Rut 2:14 - Biblia Enxet

¹⁴ Wokmek axta nentamakxal'a nento, apwóneyha axta Booz ma'a Rut. Aptáhak axta apcháneya s'e: —Kamyenta s'e, kama xama s'e pán nápakha nak, kayásses nahan se'e aqsok égmenek ekmáske nak. Hakmek axta Rut nepyeseksa m'a énxet'ák apkelyaqténma axta hótáhap apaktek, apméssek axta nahan Booz latsehe' aktek kélyexnáyam. Tókek axta ekwokmoho ekyaqkanakmo, kéméxcheyk axta nahan nekha.

Rut 2:14 ပူးပေါင်းရင်းမြစ်များ

2 Samuel 17:28

Apkelsókassek axta taháno apkelyetnamakxa néten, sokpayhe élyawe, tén han weygke apkelánamap nak yelpa', apkelsókassek axta han hótáhap apaktek, tén han apho nak hótáhap, tén han hótáhap, aqsok ekyexna kélyexnáyam, ayóye, yágkeleyke aktek,

Salmos 23:5

Ektámáxche ekyawe éláneyásak xép nápaqta'awók ma'a sélenmexma nak, éxpaqhássessek han épátek sokmátsa, elánessásawók han seyátegkesso sekya.

Isaías 32:8

Keñe m'a énxet ektaqmalma nak aptémakxa tásek chá'a katnehek élchetámeykha apwáxok aqsok apmáheyo elána', meyensemek nahan chá'a aqsok apmáheyo elána'.

Isaías 58:7

kólmések nekha kélto m'a meyk áto', kólmok nahan chá'a takha' kólhések kélxagkok ma'a énxet apmopyósa meyke nak apxagkok; kólmések nahan apkelántaxno m'a énxet'ák meyke nak apkelántaxno, kólpásem chá'a m'a kélnámakkok.

Deuteronomio 11:15

Yának sa' nahan kaltektépegkokxak pa'at ma'a yókxexma, yaqwayam sa' katawagkok ma'a kélnaqtósso nak kéxegke, yának sa' nahan kaxek kéxegkáxa ekxámokma agko' ma'a kéltéyak.

Deuteronomio 8:10

Keñe sa' natámen kéltéyak tén han kélyaqkanakmo enxoho, kéméxcheyk kólteméssesek apcheymákpoho m'a Dios Wesse' kélagkok eñama apmésso s'e xapop ektaqmalma nak.

Rut 2:13

Chátegmowágkokxeyk axta m'a Rut, axta táhak se'e: —Eyápeyha apagko' nak la'a chá'a exchep, kellókásawók chá'a émpehek sekhaxnawo appeywa. Epaqhetchessek chá'a exchep yetlo seyásekhayo, háwe eykhe ko'o xama m'a apkeláneykha nak.

Rut 2:15

Xama axta émpákxo néten peya kánchásekxak makham ma'a hótáhap apaktek, aptáhak axta apkelpaqhetchesa apkeláneykha Booz se'e: —Kólho sa' aqsa nahan chá'a kalmok hótáhap apaktek kéláncheseykekxa nak chá'a kéxegke m'a. Nágkólnókasha aqsa.

Rut 2:18

Taqháwok axta makham tegma apwányam yetlo ekseykekxa m'a hótáhap apaktek. Xekmóssákxeyk axta m'a yepyámog. Lekwákxeyk axta m'a ekto eyeygwayam axta, méssek axta m'a Noemí.

1 Samuel 17:17

Xama ekhem axta aptáha apcháneya apketche m'a Jesé, cham'a David: —Elma sa' veinte kilos se'e hótáhap kélyexnáyam nak, keñe han se'e diez pán nak, elsakxés sa' ekmanyehe agko' apkelpepma m'a apkelpakxeneykegkaxa nak.

1 Samuel 25:18

Yetlókok axta han élmá doscientos pán ma'a Abigail, tén han ánet yempehek vino kélyeta, cinco nepkések aphápetek kélyaqxaqxo, cinco yágkentamáhak hótáhap apaktek kélyexnáyam, cien kélyaqyesso anmen yámet ekyexna élyamaye, keñe doscientos kélyaqyesso m'a higo ekyexna élyamaye; tén axta éltamho kólpátegkesek yámelyeheykok,