Salmos 70:4 - Biblia Enxet

⁴ Kalpayhekxohok agko' sa' eyke chá'a apkelwáxok apyókxoho m'a apketamso nak chá'a exchep, sa' etnehek chá'a elpaqmétek apkelmopmenyého nak chá'a nélwagkásamáxche teyp apagkok se'e: “¡Apwányam apagko' ma'a Dios!”

Salmos 70:4 ပူးပေါင်းရင်းမြစ်များ

Salmos 35:27

Eyke yána kalpayhekxak apkelwáxok tén han elwehesha elátsaha m'a apkeltémo axta ko'o axénaxchek meyke sektémakxa; sa' etnehek chá'a elpaqmétek se'e: “¡Apwányam apagko' Wesse' egegkok, kalkohok chá'a apwáxok kataqmelhok apha m'a apkeláneykha nak!”

Salmos 40:16

Keñe sa' kalpayhekxak apkelwáxok apyókxoho m'a ektáha nak chá'a apkelye'eykekxa exchep. Sa' etnehek chá'a elpaqmétek apyókxoho apkelmopmenyého nak chá'a negwagkásamáxche teyp apagkok: “¡Apwányam apagko' Wesse' egegkok!”

Salmos 5:11

Kalpayhekxak sa' eyke apkelwáxok ma'a énxet'ák apkelchetamso nak ektémakxa exchep sentaqmelchesso; elmeneykmaksek sa' chá'a yetlo apkelsawassamo, hakte apkelmasmeyk xép. Kalpayhekxak chá'a apkelwáxok eñama exchep ma'a ektáha nak chá'a apchásekhayo,

Salmos 97:12

¡Kalpayhekxa kélwáxok eñama Wesse' egegkok, kéxegke éltaqmalma nak kéltémakxa, kólpeykesho m'a apwesey ekpagkanamaxche nak!

Isaías 61:10

¡Appeykásekxeyk ewáxok Wesse' egegkok! Awanhók agko' segkésso sélsawassamo m'a Dios ahagkok, hakte egkéssek ma'a nélwagkásamáxche teyp apagkok, ¡ewagkásawók ahagko' teyp! Máxa ektáhak ma'a ektémól'a énxet élyamhopma kélatchessessól'a apqátek ma'a apkelháxaqxo ektaqmalma, ektémól'a m'a xama kelán'a ekmáheyól'a kalyamhápok kélnáxegkáseykhal'a kólnatmeyásekxak ma'a élnatanma éltaqmalma.

Lamentaciones 3:25

Elásekhohok chá'a Wesse' egegkok ma'a ektáha nak chá'a apcháyo, cham'a apkelye'eykekxa nak chá'a.