Sofonías 1:10 - Biblia Enxet

¹⁰ Keso aptáhakxa exchek appeywa Wesse' egegkok se'e: “Kañexchek sa' kélpáxameykha ektegyeykha ekpasmo xa ekhem nak eyeynamo m'a kéltéma nak Kelasma Átog agkok. Kalpayheykha sa' apatña'ák énxet'ák ma'a kéltéma nak Kaxwe Apheykegkaxa, kaxtegyók sa' ekyennaqte agko' apkelyaqnenma tegma m'a egkexe nak.

Sofonías 1:10 ပူးပေါင်းရင်းမြစ်များ

2 Samuel 5:7

Apmeyk axta eyke David xa tegma apyennaqte nak Sión, cham'a apkeltamhomakpexa nak kaxwók David Tegma Apyawe apagkok.

2 Samuel 5:9

Tén axta apheykmo David ma'a tegma apyennaqte nak, apteméssessegkek axta han apwesey David Tegma Apyawe apagkok, tén axta aphaxtegkesa nepyáwa', eyeynmo m'a apkekhessamakxa axta xapop apchántamakxa, ekweykekxoho m'a apxagkok apyawe nak.

2 Reyes 22:14

Apxegkek axta Hilquías, Ahicam, Acbor, Safán tén han Asaías, apkelya'aweykxo m'a eklegasso axta Dios appeywa, kelán'a ekwesey axta Huldá, Salum axta aptáwa', Ticvá axta apketche, Harhás axta aptáwen, apkeltaqmelchesso axta chá'a m'a kélxátamakxa nak apáwa m'a tegma appagkanamap. Axta eghak Huldá m'a kaxwe apheykegkaxa axta énxet'ák ma'a Jerusalén, xama axta kélpaqhetchesa,

2 Crónicas 3:1

Apcheynamók axta apkelánesso Salomón Wesse' egegkok tegma appagkanamap apagkok ma'a Jerusalén, cham'a egkexe nak Moria, apxekmowásamákpexa axta Wesse' egegkok ma'a David, apyáp axta, cham'a apkelyessáseykegkaxa axta yaqwayam étek ma'a David, apkexakkassamakxa axta chá'a apyempe'ék hótáhap apaktek ma'a Ornán, apteme axta jebuseo.

2 Crónicas 32:22

Cháxa ektáhakxa axta apkelwagkasa teyp Wesse' egegkok ma'a Ezequías tén han ma'a apheykha nak Jerusalén, neyseksa apmáheyo elmok ma'a Senaquerib, wesse' apwányam axta m'a Asiria, keñe han neyseksa apmáheyo elmok ma'a apyókxoho pók apkelenmexma nak, meyke ektáhakxa apheykha axta aptemessásak ma'a apyókxoho apheykha nak nepyáwa'.

2 Crónicas 33:14

Keñe axta natámen Manasés aphaxtegkesa nepyáwa m'a David Tegma Apwányam apagkok, ekpayho nak taxnegwánxa ekhem ma'a Guihón, yeykhayak axta m'a yegmen ényé nak, weykmók axta m'a ekwesey nak Kelasma Átog Agkok, haxnenchámeykekxeyk axta m'a tegma apwányam Ófel. Netnók agko' axta aptemék apkelane. Apnegkenágkek axta han chá'a sẽlpextétamo apkelámha apmonye'e m'a apyókxoho tegma apkelyawe élyennaqte nak kélhaxtegkáseyak nepyáwa m'a Judá.

2 Crónicas 34:22

Apxegkek axta Hilquías yetlo apkelxegexma'a m'a wesse' apwányam axta apkelyéseykha yaqwayam elxog ey'ókxak ma'a eklegasso axta Dios appeywa, kelán'a ekwesey axta Huldá, Salum axta aptáwa', Ticvá axta apketche, Harhás axta aptáwen, apkeltaqmelchesso axta chá'a m'a kélxátamakxa nak apáwa m'a tegma appagkanamap. Axta eghak Huldá m'a kaxwe apheykegkaxa axta énxet'ák ma'a Jerusalén, xama axta kélpaqhetchesa,

Nehemías 12:39

nélyeyk'ak axta m'a átog kéltéma nak Efraín, tén han ma'a átog nak Jesaná, tén han átog kéltéma nak Kelasma, tén han ma'a tegma apwenaqte Hananel, tén han tegma apwenaqte kéltéma nak Cien, ekweykekxoho m'a átog kéltéma nak Nepkések; nenchaqnágwokmek axta m'a átog kéltéma nak Apkelhaxneykha.

Nehemías 3:3

Keñe axta Senaá aptawán'ák neptámen apkeláneykxo m'a átog kéltéma axta Kelasma. Apnegkenchásegkek axta éltegyésso, tén axta apnegkenágko han ma'a atña'ák, yetlo kélápeykekxexa nak chá'a, tén han yámet ekméyak nak chá'a átog.

Isaías 59:11

Máxa méwa élyexwéweykha nentemék negko'o negyókxoho nélpáxameykencha'a, máxa yágwáx'ay apkelpáweykha nentemék nélápentegeykencha'a; nélhaxanmeyk eykhe m'a nélwagkásamáxche teyp, makke kaweyk; nélhaxanmeyk eykhe m'a sẽlmallahanchesso nak aqsok ekmaso, tayépe eyke ekyetnamakxa.

Jeremías 39:2

Apkelántaxneyk axta tegma apwányam ma'a sẽlpextétamo apyagqaxkatakxa axta, ekhem nueve ektéma axta once apyeyam cuatro pelten apteme wesse' apwányam ma'a Sedequías,

Jeremías 4:31

Ekleg'ak ko'o ekpayheykha kélátog kéllegeykegkoho ekmáske, ektémól'a xama kelán'a kaxwe ekmáheyól'a kótak étche kategkesek apkemha apmonye' étche; Sión ekpayheykha átog ma'a, élya'asa nak néten amék, ektáha ekpaqmeta s'e: ¡Ko'o laye! ¡Peyk heyaqhek ma'a tekyawa yapmeyk nak!”

Ezequiel 6:13

Elya'ásegwók sa' ko'o sektáha Wesse', apkelwet'a sa' kaxnagkok kélhapák neyseksa kéleykmássesso apagkok xa énxet'ák nak, tén han ma'a nekhaw'ék nak kélwatnamakxa chá'a aqsok, tén han ma'a ekyókxoho egkexe yámnetna'awo nak, tén han ma'a egkexe étseksa'ák nak, tén han ma'a ekyókxoho kóneg yenta'a éltaqmalma nak áwa', tén han ma'a ekyókxoho kóneg nak yámet élyawe élyentaxno nak pessesse agkok, tén han ma'a apkelseykekxéssamakxa nak chá'a kéleykmássesso apagkok ma'a sokmátsa élmátsa agko' nak élpaqneyam.

Amós 8:3

Kéllekxagweykha sa' katnekxak élmeneykmasamáxchexa nak chá'a tegma apyawe xa ekhem nak. Apxámok sa' énxet eletsapok, kalwanagkohok sa' aqsa exma kólchexák yókxexma m'a aphopák nak. Wesse' egegkok apxeyenma xa.

Sofonías 1:15

Katnehek sa' ekhem eklo xa ekhem nak, nenlegeykegkoho ekmáske tén han ekyentaxnamo egwáxok, sẽlmassésseyam tén han kéltemessáseykekxa meyke xama aqsok, ekyaqtessóxma tén han yaphope néten ekyentaxno agko';

Sofonías 1:7

¡Kólwanmeyák sa' nápaqtók Wesse' egegkok, hakte chágketwa'ak ma'a Wesse' egegkok ekhem apagkok! ¡Appenchessek apkeláneykekxa aptáhakxa Wesse' egegkok yaqwayam elának aqsok ektekyawa, apkelpagkanchek nahan ma'a ektáha nak apkeláneyeykha!