Proverbios 8:19 - Biblia Enxet

¹⁹ Tásók agko' ma'a aqsok sekmésso nak ko'o, kaxnók ma'a sawo ekyátekto ekmomnáwa ektaqmalma; tásók agko' ma'a aqsok séltennassama nak ko'o, megkaxnawok ma'a sawo ekmope kéltaqmelchessamo nak kélaxñáseykekxa'.

Proverbios 8:19 ပူးပေါင်းရင်းမြစ်များ

Job 28:15

Mogwanchek agyánmagkasek ma'a sawo ekyátekto ekmomnáwa, mogwanchek nahan agmok agyánmagkasek sawo ekmope ekmomnáwa nak.

Job 28:19

Megkaxnawok han ma'a meteymog yáma ekyátekto éleñama nak Etiopía, mogwanchek han agyánmagkasek ma'a sawo ekyátekto ekmomnáwa agko' nak.

Proverbios 10:20

Hawók appeywa énxet appéwomo m'a ektémakxa nak sawo ekmope élyenma ektaqmalma nak; mékoho agko' eyke m'a ektémakxa nak chá'a élchetámeykha apwáxok ma'a énxet ekmaso nak aptémakxa'.

Proverbios 16:16

Tásek antegyek negya'ásegwayam aqsok, kaxnók ma'a sawo ekyátekto ekmomnáwa nak; tásek antegyek negya'ásegwayam, kaxnók ma'a sawo ekmope ekmomnáwa nak.

Proverbios 3:14

hakte awanchek hempasmok xa, xámok agko' katnehek aqsok segwetasso, yeykhásseykmók ma'a sawo ekmope nak, tén han ma'a sawo ekyátekto ekmomnáwa nak.

Proverbios 8:10

Kólma chá'a m'a ekyókxoho sélxekmowáseyak nak, tén han ma'a ektémakxa nak kélyekpelchémo, nágkólmeyókasho chá'a amonye' kólmok ma'a sawo ekmope élyenma tén han ma'a sawo ekyátekto ekmomnáwa.”

Proverbios 8:20

Eytlók chá'a ko'o m'a ámay ekpéwomo nak, cham'a ámay ektaqmelchessamo nak negha.

Eclesiastés 7:12

Hentaqmelcheshok chá'a m'a negya'áseykegkoho nak aqsok, hawók ma'a selyaqye nak, yeykhágweykmók eyke m'a negya'áseyak nak aqsok, hakte awanchek kagkések apyennaqte m'a énxet ekha nak apya'áseykegkoho aqsok.