Proverbios 8:21 - Biblia Enxet

²¹ Alméshok chá'a ko'o aqsok ekpayhawo nak chá'a yaqwayam almések ma'a sélásekhayo nak chá'a: allánessesagkohok chá'a apxanák ma'a aqsok élmomnáwa.

Proverbios 8:21 ပူးပေါင်းရင်းမြစ်များ

Génesis 15:14

Allegássesagkohok sa' eyke ko'óxa m'a énxet'ák peya nak etnehek apkelásenneykha naqsa, keñe sa' kólchexeykxak ma'a aptawán'ák neptámen nak, elántépok sa' yetlo ekxámokma aqsok apagkok.

Salmos 16:11

Hexekmósek sa' ko'o exchep ma'a ámay ekyennaqte nak egnények agyetlakxa'. Yetnegkek ekpayheykekxa egwáxok ma'a aphakxa nak xép, tén han ekmátsa egwáxok meyke néxa m'a nekhók aphakxa nak xép.

Proverbios 1:13

Agwetak sa' ekxámokma mók ektémakxa aqsok élmomnáwa egagkok, ¡óllánesagkohok sa' enxanák ma'a ekyókxoho aqsok nélmenyexéyak nak chá'a!

Proverbios 10:22

Ekxákma aqsok egagkok hegwetaksek ma'a ektémakxa nak Wesse' egegkok sempasmo, megkeypetchek ma'a nenlegeykegkoho nak.

Proverbios 15:6

Xámok agko' katnehek aqsok apxagkok ma'a énxet meyke nak aptémakxa', keñe m'a énxet ekyeyháxma nak, megkapasmehek chá'a m'a aqsok apwete nak.

Proverbios 21:20

Yetneyk aqsok éltaqmalma tén han sokmátsa apxagkok ma'a énxet apya'áseykegkoho nak aqsok, esáwak eyke chá'a aqsok apagkok ma'a énxet ekyeyháxma nak.

Proverbios 24:4

yetlo kélya'áseykegkoho aqsok chá'a kóllanaksohok kañe' tegma m'a aqsok élmomnáwa nak, tén han ma'a éltaqmalma nak anlano'.

Proverbios 6:31

kélwetágkok sa' agkok apmenyexa, kéméxcheyk eyeykhássamhok apkelmeyáseykekxa makham. Siete sa' ewagkasek ekyókxoho apkelyaqmagkáseykekxa, kawomhok sa' han apkelmésso m'a ekyókxoho aqsok apagkok ekyetnakxa enxoho.

Proverbios 8:18

Ko'o chá'a sekmésso ekxámokma aqsok apagkok tén han ekha kéláyo, keñe han ekyawe agko' kéláyo, tén han ektaqmalma apheykha.

Proverbios 8:20

Eytlók chá'a ko'o m'a ámay ekpéwomo nak, cham'a ámay ektaqmelchessamo nak negha.

1 Samuel 2:8

Yempásekxak chá'a néten Dios náxop ma'a meyke nak aqsok apagkok, etekkessekxak chá'a kélchexakhamakxa aqsok apák ma'a ekha nak chá'a eyeyméxchexa aqsok, exnések chá'a nepyeseksa énxet'ák ekyawe nak kéláyo, exnéssók chá'a ekyetnamakxa nak taháno eyeymáxkoho; hakte Wesse' egegkok apagkok ma'a ekyennaqtéssamakxa nak xapop, cháxa appekkenmakxa nak han nélwanmeygkaxa xa néten nak.