Proverbios 6:17 - Biblia Enxet

¹⁷ énxet apkeleymákpoho, énxet apkelmopwancha'a amya'a, énxet apkelnapma nak chá'a m'a énxet'ák meyke nak apkeltémakxa',

Proverbios 6:17 ပူးပေါင်းရင်းမြစ်များ

2 Reyes 21:16

Háwe axta ekwánxa agkok apkelánéseykegko melya'assáxma Manasés ma'a énxet'ák Judá, tén han aqsok ekmaso apkelánéyak nápaqtók Wesse' egegkok. Apkelnapmeyk axta han apxámokma apagko' énxet meyke apkeltémakxa m'a Jerusalén, sawheykekxók axta éma apagkok ma'a kañe' nak.

2 Reyes 24:4

eñama han ma'a apkelnapma axta énxet'ák meyke apkeltémakxa, apsawheyáseykekxoho axta éma apagkok ma'a Jerusalén. Axta keñamak memáheyo elásekhekxohok makham ma'a Wesse' egegkok.

Salmos 10:4

Elsekheykha chá'a elyeheykha etnehek elpaqmétek élmasagcha'a nak apkeltémakxa s'e: “Méko Dios. Méko hexénchásekxohok sektémakxa.” Wánxa ektémakxa élchetamso apkelwáxok xa.

Salmos 101:5

Alwanmeyásekxak sa' chá'a m'a apkelyexamakpoho nak chá'a apkelxéneykha ekmaso m'a apheykha nak ketók apheykegkaxa'; ¡megkalchehek sa' ko'o ewáxok ma'a apkelásennómap nak, tén han ma'a éleymáxkoho apkelwáxok!

Salmos 131:1

Wesse', háwe ko'o eyeymáxkoho ewáxok, háwe han seyeymáxkoho alanok émók, mategyeykha han ma'a aqsok élyawe, mamowána nak chá'a óta'.

Salmos 18:27

Elwagkashok eyke chá'a exchep teyp ma'a megkaleymáxkoho nak apkelwáxok, mékoho eyke chá'a etnessásekxak ma'a éleymáxkoho nak apkelwáxok.

Salmos 31:18

Elwanmeyásekxa m'a apkelmopwancha'a amya'a nak, apkelasmésso nak chá'a yetlo apkelwanyeykha m'a énxet'ák meyke nak apkeltémakxa, tén han apkeltaqnagko nak chá'a.

Salmos 5:6

emasséssamhok chá'a exchep ma'a énxet'ák apkelmopwancha'a nak amya'a, eltaqnaweygkohok chá'a exchep ma'a énxet'ák appelakkassesso nak chá'a esexnenak pók, tén han ma'a ekhéyak nak chá'a apkelyógkexma'.

Salmos 5:7

Ewanchek eyke ko'o atxek tegma appagkanamap apagkok eñama seyásekhayo ko'o exchep; ¡Ewanchek alpeykeshok yetlo ekyawe agko' seyáyo, wanmexhok ma'a apyetnamakxa tegma appagkanamap apagkok!

Proverbios 1:11

Sa' eykhe etnehek yának se'e: “Hẽlyetlogma'; ampekkenchesek sa' kelhanma yaqwayam agmok agaqhek ma'a énxet meyke nak aptémakxa.

Proverbios 1:16

hakte yahamók chá'a elanagkok aqsok ekmaso m'a; ¡yahamók chá'a keytek apkelyógkexma'!

Proverbios 12:22

Eltaqnaweygkohok Wesse' egegkok ma'a énxet apteme nak chá'a apkelmopwancha'a amya'a, kalkohok eyke chá'a apwáxok elanok ma'a apkelxeyenma nak chá'a ekmámnaqso'.

Proverbios 14:5

Metnehek apmopwána amya'a m'a apxeyenma nak chá'a apweteykegkoho naqso'; apmopwána amya'a eyke chá'a etnehek ma'a apxeyenma nak chá'a apweteykegkoho megkamámnaqsoho.

Proverbios 16:5

Eltaqnaweygkohok Wesse' egegkok ma'a énxet'ák éleymáxkoho nak chá'a apkelwáxok; naqsók sa' kóllegássesagkohok xa énxet'ák nak.

Proverbios 17:7

Megkatxók chá'a epaqmétek nempeywa ektaqmela m'a énxet ekyeyháxma nak, megkatxók han etnehek apmopwána amya'a m'a ekha nak chá'a kéláyo.

Proverbios 21:4

Negwanyémo egmók, eyeymáxkoho egwáxok; cháxa melya'assáxma élmoma nak apkelwáxok ma'a énxet'ák élmasagcha'a nak apkeltémakxa'.

Proverbios 26:28

Etaqnawhok amya'a ekmámnaqsoho m'a énxet apmopwána amya'a nak, énxet ektaqmeleykha nak appeywa henlána', etekkesek chá'a ekmaso apheykha énxet'ák.

Proverbios 28:17

Énxet apchaqhe nak chá'a pók, esexnánekpok sa' ekwokmoho apketsapa: ¡nágkólmeyaw chá'a!

Proverbios 30:13

Yetneyk énxet apkenagko nak etnahak ekyawe kéláyo, elanok chá'a pók yetlo eyeymáxkoho apwáxok.

Proverbios 6:16

Yetneyk siete aqsok aptaqnagkamakxa apagko' nak ma'a Wesse' egegkok:

Isaías 1:15

Kélya'ássek agkok chá'a kéxegke kélmék néten kóltéhek nempeywa nélmaxnagko, malanók chá'a ko'o kéxegke; kólxámaksohok eykhe nahan kélteme nempeywa nélmaxnagko, mañék eyke ko'o. Keltexnémáxcheyk éma kélmék ekyetno kélyógkexma.

Isaías 2:11

Elháxahagkok sa' yetlo apkelmegqakto m'a énxet'ák apkeleymákpoho nak; kólmasséssesek sa' nahan apkeleymákpoho m'a apkene nak etnahágkok ekha kéláyo. Wesse' egegkok sa' aqsa exekmósek apteme apwányam apagko' xa ekhem nak,

Isaías 3:16

Aptáhak axta nahan Wesse' egegkok se'e: “Kelán'ák ekheykha nak Sión cham'a éleymáxkoho nak, megkalháxahéyak nak kalxog, megkeysso nak kaleyxkohok kalyeheykha, éltaqmelcháseykha nak chá'a kalweynchamha kalxog yetlo élaqtáwaseykha m'a élnáxegkáseykha nak chá'a m'a amagkok,

Isaías 3:9

Melmegqaqto kelsexnenagkók ma'a; melpóssók ma'a apkeltémakxa melya'assáxma, aphawók ma'a apkeltémakxa axta énxet'ák Sodoma, apkelxekmóssamók ma'a apyókxoho énxet'ák. ¡Énxet'ák laye, aptegyéyak apagko' yaqwayam kóllegássesagkoho'!

Jeremías 26:15

Eyke kólya'asagkohok sa' se'e: élaqhak sa' agkok ko'o, kéxegke sa' kólsexnáneyxche', tén han apheykha nak se'e tegma apwányam nak eñama kélaqhe xama énxet meyke aptémakxa, hakte naqsók ko'o seyáphasso Wesse' egegkok apkeltémo apékesseshok séllegasso kéxegke s'e ekyókxoho aqsok nak.”

Deuteronomio 19:10

Keñe sa' metekyewek chá'a énxet meyke nak apkeltémakxa s'e kañe' nak apchókxa, apméssamakxa axta Dios Wesse' kélagkok yaqwayam kóltéhek kélagkok kélagko', megkalpehemmek sa' nahan chá'a kéxegke ektáha kéllane xama nétsapma.

Deuteronomio 27:25

‘Exkak sa' Dios aplo énxet apxawe nak selyaqye apchánémap yaqhek xama énxet meyke aptémakxa.’ Apyókxoho énxet sa' etnehek apkelpeywa s'e: ‘Katnahagkok sa'.’