Proverbios 6:32 - Biblia Enxet

³² ¡Meyke ekxeyenma apwáxok aqsok ma'a énxet apkelánesso nak pók aptáwa'! ¡Apsexnánémap apagko' etnehek énxet apteme enxoho xa ektáha nak!

Proverbios 6:32 ပူးပေါင်းရင်းမြစ်များ

Génesis 41:39

Aptáhak axta apcháneya José s'e: —Méko pók aphawo exchep, ekha apya'áseykegkoho, tén han apmopwána aqsok, hakte Dios apya'assáseykegkoho ekyókxoho exchep xa.

Éxodo 20:14

“Nágkólnaqtawasagkoho chá'a kélnaqteyegka'a kóllának megkatnahakxa kélnaqteyegka'a.

Proverbios 10:13

Tásek chá'a katnehek apkelpeywa m'a énxet apkelya'áseykegkoho nak aqsok; keñe m'a énxet ekyeyháxma nak, kéméxcheyk chá'a kólyekpexchetchesek apkapok.

Proverbios 10:21

Apxámok etnehek énxet ekpasmo appeywa m'a énxet appéwomo nak, keñe m'a énxet ekyeyháxma nak, yetsapok aqsa chá'a eñama apteme ekyeyháxma.

Proverbios 11:12

Asagkek chá'a katnehek appeywa exének pók ma'a énxet ekyeyháxma nak; keñe m'a énxet metnaha nak ekyeyháxma, ewanmak aqsa.

Proverbios 12:11

Xámok katnehek apto m'a énxet apkelchekhamo nak; keñe m'a énxet meyke nak ekxeyenma apwáxok, wánxa aqsa elának ma'a aqsok megkamowána nak kapasmok.

Proverbios 2:2

Yeyxho ekpeywa m'a negya'áseyak nak aqsok; egkés apwáxok ma'a negmowána nak aqsok.

Proverbios 24:30

Ekyeykhágwokmek axta ko'o m'a yókxexma apagkok nak ma'a énxet apháxamakpoho nak etneykha, tén han apkeneykekxexa nak anmen yámet ma'a énxet ekyeyháxma nak:

Proverbios 6:33

Ematñaha sa', kólyamatchesha sa' nahan etaqnaweykpok, megkólmasséssesek sa' apmegqakto.

Proverbios 7:7

ekwet'ak axta ko'o wokma'ák meyke apkelya'áseyak aqsok, keñe sekwet'a han xama nepyeseksa meyke agko' nak apya'áseyak aqsok.

Proverbios 8:36

keñe m'a énxet ektáha nak sétnakhasso ko'o, cháxa aptawásekpoho apagko' xa; ¡apyókxoho ektáha nak chá'a setaqnagko ko'o, cháxa aptáha apchásekhayo m'a nétsapma!”

Proverbios 9:4

“¡Kólmeyógma s'e wokma'ák melya'áseyak nak aqsok!” Keláphássek axta han éltamho katnehek kalának ma'a énxet'ák élyeyháxma nak:

Jeremías 5:21

‘Kóleyxho sa' se'e, énxet'ák élyeyháxma meyke nak kélya'áseyak, ekha nak eykhe kélaqta'ák, megkólwetyehek eyke, ekha nak eykhe kélheyk'ák, megkóllegyehek eyke.

Jeremías 5:8

Máxa m'a yátnáxeg apnaqmele kéléyak la'a aptéyak, melyáqtól'a aqsa elának apkelwána, apkelpáweykhal'a elanaksek pók apkelwána.

Ezequiel 18:31

Kólyenyekxa ekyókxoho aqsok élmasagcha'a kélláneykegko nak chá'a sélenmexeykencha'a ko'o, kólmekxa axnagkok kélwáxok tén han axnagkok kéltémakxa. ¿Yaqsa eyke ektáha kéltamho nak kóletsapok, énxet'ák Israel

Oseas 13:9

Amasséssók sa' ko'o kéxegke énxet'ák Israel, méko sa' awanchek henókasha.