Proverbios 8:17 - Biblia Enxet

¹⁷ Wásekhohok chá'a ko'o m'a ektáha nak seyásekhayo, héteyekxak nahan chá'a m'a ektáha nak sektamso.

Proverbios 8:17 ပူးပေါင်းရင်းမြစ်များ

2 Crónicas 34:3

Apkeynamók axta apketamso Josías ma'a Dios apagkok axta m'a apyapmeyk nano' David, apketkok apagko' axta eykhe makham, cham'a ekweykmo axta ocho apyeyam apteme wesse' apwányam. Keñe ekwokmo doce apyeyam apteme wesse' apwányam apkeynawo apcháxñáseykekxa m'a tegma apwányam Judá tén han Jerusalén ma'a kélpeykessamókxa axta chá'a aqsok kéláyókxa, cham'a kéleykmássesso nak Aserá, tén han ma'a mók kéleykmássesso, tén han ma'a sawo égmenek nak kélpeykáseykekxa kéleykmassáseykha kéláncháseyak,

Salmos 91:14

“Awagkasek sa' chá'a ko'o teyp, ay'aksek sa' chá'a meykexa ektemégweykmoho exma, hakte eyásekhayók ko'o m'a, ey'ásegkok nahan.

Proverbios 1:28

“Hélwónmakha sa' eykhe xa ekhem nak, magwátegmowagkehek sa' eyke ko'o; hélchetmok sa' eykhe, mehelwetekxeyk sa' eyke;

Proverbios 2:4

ná elwátessem aqsa apketamso, etne sa' ma'a ektémól'a antegyaha sawo ekmope élyenma essenhan ma'a aqsok ekmomnáwa ekpowásamáxkoho nak.

Proverbios 2:5

Tén sa' ey'ásegwók ektémakxa nenteme negáyo Wesse' egegkok; ¡ey'ásegwók sa' ma'a aptémakxa nak Dios!

Proverbios 4:6

Yásekhoho m'a ektémakxa nak negya'áseykegkoho aqsok, ná eyensem aqsa, sa' kamyók chá'a exchep xa.

Proverbios 8:16

Ko'o chá'a sektemessáseyak apkelámha apmonye'e m'a apkelwesse'e nak, ko'o han keñamak sekteméssesso chá'a apxeyenma yaqwánxa kólteméssesek énxet.

Eclesiastés 12:1

Kaxén apwáxok ma'a aptáha axta exchep Apkelane, keso aptáhakxa nak makham apketkok, mewánxa nak makham ekhem ekyentaxnakxa negha; kammok sa' apyeyam yaqwayam etnehek appeywa s'e: “Mehepeykessáseykekxak ko'o ewáxok ektémakxa sekha.”

Cantares 3:4

Axta nahan kanéwók sekyeykhe apchaqnágkaxa m'a énxet nak sekwetákxo m'a sekpagkanma sekmámenyého ahagko' nak. Ekmeyk axta apmek sekyentamákxo m'a kañe' méme axagkok, meyke sekyenyeykekxa, cham'a séñamakxa axta ko'o sekteyapma.

Isaías 45:19

Meyxaxkók ko'o apaqmétek mapaqméswomek nahan ma'a kañe' ekyáqtéssamakxa nak exma keso náxop. Matnehek nahan alának Jacob aptawán'ák neptámen se'e: ‘Hélchetamsakxa m'a meykexa nak aqsok.’ Naqsók ko'o atnéssesek sekpeywa, ko'o sektáha nak Wesse', axének chá'a m'a aqsok ekpéwomo nak.

Isaías 55:6

“Kólchetam Wesse' egegkok kélewagkexa nak makham kólwetekxa', kólwónmakha apha nak makham keto'.

1 Samuel 2:30

Cháxa keñamak sektáha nak ko'o sekpeywa, sektáha nak Israel Dios apagkok, éltennassegkek axta ko'o exchep, tén han apnámakkok etnehek chá'a séláneykha, akke kaxwók ko'o ektáhak se'e: Magwohók sa' ko'o kaxwók kóllának xa aqsok nak, atnéssesek sa' ko'o ekha kéláyo m'a énxet apteme nak chá'a seyáyo, keñe sa' atnéssesek mékoho m'a sewanyémo nak chá'a. Cháxa sektáhakxa ko'o sekpeywa xa, sektáha nak Wesse'.