Salmos 67:2 - Biblia Enxet

² yaqwayam sa' elya'ásegwók apyókxoho énxet'ák apheykha nak keso náxop, cham'a apmopmenyého nak, tén han ektémakxa nak segwagkasso teyp.

Salmos 67:2 ပူးပေါင်းရင်းမြစ်များ

Salmos 117:2

hakte awanhók agko' negko'o segásekhayo m'a; ¡megkamassegwomek ektémakxa mehenyenyaweykha m'a Wesse' egegkok! ¡Aleluya!

Salmos 4:7

Egkéssegkek xép ekyawe agko' ekpayheykekxa ewáxok, máxa m'a énxet apxámokma nak hótáhap apagkok, tén han ma'a ekxámokma nak anmen yámet égmenek apagkok.

Salmos 41:5

Aqsok ekmaso aqsa apkeltémok heyáhapwak ma'a sélenmexma nak, etnehek chá'a apkelpeywa s'e: “¿Yaqsa sa' kexa ekhem yetsapok, tén han kamassegwók apxénamap?”

Salmos 43:5

¿Yaqsa katnehek ko'o kayaqhapwomhok ewáxok? ¿Yaqsa katnehek ko'o katneykha ewáxok? Élhaxanmeyk eyke aqsa m'a Dios, cham'a peya nak ko'o alenxanmohok sélpeykessamo. ¡Cha'a apteme ko'o Dios ahagkok ma'a, tén han Sewagkasso teyp!

Isaías 49:6

“Mopwanchek xép etnehek séláneykha wánxa apkelánekxésso apheykha m'a Jacob énxet'ák apagkok tén han yaqwayam enaqlanták makham ma'a énxet'ák Israel apkeleymomap nak meletsapma; atnéssesek sa' nahan ko'o exchep élseyéxma apagkok ma'a apyókxoho pók aptémakxa énxet'ák, yaqwayam sa' eswok nélwagkásamáxche teyp ahagkok ma'a makhawók agko' nak keso náxop.”

Isaías 52:10

Apxekmóssek apmopwána Wesse' egegkok nápaqta'awók ma'a apyókxoho pók aptémakxa énxet'ák. Kólya'asagkohok sa' ekyókxoho keso náxop sẽlwagkasa teyp ma'a Dios egagkok.

Daniel 9:17

Dios egagkok, yeyxho sélmaxnagko, tén han sekwóneykha, ko'o sektáha nak xép apkeláneykha; Wesse' egegkok, elano yetlo apchásekhayo ektémakxa nak ekmaso agko' ma'a tegma appagkanamap apagkok, eñama apchásekhayo apwesey.