Salmos 1:3 - Biblia Enxet

³ Cháxa énxet nak, aphawók ma'a yámet kélcheneykekxal'a neyáwa wátsam, ekyexnamól'a kammok ekhem agkok ekyexnamakxa, cham'a megkalyamayél'a chá'a áwa'. ¡Tásek chá'a katnehek ekteyapma m'a ekyókxoho aqsok apkelanakxa enxoho!

Salmos 1:3 ပူးပေါင်းရင်းမြစ်များ

Jeremías 17:8

Máxa sa' etnehek ma'a yámet kélcheneykekxal'a neyáwa wátsam, élweykmohol'a kepmenák ma'a ényahamakxa nak yegmen, megkayél'a kawak ma'a ekmexanma exma, hakte megkamassegwomek chá'a ekxámokma m'a áwa', wokmek agkok han ekhem ekteme meyke yegmen, megkatneykha chá'a awáxok, megkamassegwomek han chá'a ekyexna.

Ezequiel 47:12

Kalaqnagkok sa' nahan mók ektémakxa nak chá'a yenta'a ekha ekyexna m'a neyáwa wátsam nak, cham'a neyp nak tén han ma'a halep nak. Megkapallemek sa' nahan chá'a áwa' xama enxoho, megkeytyapwágwomek sa' nahan chá'a ekha m'a ekyexna. Yókxoho pelten sa' chá'a katnehek ekyexno, hakte kalyássesagkok sa' ma'a yegmen ekteyapma nak tegma appagkanamap. Nento sa' katnehek ma'a ekyexna nak, keñe sa' pánaqte m'a áwa' nak.

Salmos 92:14

megkeyxek sa' ekteme apák, keyxek sa' aqsa chá'a; kalyeyha'ak sa' aqsa chá'a katnehek, kalyápaqmáthok sa' nahan chá'a axchakkok,

Ezequiel 19:10

“Hawók axta exche' anmen yámet ma'a egken, kélcheneykekxal'a neyáwa yegmen, ektaqmalma tén han ekxámokmal'a áwa', hakte awanhek axta yegmen ma'a émhakxa.

Génesis 39:23

Melanók axta han chá'a apkemha apmonye' negmomaxchexa' m'a ektáha axta chá'a apkeláneykha m'a José, hakte apxegexma axta aptemék ma'a Wesse' egegkok, tásek axta chá'a katnehek ma'a ekyókxoho aqsok apkelanakxa enxoho.

Ezequiel 17:8

Kélcheneykekxeyk axta m'a ektaqmelakxa nak xapop, ekpayhókxa axta ekyetnamakxa m'a ekyawe agko' yegmen, yaqwayam enxoho kalwegqak ma'a aktegák tén han keyxek, tén han katnehek xama anmen yámet ektaqmalma.”

2 Crónicas 31:21

Tásek axta ekteyapma ekyókxoho aqsok apkelánésso axta m'a Dios tegma appagkanamap apagkok, tén han ma'a Wesse' egegkok segánamakxa apagkok, keñe han ma'a apkeltémókxa nak antéhek, hakte apkelenxánekmek axta apketamso Dios ekweykmoho kañók agko' apwáxok.

Génesis 39:3

Apweteyak axta han aphama xamo' Wesse' egegkok José m'a wesse' apagkok nak, axta keñamak ektaqmalma chá'a ekyókxoho aqsok apkelanakxa enxoho chá'a m'a José.

Salmos 128:2

Etwok sa' chá'a ekyánmaga aptamheykha, kapayhekxak sa' apwáxok, tásek sa' nahan chá'a katnehek ekteyapma aqsok apkelane.

Isaías 3:10

Apkeleñémo énxet appéwomo, hakte tásek sa' chá'a katnehek ma'a aqsok apkelane, kataksek sa' ektaqmalma apha m'a aptamheykha eñama apwasqápeykekxoho.

Isaías 44:4

Exámagkok sa', exhok sa' ma'a ektémól'a pa'at ektaqmalmal'a ekpálweykta yegmen, ektémól'a yámet álamos élaqnéyak nak ma'a neyáwa wátsam.

Job 14:9

yássessek agkok yegmen, axnagko' katnekxa'; kalxog aktegák, ektémól'a aqsok kaxwe kélcheneykekxa'.

Isaías 27:11

Kalekkexaxchek chá'a aktegák xama yámet ekyawe élyamaka enxoho; keñe chá'a kelán'a kalmok katnehek táxa agkok. Énxet meyke apkelya'áséyak aqsok xa. Ékeso éñamakxa peya sa' megkalepyósek elanok ma'a ektáha axta Apkelane.

1 Crónicas 22:11

Hatte seyásekhayo, Wesse' egegkok sa' etnehek apxegexma yaqwayam yepwának elának tegma appagkanamap apagkok nak ma'a Dios Wesse' apagkok, cham'a apteméssessama axta naqso' appeywa apxeyenma exchep yaqwayam elána'.

Salmos 129:8

pa'at metne nak chá'a exének ektáha nak chá'a apyeykhágwayam se'e: “¡Appasmomchek kéxegke Wesse' egegkok!” Néltamhók negko'o epasmok kéxegke Dios, yetlo nenxeyenma Wesse' egegkok apwesey.

2 Crónicas 32:23

Apxámok axta énxet apkelseykenta Jerusalén aqsok apkelmésso naqsa Wesse' egegkok, tén han aqsok apkelmésso naqsa élmomnáwa m'a Ezequías, wesse' apwányam nak Judá. Cháxa eyeynókxa axta apxénamap ektaqmela ekyókxoho apheykegkaxa énxet'ák.

Números 24:6

Máxa m'a áxa éléweykekxal'a, ektémól'a kélcheneykekxexa pánaqte exnók neyáwa wátsam, máxa m'a ektémól'a kentem apkeneykekxal'a Wesse' egegkok, ¡ektémól'a yámet cedro élámha nak neyáwa yegmen!

Deuteronomio 28:8

“Etaqmelchessesek sa' Wesse' egegkok ma'a kélxátamakxa nak chá'a aqsok aktek ekyexna kélcheneykekxa tén han ma'a ekyókxoho aqsok kéllanakxa enxoho chá'a, yának sa' kalpayhekxak kélwáxok neyseksa kélheykha m'a apchókxa yaqweykenxa nak egkések.

2 Reyes 18:7

Axta keñamak appasmoma chá'a Wesse' egegkok, aptaqmelchessessegkek axta chá'a ekyókxoho aqsok apkelanakxa enxoho chá'a. Apkenmexeykekxeyk axta Ezequías ma'a wesse' apwányam nak Asiria, apxénchek axta metnehek apkeláneykha.

1 Crónicas 22:13

Tásek sa' katnehek ekteyapma ekyókxoho aqsok apkelane, apkelyahákxoho enxoho ekyókxoho m'a segánamakxa nak, tén han apkelana enxoho m'a apkeltémókxa axta etnehek Wesse' egegkok ma'a Moisés yaqwayam elanagkok ma'a énxet'ák Israel. ¡Ewasqápekxoho ná eyelqáp nahan; nágkaleklágwom, nágkatneykha aqsa han apwáxok!

Job 22:28

Tásek sa' chá'a katnehek ekteyapma ekyókxoho aqsok apkelanakxa enxoho; kaltátchesek sa' chá'a élseyéxma m'a apmahágkaxa enxoho.

Salmos 92:15

elxének sa' chá'a apteme ekpéwomo aptémakxa m'a Wesse' egegkok setaqmelchesso nak, elxének sa' chá'a méko m'a megkapéwomo nak aptáhakxa nak chá'a.

Isaías 58:11

Anaqlawha sa' chá'a ko'o yókxoho ekhem, almések sa' ekxámokma kéltéyak ma'a yókxexma meykexa nak énxet, almések sa' élyennaqte kélyempe'ék, máxa sa' kóltéhek ma'a namyep étkok ektaqmalmal'a kélexpaqhe yegmen, ektémól'a m'a ekteyapmakxal'a yegmen megkeymayél'a.

Ezequiel 31:5

Tásek nahan ekteme ekwányam neyseksa m'a mók yenta'a nak naxma, hakte awanhek yegmen ma'a émhakxa; xámeykegkek nahan ma'a aktegák kelpayhegweykmók agko'.