Proverbios 9:12 - Biblia Enxet

¹² Apya'áseykegkoho aqsok sa' agkok xép, sa' kapasmok xa; megkeyxnegwayam appeywa sa' agkok xép, apsexnánémap apagko' sa' etnehek.

Proverbios 9:12 ပူးပေါင်းရင်းမြစ်များ

Job 19:4

Naqsók sa' agkok ko'o sektáha seksexnánémaxche', ko'o sa' aqsa han heyápekxak xa sektémakxa nak.

Job 22:21

Yásekhekxoho makham Dios, keñe sa' kataqmelekxak makham apha.

Proverbios 14:14

Kalkohok chá'a apwáxok elanok aptémakxa m'a ekyeyháxma nak; kalkohok han chá'a apwáxok elanok aptémakxa m'a énxet meyke nak aptémakxa.

Proverbios 16:26

Apmáyhe etwok chá'a kaltamhok etneykha m'a énxet aptamheykha nak chá'a; meyk eyaqhe chá'a kamayhásseshok etneykha.

Proverbios 19:29

Penchásexcheyk yaqwayam kóllegássesagkohok ma'a megkalyexnegwayam nak chá'a apkelpeywa; keñe han yaqwayam kólyekpexchetagkok ma'a énxet'ák élyeyháxma nak.

Isaías 28:22

¡Kólwátésák sa' kaxwók sélasmésso!, kayágwomhok katnehek élyaqhapma m'a cadenas kélpextete nak; hakte ekleg'ak ko'o apmako emasséssók Wesse' ekha nak apyennaqte ekyókxoho s'e kélókxa nak.

Ezequiel 18:20

Sa' eyke aqsa yetsapok ma'a ektáha nak apkelane mey'assáxma. Mopwanchek sa' eyaqmagkassásekxak mók aptémakxa mey'assáxma apyáp ma'a apketche nak, tén han ma'a apyáp nak, mopwanchek sa' eyaqmagkassásekxak mók aptémakxa mey'assáxma m'a apketche nak. Exkak sa' ekyánmaga énxet appéwomo eñama m'a aptémakxa ekpéwomo; keñe sa' ma'a ekmaso nak aptémakxa, kóllegássesagkohok sa' eñama m'a aptémakxa ekmaso.

Zacarías 12:14

tén han ma'a apyókxoho pók énxet'ák nak apnámakkok apagko' nak chá'a xama tegma, yetlo m'a apnaqteyegka'a nak.