Proverbios 5:22 - Biblia Enxet

²² Kamekxohok agko' chá'a aqsok ekmaso apkelane m'a énxet ekmaso nak aptémakxa'; máxa táma katnehek kalpextétek ma'a mey'assáxma apkelane apagkok apagko' nak.

Proverbios 5:22 ပူးပေါင်းရင်းမြစ်များ

1 Reyes 18:18

—Matekkessók ko'o ekmaso s'e —axta aptáhak apchátegmowágko Elias—, xép akke tén han ma'a énxet'ák apagkok, eñama apkelyamasma m'a Wesse' egegkok nak apkeltémókxa antéhek, tén han apkelpeykessamo m'a mók ektémakxa nak chá'a kéleykmássesso Baal.

Ester 9:25

Xama axta ekweykekxo aphakxa wesse' apwányam ma'a Ester, apchásennakkek axta aptáxésso apkeltamho kápekxak Amán ma'a ekyókxoho aqsok ekmaso ekxeyenma axta apwáxok etnéssesek ma'a judíos. Kélmakheyáseykha axta néten yámet ma'a Amán yetlo apketchek.

Job 18:8

Kóltegyéssesek sa' apmonye' yám'én, keñe sa' kalespok apmagkok xa yám'én nak.

Salmos 40:12

Xámok agko' seyáhapwe aqsok ekmaso, mowanchek axének ekwánxa. Eyápeykekxeyk ma'a sektémakxa ekmaso ahagko' nak; ¡massegkek sekwetéxma! Xámok agko' may'assáxma, yeykhágweykmók ma'a ekweykenxal'a ekxámokma éwa', ekyelqamáxcheyk nahan.

Salmos 9:15

Epallekxohok chá'a apagkok máxek apkelmeta m'a melya'áseyak nak Dios, kalpextétekxohok chá'a agkok apmagkok ma'a yám'én aptegyésso apagko' nak.

Salmos 9:17

Exnagwók sa' apkelmaheykegkaxa nak apkeletsapma m'a élmasagcha'a nak apkeltémakxa, tén han ma'a melya'áseyak nak Dios, tén han élwagqámeyak nak ma'a Dios;

Proverbios 1:18

apnegkenéyak apagko' eyke chá'a etnahágkok kelhanma xa énxet'ák nak, apkelsexnánémakpekxoho apagko' chá'a etnahagkok.

Proverbios 11:3

Apkeltémakxa ekpéwomo chá'a kataqmelchessesek apkelxega m'a énxet'ák apkelpéwomo nak; keñe m'a énxet'ák apkelmopwancha'a nak chá'a amya'a kanaqtawásekxohok agkok chá'a m'a apkelmopwancha'a amya'a nak.

Proverbios 11:5

Ektaqmalma aptémakxa chá'a kapékesseshok apxega m'a énxet ekpéwomo nak aptémakxa, esexnáneykpekxohok apagko' eyke chá'a kápekxak aptémakxa ekmaso m'a énxet ekmaso nak aptémakxa'.

Proverbios 11:6

Apkeltémakxa ekpéwomo eyke chá'a kalwagkasek teyp ma'a énxet'ák élpéwomo nak apkeltémakxa', étsapeykha apnénya'ák eyke chá'a kalsexnenak ma'a énxet apmáheyo nak chá'a elsexnenak apnámakkok.

Proverbios 12:14

Aqsok ektaqmela nak chá'a nenxeyenma, awanchek hempasmekxa', anxewekxak han chá'a ekyánmaga aqsok nenlane.

Proverbios 14:32

Kasexnáneyekxohok agkok chá'a aptémakxa ekmaso m'a énxet ekmaso nak aptémakxa'; keñe m'a énxet meyke nak aptémakxa, kamyók chá'a m'a meyke aptémakxa nak.

Proverbios 18:7

Appeywa apagko' chá'a kasexnáneyekxak ma'a énxet ekyeyháxma; kápekxohok agko' chá'a m'a aptáhakxa enxoho appeywa.

Proverbios 24:12

Exének sa' eykhe mey'ásegko exchep, sa' eyke ey'asagkohok ma'a apkelányo nak chá'a egwáxok; ey'asagkohok sa' ma'a ektáha nak chá'a apkeláneykha, apyaqmagkáseykekxa nak chá'a mók aqsok nenlane.

Proverbios 26:27

Énxet apmeta nak chá'a máxek, etyemekxohok apagko' chá'a kañe'; énxet apyeygéyak nak chá'a xama meteymog ekyaqye, kápekxohok agko' chá'a.

Eclesiastés 7:26

Ekwetayak axta ko'o xama aqsok ektáha ekmáske agko', megkaxnawo m'a nétsapma nak: cham'a kelán'a ekmomól'a egwáxok hentawasha, sempekkeneykhal'a chá'a awáxok hegmok. Énxet ekleklamo nak apwáxok Dios, megyohok sa' kamok apwáxok ma'a, keñe sa' eyke m'a énxet mey'assáxma nak, kamok sa'.

Jeremías 2:19

Kéltémakxa ekmaso kélagko' sa' kéxegke kallegassásegkokxa', kélyamasma kélyetleykha Dios sa' kalsexnena'. Kalchetam sa' kélwáxok keñe sa' kólya'ásegwók asagkek ko'o hélyenyók, tén han askehe', tén han mehélakawo enxoho, ko'o sektáha nak Dios Wesse' kélagkok. Ko'o sekxeyenma xa, sektáha nak Wesse' ekha sekyennaqte.

Lamentaciones 1:14

Apweteyak ko'o may'assáxma m'a Wesse' egegkok; etéteykekxeyk han ma'a, máxa yámet ekyentaxno temék sekpatmeykencha'a: ¡masséssegkek sekyennaqte! Egkéssegkek ko'o Wesse' egegkok ma'a énxet'ák mamowána nak alenmexekxa'.

Abdías 1:15

Sa' kólteméssesek xépxa ekhawo apteméssesakxa nak ma'a apnámakkok: ¡exkak sa' ma'a ekpayhawo nak kólteméssesek! “Chágketwokmek kaxwók Wesse' egegkok ekhem apagkok yaqwánxa sa' elyekpelkohok apyókxoho énxet'ák.

Números 32:23

Sa' agkok kóltáhak xa ektáha nak, cháxa kéllánegko megkólya'assáxma nápaqtók Wesse' egegkok, xama ekhem sa' nahan kawak kéllegassáseykegkoho eñama xa megkólya'assáxma nak.

Jueces 20:41

Keñe axta israelitas apkeltaqhegwokmo apkelnápekpo, apkelakawók apagko' axta Benjamín énxet'ák apagkok apyekpelcha peya esawhakpok.

Jueces 9:57

Apkellegassáseykegkók axta Dios énxet'ák Siquem, eñama m'a ekyókxoho aqsok ekmaso apkeláneyak. Temék axta m'a ektáhakxa axta apkeltémo kaltemégwomhok exma m'a Jotam, Jerubaal axta apketche.