapop apagkok nak filisteos, kenhan ma'a guesureos,

Josué 13:3

ekmeheykegko nak eyeynókxa m'a wátsam Sihor, ekteyapmakxa ekhem halep nak Egipto, ekweykmoho néxa xapop nak ma'a Ecrón, ekpayho nak nexcheyha, ektáhakxa nak xapop apagkok ma'a cananeos; apháha cinco apkelámha apmonye'e filisteos ma'a, cham'a apkelámha apmonye'e nak yókxexma Gaza, Asdod, Ascalón, Gat tén han ma'a Ecrón. Kéméxcheyk han ma'a yókxexma apagkok nak ma'a aveos,

Jueces 3:3

Apkeleymomákpek axta cinco apkelámha apmonye'e filisteos, tén han apyókxoho cananeos, sidonios, keñe han heveos apheykencha'a axta m'a egkexe élekhahéyak nak Líbano, eyeynamo m'a egkexe nak Baal-hermón, ekweykekxoho m'a nempéwomókxa nak antexek ma'a Hamat.

1 Samuel 30:14

axta nélmahágkok nélmenyexwokmo aqsok ma'a quereteos nak xapop apagkok, ekpayho nak nepyeyam, tén han ma'a apheykegkaxa nak énxet'ák Judá keñe han Caleb. Negwatneykxeyk axta han ma'a Siclag.