Proverbios 6:23 - Biblia Enxet

²³ Máxa cháléwasso eyápogwate m'a nélánemáxchexa nak antéhek tén han ma'a sẽlxekmowáseyak nak; ámay ekyennaqte egnények ma'a sẽlpeykessáseyak nak, tén han ma'a sẽlpaqhetcháseykha nak chá'a.

Proverbios 6:23 ပူးပေါင်းရင်းမြစ်များ

Génesis 39:8

Axta eyke emakók ma'a José, aptáhak axta apchátegmowágko s'e: —Kalano, élmeyáseykekxeyk ko'o ekyókxoho aqsok apagkok yaqwayam altaqmelchessesek ma'a wesse' ahagkok ekyetnakxa nak, méko xama aqsok keytnakhaksohok apwáxok, hakte ekhegkek ko'o s'e.

Salmos 119:105

Xép appeywa ekteme cháléwasso sélsássesso chá'a exma sekmahágkaxa enxoho chá'a, séltátchessesso chá'a m'a ámay ahagkok.

Salmos 119:130

Hẽlsássesek chá'a exma sẽltennáseyncha'a enxoho chá'a m'a appeywa, kaltamaksek chá'a m'a énxet'ák meyke nak apkelya'áseyak.

Salmos 141:5

Hepasmok chá'a ko'o señassásegkoho enxoho m'a énxet meyke nak aptémakxa, máxa sokmátsa ekmátsal'a ekpaqneyam chá'a katnehek ma'a sepaqhetchesa enxoho ekyennaqte. Mataqnókkehek chá'a ko'o xa sepékessáseyak nak; alenxanmagkohok sa' aqsa sélmaxnagko, neyseksa setekpageykha.

Salmos 19:8

Kelpéwók ma'a apchánamakxa nak antéhek Wesse' egegkok, hakte hegméshok chá'a ekpayheykekxa egwáxok. Cháxña'awók agko' ma'a apkeltémókxa nak antéhek Wesse' egegkok, hegya'assásegwók chá'a.

Proverbios 10:17

Énxet apháxenmo nak kélpaqhetcháseykha, emhagkok ma'a ámay ekyennaqtamakxa nak egnények; keñe m'a énxet megyaháxenmo nak kéltennáseykekxoho aptáhakxa, etwasakpok sa'.

Proverbios 15:24

Néten maheykegkok ma'a ámay ekyennaqte nak egnények, kawagkasek chá'a teyp emáwhok emhagkok nétsapmakxa m'a énxet apya'áseykegkoho nak aqsok.

Proverbios 15:31

Énxet apháxenmo nak kélnókáseykha, segméssamo nak ekyennaqte egnények, epáxaqwók sa' ma'a énxet'ák apkelya'áseykegkoho nak aqsok.

Proverbios 29:15

Hegya'assásegwók chá'a exma m'a sẽlyekpexcheteykha nak, tén han sẽlnókáseykha nak, emegqaksek eyke chá'a egken ma'a kélketche kélhayo nak aqsa chá'a aptáhakxa.

Proverbios 3:18

Negya'áseykegkoho aqsok ekmésso ekyennaqte apnények ma'a énxet ektáha enxoho apmà; ¡apkeleñémo énxet meyenyeykekxa nak!

Proverbios 4:13

Emyow sa' ma'a sélxekmowáseyak axta, ná eyenyekxa aqsa; elána' sa' chá'a, hakte cháxa yaqwayam chá'a kagkések ekyennaqte apnények xa.

Proverbios 4:4

axta etnehek chá'a hélxekmósagkok táta s'e: “Epekken apwáxok se'e sekpeywa nak; elána m'a séltamhókxa enxoho chá'a elána', keñe sa' kawegqohok apha.

Proverbios 5:12

Sa' etnehek se'e: “¡Yaqsa axta ex'a ektéma malyaheykekxo chá'a sélpaqhetcháseykha! ¡Yaqsa axta ex'a ektéma mamoma takha' m'a ektémakxa axta chá'a sélésso aqsok!

Eclesiastés 7:26

Ekwetayak axta ko'o xama aqsok ektáha ekmáske agko', megkaxnawo m'a nétsapma nak: cham'a kelán'a ekmomól'a egwáxok hentawasha, sempekkeneykhal'a chá'a awáxok hegmok. Énxet ekleklamo nak apwáxok Dios, megyohok sa' kamok apwáxok ma'a, keñe sa' eyke m'a énxet mey'assáxma nak, kamok sa'.

Eclesiastés 7:5

Tásek hempaqhetchesek ekyennaqte m'a énxet ekha nak apya'áseyak aqsok, megkaxnawok senxéneykha ektaqmela m'a énxet ekyeyháxma nak.

Isaías 8:20

yaqwayam enxoho elxawagkok chá'a apkeláneyákpexa etnahagkok, essenhan xama amya'a!” Megkatnehek sa' metne apkelpeywa xa, amya'a ekyeyháxma eyke xa aptamheykegkaxa nak apkelpeywa.

Jeremías 21:8

‘Eltennés sa' nahan énxet'ák sektáha ko'o sekpeywa, sektáha nak Wesse': Ekméssek ko'o kéxegke yaqwayam kólyésha ámay segya'aseykekxoho nak chá'a ekyennaqtamakxa egnények, tén han ma'a ámay nétsapmakxa nak.

Ezequiel 20:11

axta élya'assásegweykmok nahan segánamakxa ahagkok ma'a tén han ma'a séltémókxa nak chá'a etnahagkok, ekméssamól'a chá'a ekyennaqte apnények ma'a ektáha nak chá'a apkelyeheykekxoho.

Levítico 19:17

“Nágkalow chá'a kélwáxok kólwetak kélmók, “Kólpaqhetches chá'a kélmók eyesagko enxoho chá'a aptáhakxa. Kaphewakxa katnehek kéxegkáxa megkólya'assáxma.