Salmos 38:2 - Biblia Enxet

² Élyaqxakkak ko'o m'a yágke aktek apagkok, ¡etekpogkek han apmek señassásegkoho!

Salmos 38:2 ပူးပေါင်းရင်းမြစ်များ

Job 6:4

Élyát'ak ko'o yágke apagkok ma'a Ekha nak Apyennaqte, héweyk nahan émpehek ma'a pánaqte agkok segaqhamo nak. Egkéssek ko'o Dios ekyawe agko' sélmenaye eñama m'a setnéssesakxa nak señassásegkoho.

Salmos 21:12

hakte xép sa' emenxenek ma'a, emátchesek sa' yágke apagkok ekpayhókxa nak apchaqneykegkaxa'.

Salmos 32:4

hakte yókxoho ekhem xép señassáseykegkoho tén han yókxoho axta'a. Máxa pánaqte exnók mayáhat ekyamassól'a entemék sekyókxa ekyelqamáxko.

Salmos 6:2

Wesse', yepyósho ko'o hélano', hakte ekyelqáxcheyk ko'o. Wesse', hegkeyásekxa sekyennaqte, kelpexyennegkek ko'o ekyókxoho émpehek.

Salmos 64:7

Dios sa' eyke elyátak ma'a yágke apagkok, etlakkasek sa' elyensasagkok;

Lamentaciones 3:12

¡Apkeykessegkek axát'ák yágke apagkok keñe sepékessamo semakte!

Deuteronomio 2:15

Wesse' egegkok apmopwána axta cháhapweykták ma'a énxet'ák nak, ekwokmoho apkeletsapma apyókxoho.

Rut 1:13

¿Kólleyxek enxeykel'a kéxegke ekwokmoho aptamhágko apkelwányam, yaqwayam enxoho kóltemekxak makham kélnaqteyegka'a? ¿Megkóltegyekxéya kélnaqteyegka'a kólleyxek? Ma', kelán'a ahagkok, megkóltéhek xa ektáha nak. Egkéssegkek ko'o ekmáske agko' seklegeykegkoho m'a Wesse' egegkok, kayágwomhok sa' aqsa eklegeykegkoho ekmáske ewáxok sekwet'a enxoho kóllegagkohok kéxegke.

1 Samuel 5:11

Kéláneyaha axta apyókxoho apkelámha apmonye'e filisteos, axta ñókxa eksawheykxoho élmeneymáxche agko' ma'a tegma apwányam, eñama ekmaso agko' axta apchehe apkellegassáseykegkoho m'a Dios, axta kéltáhak kéláneya s'e: “Kólsakxa makham Dios Israel yántéseksek apagkok. Kólyensakxa m'a éñamakxa axta, yaqwayam enxoho mehẽlnápek negyókxoho.”

1 Samuel 5:6

Keñe axta apkellegassásegkoho Wesse' egegkok ekmaso agko' ma'a énxet'ák nak Asdod, apkelyegwakkásawók apagko' axta, ekweykekxoho m'a apheykha nak nepyáwa', apcha'ak axta tasqapma.

1 Samuel 6:9

Kóllanha sa': péwók sa' agkok ekmeyákxo weyke ekyenyawasso m'a Bet-semes, éñamakxa axta, eyke xa ektáha senteméssesso negko'o m'a Dios apagkok nak Israel xa aqsok ekmaso nak; sa' agkok kapéwók ma'a, agya'asagkohok sa' megkatnaha sẽllegassáseykegkoho m'a, senteme egagko' eyke.