Proverbios 6:16 - Biblia Enxet

¹⁶ Yetneyk siete aqsok aptaqnagkamakxa apagko' nak ma'a Wesse' egegkok:

Proverbios 6:16 ပူးပေါင်းရင်းမြစ်များ

2 Reyes 21:16

Háwe axta ekwánxa agkok apkelánéseykegko melya'assáxma Manasés ma'a énxet'ák Judá, tén han aqsok ekmaso apkelánéyak nápaqtók Wesse' egegkok. Apkelnapmeyk axta han apxámokma apagko' énxet meyke apkeltémakxa m'a Jerusalén, sawheykekxók axta éma apagkok ma'a kañe' nak.

Job 5:19

Megkatnégwomek sa' nahan néxa apmallahanchesso chá'a neyseksa aqsok ekmaso, megyohok sa' káhapwak ma'a aqsok ekmaso nak.

Salmos 11:5

Elanok chá'a Wesse' egegkok ma'a apkelpéwomo nak, tén han ma'a élmasagcha'a nak apkeltémakxa, etaqnawhok apagko' chá'a m'a apkelmopmenyého nak elyennaqtésha apyempe'ék.

Salmos 5:7

Ewanchek eyke ko'o atxek tegma appagkanamap apagkok eñama seyásekhayo ko'o exchep; ¡Ewanchek alpeykeshok yetlo ekyawe agko' seyáyo, wanmexhok ma'a apyetnamakxa tegma appagkanamap apagkok!

Proverbios 11:1

Etaqnawhok Wesse' egegkok ma'a kelyetsáteyak ekmenyexmo nak, kalkohok eyke apwáxok ma'a kelyetsáteyak megkamenyexma nak.

Proverbios 11:20

Etaqnawhok Wesse' egegkok ma'a énxet ekmaso nak chá'a élchetámeykha apwáxok, kalkohok eyke apwáxok elanok ma'a énxet ektaqmalma nak chá'a apkeltémakxa'.

Proverbios 12:22

Eltaqnaweygkohok Wesse' egegkok ma'a énxet apteme nak chá'a apkelmopwancha'a amya'a, kalkohok eyke chá'a apwáxok elanok ma'a apkelxeyenma nak chá'a ekmámnaqso'.

Proverbios 17:15

Nenxeyenma meyke aptémakxa m'a énxet apsexnánémap nak, keñe han nenxeyenma apsexnánémap ma'a énxet meyke nak aptémakxa', cháxa ánet aqsok aptaqnagkamo apagko' nak ma'a Wesse' egegkok.

Proverbios 20:10

Ánet aqsok aptaqnagkamakxa nak ma'a Wesse' egegkok, cham'a kelyetsáteyak megkaxnémo nak chá'a ekwánxa ektegkesso, tén han ma'a kelyetsáteyak ekmenyexmo nak.

Proverbios 20:23

Etaqnawhok Wesse' egegkok ma'a negmeykha nak kelyetsátéyak ekmenyexmo; mopmenyeyk ma'a kelyetsáteyak ekmenyexmo nak.

Proverbios 21:4

Negwanyémo egmók, eyeymáxkoho egwáxok; cháxa melya'assáxma élmoma nak apkelwáxok ma'a énxet'ák élmasagcha'a nak apkeltémakxa'.

Proverbios 3:32

hakte eltaqnaweygkohok apagko' Wesse' egegkok ma'a énxet'ák élmasagcha'a nak apkeltémakxa', keñe m'a énxet'ák éltaqmalma nak apkeltémakxa', eltennaksohok chá'a yaqwánxa etnehek.

Proverbios 30:18

Yetneyk ántánxo aqsok ekpelakkasa nak sekwete, keñe m'a ektáhakxa nak cuatro may'ásegko ektáhakxa:

Proverbios 30:21

Yetneyk ántánxo aqsok megkólmámenyého nak katnehek xama apchókxa, keñe m'a ektáhakxa nak cuatro kalpexyennegkesek xóp:

Proverbios 30:24

Yetneyk cuatro aqsok nawha'ák étcheyetse nak keso náxop, élya'áseykegkoho agko' nak aqsok:

Proverbios 30:29

Yetneyk ántánxo aqsok élyennaqte, keñe ektáhakxa nak cuatro, éleymáxkoho chá'a kalxog:

Proverbios 6:15

Cháxa keñamak peya sa' katlakkasek aqsa káhapwak aqsok ekmaso; ekmanyehe agko' sa' enaqtawasakpok, mopwanchek sa' elwagkasakpok teyp.

Proverbios 6:17

énxet apkeleymákpoho, énxet apkelmopwancha'a amya'a, énxet apkelnapma nak chá'a m'a énxet'ák meyke nak apkeltémakxa',

Proverbios 8:13

Negáyo Wesse' egegkok, nenteme nentaqnagko aqsok ekmaso. Ataqnawhok ko'o m'a eyeymáxkoho nak egwáxok tén han magésso nak ageyxkoho', ekmaso nentémakxa tén han negmowána amya'a.

Jeremías 26:15

Eyke kólya'asagkohok sa' se'e: élaqhak sa' agkok ko'o, kéxegke sa' kólsexnáneyxche', tén han apheykha nak se'e tegma apwányam nak eñama kélaqhe xama énxet meyke aptémakxa, hakte naqsók ko'o seyáphasso Wesse' egegkok apkeltémo apékesseshok séllegasso kéxegke s'e ekyókxoho aqsok nak.”

Amós 1:11

Aptáhak Wesse' egegkok se'e: “Xámók agko' apkeláneyak apkeltémakxa ekmaso m'a énxet'ák Edom, megkatnehek sa' mallegassáseykegkoho; hakte yetlo sókwenaqte apkelmeykha apmenxeneykha m'a apkelyáxeg'a israelitas, meyke apkelmopyóseka apkelányo. Megyésseykekxak apkeltaqnagkama, megkamassegweykmok apkello.

Amós 1:3

Aptáhak Wesse' egegkok se'e: “Xámók agko' apkeláneyak apkeltémakxa ekmaso m'a énxet'ák Damasco, megkatnehek sa' mallegassáseykegkoho; hakte nápakha'a apketkók aptemessáseykegkok ma'a apheykha nak Galaad máxa aptemessessók ma'a hótáhap apaktek kélchexakkassól'a apyempe'ék, kélmeykhal'a m'a aqsok éxakkassól'a apyempe'ék élánamáxchel'a sawo.

Amós 1:6

Aptáhak Wesse' egegkok se'e: “Xámók agko' apkeláneyak apkeltémakxa ekmaso m'a énxet'ák Gaza, megkatnehek sa' mallegassáseykegkoho; hakte apkelmomchek axta apyókxoho énxet'ák, keñe apkexakhagweykmo ekha ekyánmaga m'a Edom, yaqwayam etnahagkok kélásenneykha naqsa.

Amós 1:9

Aptáhak Wesse' egegkok se'e: “Xámók agko' apkeláneyak apkeltémakxa ekmaso m'a énxet'ák Tiro, megkatnehek sa' mallegassáseykegkoho; hakte apkelméssegkek énxet'ák apkelma m'a énxet'ák Edom, cham'a apyókxoho énxet'ák aphéssamo axta mók apkelpaqhetchásamákpoho m'a apnámakkok.

Amós 2:1

Aptáhak Wesse' egegkok se'e: “Xámók agko' apkeláneyak apkeltémakxa ekmaso m'a énxet'ák Moab, megkatnehek sa' mallegassáseykegkoho; hakte apkelwatneykekxeyk apexchakkok ma'a wesse' apwányam Edom, ekwokmoho ektamhákxo táhap.

Amós 2:4

Aptáhak Wesse' egegkok se'e: “Xámók agko' apkeláneyak apkeltémakxa ekmaso m'a énxet'ák Judá, megkatnehek sa' mallegassáseykegkoho; hakte aptaqnagkamchek ma'a nélxekmowásamáxche ahagkok, ko'o sektáha nak Wesse' apagkok, melyaheykekxak ma'a segánamakxa ahagkok nak, apkelpeykessamók aqsa chá'a m'a kéleykmássesso apkelpeykessamo axta chá'a m'a apyapmeyk nano'.

Amós 2:6

Aptáhak Wesse' egegkok se'e: “Xámók agko' apkeláneyak apkeltémakxa ekmaso m'a énxet'ák Israel, megkatnehek sa' mallegassáseykegkoho; hakte apkexeykekxeyk chá'a apyaqmagkáseykekxo selyaqye m'a énxet'ák meyke nak apkeltémakxa, keñe m'a énxet'ák apkelmopyóseka nak apkelyaqmagkáseykekxo chá'a kéltéto kélmagkok.

Zacarías 8:17

nágkólteméssessamho chá'a exma ekmaso kélmók, nágkólmes nahan chá'a kélpeywa kélmowána amya'a. Hakte megkalchek ko'o ewáxok ekyókxoho xa ektéma nak. Ko'o sekxeyenma xa, sektáha nak Wesse'.”

Deuteronomio 23:18

Nágkólsakxa aqsa kéxegke kólyánmagkasek kañe' Dios Wesse' kélagkok tegma appagkanamap apagkok ma'a aqsok ekxénamaxche nak yaqwayam kalanaxchek ma'a selyaqye eñama nak ekwetamaxche xa ektéma nak élánamáxche nentémakxa ekmaso mansexta, hakte megkalchek agko' apwáxok elanok Wesse' egegkok élánamáxche nak xa ektéma nak aqsok.

Deuteronomio 24:4

keñe sa' ma'a apkemha apmonye' atáwa' axta, mopwanchek sa' emekxak makham, hakte ekmanyása agko' émpehek kaxwók entáhak ma'a; katnehek sa' xama aqsok ekmanyása agko' élánamáxche nápaqtók ma'a Wesse' egegkok, megkeymexchek kéxegke kóltawasha m'a apchókxa apméssamakxa nak Dios Wesse' kélagkok yaqwayam kóltéhek kélagkok kélagko'.

Deuteronomio 25:16

Hakte megkalchek agko' apwáxok Wesse' egegkok elanok apyókxoho énxet apkelane nak chá'a xa ektéma nak aqsok tén han apkelane nak chá'a aqsok megkapéwomo.