Proverbios 8:10 - Biblia Enxet

¹⁰ Kólma chá'a m'a ekyókxoho sélxekmowáseyak nak, tén han ma'a ektémakxa nak kélyekpelchémo, nágkólmeyókasho chá'a amonye' kólmok ma'a sawo ekmope élyenma tén han ma'a sawo ekyátekto ekmomnáwa.”

Proverbios 8:10 ပူးပေါင်းရင်းမြစ်များ

Job 28:15

Mogwanchek agyánmagkasek ma'a sawo ekyátekto ekmomnáwa, mogwanchek nahan agmok agyánmagkasek sawo ekmope ekmomnáwa nak.

Job 28:17

Mogwanchek aghéshok ma'a sawo ekyátekto ekmomnáwa, tén han sokpésyam ekmomnáwa nak; mogwanchek agyaqmagkásekxak ma'a aqsok élánamáxche nak sawo ekyátekto ekmomnáwa.

Salmos 119:127

Cháxa keñamak sekmámenyého nak ko'o m'a apkeltémókxa nak antéhek, megkaxnawok ekwánxa nak sekmámenyého m'a sawo ekyátekto ekmomnáwa ektaqmalma.

Salmos 119:162

Kapeykásekxak chá'a ko'o ewáxok ma'a appeywa, máxa m'a énxet apweteykekxal'a ekxámokma aqsok élmomnáwa.

Salmos 119:72

Tásók agko' ko'o sélányo m'a nélxekmowásamáxche apagkok, megkaxnawok ma'a ekwánxa nak ekyókxoho m'a selyaqye nak keso náxop.

Proverbios 10:20

Hawók appeywa énxet appéwomo m'a ektémakxa nak sawo ekmope élyenma ektaqmalma nak; mékoho agko' eyke m'a ektémakxa nak chá'a élchetámeykha apwáxok ma'a énxet ekmaso nak aptémakxa'.

Proverbios 16:16

Tásek antegyek negya'ásegwayam aqsok, kaxnók ma'a sawo ekyátekto ekmomnáwa nak; tásek antegyek negya'ásegwayam, kaxnók ma'a sawo ekmope ekmomnáwa nak.

Proverbios 20:15

Tásók agko' appeywa m'a énxet appaqmeyesmo nak chá'a yetlo apya'áseykegkoho, yeykhásseykmók ma'a sawo ekyátekto ekmomnáwa, tén han ma'a aqsok élyenméyak ekhágko nak se'e ekyókxoho nélwanmeygkaxa nak.

Proverbios 23:23

Ema m'a ekteme nak ekmámnaqso', tén han negya'ásegwayam, nélxekmowásamáxche', keñe han ma'a negyekpelchémo, ¡ná ekxeyha aqsa ekha ekyánmaga!

Proverbios 8:19

Tásók agko' ma'a aqsok sekmésso nak ko'o, kaxnók ma'a sawo ekyátekto ekmomnáwa ektaqmalma; tásók agko' ma'a aqsok séltennassama nak ko'o, megkaxnawok ma'a sawo ekmope kéltaqmelchessamo nak kélaxñáseykekxa'.

Eclesiastés 7:11

Tásek ma'a ekha nak negya'áseykegkoho aqsok, hempasmok chá'a negko'o negheykha nak keso náxop, negyepetchesa enxoho m'a aqsok ekxámokma nak nenxaweykekxa.