Sofonías 1:9 - Biblia Enxet

⁹ Allegássesagkohok sa' nahan apkelnextega nak chá'a néten elántépok átog xa ekhem nak, tén han apsawheyáseykekxoho nak chá'a kelwesse'e apagkok apxanák ma'a negyennaqteyáseykha nak egyempehek tén han nélyexancháseykha egmók.”

Sofonías 1:9 ပူးပေါင်းရင်းမြစ်များ

Nehemías 5:15

Axta etnaheykegkok ma'a apkeltaqmelchesso apkelókxa apmonye'e axta aptamhéyak, matnamakxa axta ko'o, apyentaxnéssessegkek axta apheykha énxet'ák, hakte yókxoho ekhem axta apkelméyak chá'a cuarenta sawo selyaqye élmope, yaqwayam etegyagkok aptéyak, tén han vino. Apnaqtawáseykegkók axta han énxet'ák ma'a apkeláneykha nak, makke ko'o atneyk xa ektáha nak, eñama seyáyo m'a Dios.

Proverbios 29:12

Apkemha apmonye' apháxenmo nak chá'a ekmowána amya'a, kawakxohok apteméssesso élmasagcha'a apkeltémakxa m'a apyókxoho apkeláneykha.

Jeremías 5:27

Ellánésagkok chá'a apxanák ma'a aqsok élmenyexamaxche nak, ektémól'a náta kóllanaksohok ma'a axagkok. Cháxa keñamak aptamheykegko nak ekha kéláyo, tén han kelwesse'e,

Amós 3:10

Aptáhak Wesse' egegkok se'e: “Melya'ásegkok ektémakxa nak nenlane ekpéwomo nentémakxa m'a; apxatmeykegkek tegma apkelyawe apagkok ma'a aqsok apkelmenyexéyak nak chá'a eñama apkelyennaqteyáseykha, apyempe'ék.”

Miqueas 6:12

Apyókxoho kelwesse'e apheykha nak se'e tegma apwányam apnaqtawáseykegkoho m'a apmopyóseka nak; apkelmopwancha'a amya'a nahan apyókxoho apheykha nak ma'a, tén han apkelyexancháseykha chá'a pók.

Zacarías 5:6

Ektáhak axta sélmaxneyeyncha'a s'e: “¿Yaqsa aqsok xa?” Aptáhak axta seyátegmowágkokxo s'e: “Kelyetsáteyak xa. Kélyetsáteyak nak chá'a apkeltémakxa melya'assáxma m'a énxet'ák apheykha nak se'e apchókxa nak.”

Jueces 19:27

Xama axta apxatakha'a m'a atáwa', apmeykessek axta átog peya exñekxak makham, apwet'ak axta kelán'a apmeykha naqsa ekyetna m'a ekpayho nak átog, élmágwokmo m'a átog nak.

1 Samuel 5:5

Cháxa keñamak apkelántaxnegwákxo enxoho chá'a apkelmaxnéssesso nak dios Dagón énxet'ák agkok ma'a tegma kélpeykessamókxa nak chá'a, apyetnama nak ma'a Asdod, melteyammek chá'a elántexek ma'a nentaxnamakxa nak, ekwokmoho makham se'e kaxwo' nak.