Proverbios 5:6 - Biblia Enxet

⁶ Hakte megkeytlók ámay ekyennaqtamakxa egnények xa kelán'a nak, megkay'ásegkok ekmasagko m'a ektémakxa nak ekweynchámeykha.

Proverbios 5:6 ပူးပေါင်းရင်းမြစ်များ

Salmos 119:59

Kelchetagkassegkek axta ko'o ewáxok sektémakxa, tén axta sélyeheykekxoho makham apchánamakxa nak xép antéhek.

Salmos 16:11

Hexekmósek sa' ko'o exchep ma'a ámay ekyennaqte nak egnények agyetlakxa'. Yetnegkek ekpayheykekxa egwáxok ma'a aphakxa nak xép, tén han ekmátsa egwáxok meyke néxa m'a nekhók aphakxa nak xép.

Proverbios 11:19

Nenlenxányam nak antekkesek aqsok ekpéwomo, agwetak ekyennaqte egnények, keñe m'a nenlenxányam nak antekkesek aqsok ekmaso, agwetak ma'a nétsapma.

Proverbios 2:19

melánteypekxók chá'a énxet ektáha enxoho apkelántaxnegwayam axagkok xa kelán'a nak, kamaskok chá'a apkelweynchámeykha m'a ámay ekyetnamakxa nak ekyennaqte egnények.

Proverbios 30:20

Keso ektémakxa kelán'a ektawáseykegkoho nak chá'a atáwa' s'e: kapathetagkok énxet, kayaqpaksek yegmen, keñe kaxének chá'a megkalana aqsok ekmaso.

Proverbios 4:26

Etaqmelchesho chá'a apkelányo m'a apmahágkaxa enxoho chá'a, tén sa' tásek chá'a katnehek apxega.

Proverbios 5:21

Apkeláneykha chá'a Wesse' egegkok ektémakxa aqsok apkelane m'a énxet; meyenyókasek apaqtek ma'a apmahágkaxa enxoho.

Proverbios 9:13

Hawók nentémakxa ekyeyháxma m'a kelán'a éltennágwayam la'a aqsa chá'a nátegma, ekyeyháxma tén han megkay'áseyak aqsok.