Proverbios 7:3 - Biblia Enxet

³ Enaqtehet sa' ma'a apophék nak, epekken apwáxok.

Proverbios 7:3 ပူးပေါင်းရင်းမြစ်များ

Proverbios 3:3

Ná eyensem ektémakxa negásekhayo egmók tén han ekmámnaqso' agko'; eswoho chá'a apmahágkaxa enxoho, ektémól'a agkexnek egyespok ma'a nennatanma. Elqahés apwáxok,

Proverbios 4:21

Ná elwatés chá'a elanha; ¡epekken apwáxok!

Proverbios 6:21

Epekken chá'a apwáxok, emakhésha m'a apyespok;

Proverbios 7:4

Etne sa' apyáxeg ma'a ektémakxa nak negya'áseykegkoho aqsok, etne sa' apxegexma m'a ektémakxa nak negmowána aqsok.

Isaías 30:8

Exegma kaxwo', etaxés sa' xama meteymog ekpayhe, epekken sa' apnaqtáxésso yaqwayam sa' keytek aqsa m'a, élhaxanma m'a egmonye' sa', yaqwayam katnehek ekxénweykekxoho chá'a kélwáxok meyke néxa.

Isaías 59:21

Aptáhak Wesse' egegkok se'e: “Élanak ko'o ekhémo mók sélpaqhetchásamáxkoho kéxegke, ekxénchek nahan megkakxayhek kaxwók xama enxoho kéxegke m'a sekmowána tén han ma'a nélxekmowásamáxche ahagkok sekmésa nak, ekweykekxoho m'a kéltawán'ák kélnentámen megkatnégwayam néxa.”

Jeremías 17:1

“Énxet'ák Judá, táxésamaxcheyk kéxegke megkólya'assáxma m'a táxésso élánamáxche nak sawo, kélqahassegkek meteymog ekyennaqte ekmahanta naw'a m'a meteymog ekyetnama nak kañe' kélwáxok, tén han ma'a élámha nak nekhaw'ék élmahamtakcha'a m'a kélwatnamakxa nak chá'a aqsok.

Jeremías 31:33

Keso yaqwánxa sa' katnehek ekhémo mók nélpaqhetchásamáxkoho peya nak ko'o alanaksek énxet'ák Israel ma'a ekhem sa': Apekkenchesek sa' segánamakxa ahagkok apkelwáxok, anaqtáxéssesagkok sa' nahan ma'a élchetámeykegkaxa nak apkelwáxok. Ko'o sa' hetnehek Dios apagkok, keñe sa' ko'o atnehek énxet'ák ahagkok ma'a. Ko'o sekxeyenma xa, sektáha nak Wesse'.