Sofonías 2:14 - Biblia Enxet

¹⁴ Kólhexyawássesagkok sa' ma'a yántéseksek apxanák nak, sa' elyagqak nahan chá'a nepkések ma'a keñe han ma'a mók ektémakxa nak chá'a aqsok nawha'ák. Sawe apkelyawe sa' enaqtének ma'a néten étseksa'ák nak yámet élámha apagkok tén han leklek, keñe sa' náta élpésyam kalpáwha m'a átog étkók nak tén han ma'a átog nentaxnamakxa nak tegma.

Sofonías 2:14 ပူးပေါင်းရင်းမြစ်များ

Salmos 102:6

Máxa sawe ektemék apyáqtol'a yókxexma meykexa énxet, máxa leklek ektemék apyáqtol'a nepyeseksa tegma aphopák appalleyam.

Isaías 14:23

Ekyetnamakxa yelpa' ekmomhápa sa' atnessásekxa' tén han yókxexma apxámokmakxa sawe apkelyawe. Wáxñeksek sa' ma'a kéláxñesso ekmassesseykmoho nak aqsok” Wesse' egegkok ekha nak apyennaqte apxeyenma xa.

Jeremías 22:14

Apteme nak chá'a epaqmésmakha s'e: ‘Alának sa' exagkok apyawe apagko', yetlo élyawe apwáxok ma'a néten nak.’ Elanaksek chá'a atña'ák étkók, keñe chá'a ewakhaksek elyepetchesek yámet cedro m'a nápakhaw'ék nak, keñe elyexwasaksek chá'a.

Amós 9:1

Ekwet'ak axta ko'o Wesse' egegkok apkenmeyncha'a nekha élwatnamáxchexa aqsok. Aptáhak axta seyáneya s'e: “Eltekpog xa élámha nak néten étseksa'ák, ekwokmoho élyawheyncha'a m'a élámha nak tegma, ¡kaláhapwaták sa' agkok nekha étkók ma'a énxet'ák! Keñe sa' ma'a meletsapma enxoho, ko'o sa' chá'a alnápok alyetxeygkok sókwenaqte, emáwhok sa' eykhe yenyahagkok mewagkasakpek sa' eyke chá'a teyp xama enxoho;

Sofonías 2:6

Émhakxa pa'at sa' katnekxak ma'a apchókxa ekyetno nak neyáwa wátsam ekwányam, yaqwánxa sa' chá'a yaqnekxak ma'a keláneykha nepkések, tén han yaqwánxa sa' chá'a kóllánésagkok aphaxta apagkok ma'a nepkések.”