Rut 4:13 - Biblia Enxet

¹³ Apmeyk axta Booz ma'a Rut. Apyepetcha'ak axta nahan, keñe Wesse' egegkok apmésa yaqwayam katnehek lóso', tén han apmésa yaqwayam kótak étche.

Rut 4:13 ပူးပေါင်းရင်းမြစ်များ

Génesis 20:17

Apkelmaxnakkek axta Dios ma'a Abraham, keñe axta Dios apmeyásekxo makham apyennaqte m'a Abimélec tén han aptáwa'. Apkeltaqmelchessekmek axta han ma'a apkelásenneykha kelwán'ák, yaqwayam enxoho kalwetak étchek,

Génesis 25:21

Megkate étche axta han ma'a Rebeca, keñe axta Isaac apkelmaxnéssessama Wesse' egegkok ma'a. Aplegayak axta han apkelmaxnagko Wesse' egegkok, keñe axta ektéma lóso' ma'a Rebeca.

Génesis 29:31

Apweteyak axta Wesse' egegkok ekmasexto apchásekhayo Jacob ma'a Lía, tén axta apméssama yaqwayam kótak étchek, keñe axta Raquel apteméssessama megkate étche.

Génesis 30:2

Aptaqnókkek axta eyke m'a Jacob, aptáhak axta apcháneya s'e: —¿Diosya ko'o? Neykhe megyahayo exche' kótak étchek ma'a.

Génesis 33:5

Apkelanawók axta Esaú m'a kelán'ák, tén han ma'a sakcha'a, tén axta aptáha apkelmaxneyáncha'a s'e: —¿Yaqsa eyke xa apnaqlóncha'a nak? —Ko'o étchek, Dios axta sélmésso —axta aptáhak Jacob.

Salmos 113:9

Epeykessásekxak chá'a awáxok kelán'a megkate nak étchek egkések étche, tén han egkések chá'a axagkok agkok agko'. ¡Aleluya!

Salmos 127:3

Wesse' egegkok sempasmo negko'o segméssama nak chá'a egketchek.

Rut 3:11

Nágkatneykha aqsa awáxok. Apkelya'ásegkók eyke kaxwók xeye' apyókxoho énxet'ák ahagkok ektáha kelán'a ektaqmalma ektémakxa. Atnehek sa' ko'o m'a ektáhakxa exchek seyáneya exche'.

Rut 4:12

Wesse' egegkok sa' egkések ekxámokma agko' apketchek eñama xa kelán'a nak. Xámok agkók sa' katnehek apnámakkok, sa' kaxhok ma'a ekweykenxa axta apwete ma'a Fares, Judá axta apketche tén han Tamar.

1 Samuel 1:27

Élmaxnagkamchek axta ko'o Wesse' egegkok séltémo hegkések se'e sakcha'a nak, keñe segkéssama.

1 Samuel 2:5

énxet'ák apkelyaqkáneykmoho axta chá'a, aptegyágkek kaxwók apkeltamheykha yaqwayam elwetak ketsék aptéyak; keñe m'a élnápeykha axta chá'a meyk, massék kaxwók élnapma meyk. Keñe m'a kelán'a megkate axta étchek, siete aptáhak ekwete étchek; keñe m'a apxámokma axta chá'a ekwete étchek, méko kaxwók xama enxoho étchek.