Sofonías 2:13 - Biblia Enxet

¹³ Ey'aksek sa' apmopwána m'a ekpayho nak nexcheyha yaqwayam emasséssók ma'a Asiria, meyke xama aqsok sa' etnessásekxak ma'a tegma apwányam Nínive, ekyamaye exma sa' etnessásekxa'.

Sofonías 2:13 ပူးပေါင်းရင်းမြစ်များ

Isaías 10:12

Appenchessek sa' agkok Wesse' egegkok ekyókxoho aqsok apmáheyo nak elának ma'a egkexe Sión tén han ma'a Jerusalén, eñássesagkohok sa' ma'a wesse' apwányam Asiria eñama eyaqheykha apwáxok se'e aptamheykha nak, tén han eñama megyésso yeykpoho', tén han eyeymáxkoho apwáxok.

Isaías 10:16

Cháxa keñamak peya nak etnessásekxak meyke apkelwasqapma Wesse' ekha nak apyennaqte xa énxet'ák élyenneykha agko' nak apyempe'ék, elméxenchessesek sa' apyempe'ék máxa táxa élwatno sa' etnéssesek.

Isaías 10:5

“¡Wesse' apwányam Asiria! Cha'a apteme yámet seklo nak ko'o m'a séllegassáseykegkoho nak chá'a, yámet sekmeykha nak chá'a m'a seklawa enxoho.

Isaías 11:11

Exekmósek sa' makham apmopwána Wesse' egegkok apmako sa' enaqlanták makham énxet'ák apagkok apkeleymomap xa ekhem nak, apnaqlósawákxo sa' makham ma'a Asiria, Egipto, Patros, Etiopía, Elam, Sinar, Hamat tén han ma'a apkelókxa ekhéyak nak neyáwa wátsam ekwányam.

Isaías 14:26

Cháxa sekxéna nak ko'o alának ekyókxoho keso náxop. Xénchek ewáxok allegássesagkohok ma'a ekyókxoho apheykegkaxa nak chá'a pók aptémakxa énxet.”

Isaías 37:37

Tén axta Senaquerib, wesse' apwányam nak Asiria apleya appakxanma; aptaqháwók axta makham ma'a Nínive.

Jeremías 49:33

Yókxexma meykexa énxet meyke néxa sa' etnekxak ma'a Hasor, élleykegkaxa m'a semheg nawha'ák. Méko sa' kaxnekxak kaxwók ma'a, méko sa' ma'a yaqwatakxoho enxoho aphayam.”

Jonás 1:2

“Emhók sa' tegma apwányam Nínive, eltennés sa' peya ko'o amasséssók ma'a, hakte wa'ak ko'o amya'a sekhakxa ektémakxa melya'assáxma.”

Jonás 3:2

“Emhók sa' tegma apwányam Nínive, ellegés sa' énxet'ák sekmako nak ko'o altennaksek xép.”

Miqueas 5:6

Sa' etnahagkok kelwesse'e apkelwányam Asiria m'a, cham'a apchókxa Nimrod, yetlo apmeykha sókwenaqte, hẽlmallahanchesek sa' nepyeseksa asirios apkelántaxna enxoho negókxa, appayhékxo enxoho m'a kañe' xapop egagkok.

Nahúm 1:1

Keso weykcha'áhak apxawe axta eñama kélxekmósso m'a Nahúm apkeñama axta Elcós. Cháxa amya'a ekxeyenma nak ma'a tegma apwányam Nínive.

Nahúm 3:15

Sa' kalwatnek kéxegke táxa m'a, tén han kalnápok kempakhakma, máxa sawa' aptól'a aqsok, sa' kóltéhek kólmasséssók kélyókxoho. ¡Kólxámasaxche sa' aptémól'a sawa'! ¡Kólxámasaxche sa' ektémól'a séta'!

Nahúm 3:7

Yenyahagkok sa' naqtók xeye' apyókxoho ektáha nak apwete, sa' etnehek apkelpeywa s'e: ‘¡Kélmasséssekmek Nínive! ¿Yaqsa sa' kayósho kalano'? ¿Háxko sa' kóteyágwok yaqwayam kapeykessásekxak awáxok?’

Sofonías 1:4

“Allegássesagkohok sa' ko'o m'a énxet'ák Judá tén han ma'a apyókxoho apheykha nak Jerusalén. Amasséssók sa' ekyókxoho ekheykegkokxa nak natámen Baal se'e yókxexma nak, cham'a aqsok kéláyókxa ekmowána amya'a nak, ekweykekxoho apkelwesey m'a apkelmaxnéssesso nak chá'a énxet'ák agkok.