Proverbios 31:9 - Biblia Enxet

⁹ Énnaqtés chá'a appeywa, elánekxés chá'a ektémakxa apheykha; ¡epásem chá'a m'a meyke nak aqsok apagkok, tén han ma'a apkelmopyóseka nak!

Proverbios 31:9 ပူးပေါင်းရင်းမြစ်များ

2 Samuel 8:15

Aptemegkek axta wesse' apwányam David ma'a ekyókxoho nak Israel, aptaqmelchessamók axta han chá'a apkeláneykha m'a apyókxoho énxet'ák apagkok, meyke apteméssesso m'a megkapayhawo nak chá'a etnéssesek.

Job 29:12

hakte apasmok axta chá'a ko'o m'a élyeheykha nak, tén han ma'a meyke nak aqsok apagkok, cham'a énxet'ák meyke nak ekpasmo.

Salmos 82:3

¡Kóltaqmelchessásekxa apheykha m'a apkelyelqamákpoho nak, tén han ma'a élyéheykha nak! ¡Kóltaqmelchessásekxa apheykha m'a meyke nak aqsok apagkok, tén han ma'a ekhakxa nak chá'a aqsok eyeyméxchexa aphágkaxa'!

Proverbios 16:12

Eltaqnawhok kelwesse'e apkelwányam ma'a nentémakxa ekmaso nak, hakte ekpéwomo nenlanekxésso amya'a énxet'ák ekyennaqtésso m'a aptémakxa nak wesse' apwányam.

Proverbios 20:8

Aphakmek agkok wesse' apwányam ma'a aptaháno segyekpelchémókxa nak, xama apkelányo aqsa etnehek ékpelkohok ma'a aqsok ekmaso nak.

Proverbios 29:7

Keytnakhaksohok chá'a apwáxok énxet appéwomo m'a ekpayhawo nak chá'a kólteméssesek ma'a meyke nak aqsok apagkok, megkeytnakhaksók eyke apwáxok ma'a énxet ekmaso nak aptémakxa.

Isaías 1:17

¡Kóltámesaxche kéllánéyak aqsok ektaqmela, kólwasqápekxoho kóllának ma'a aqsok ekpéwomo nak, kólpásem ma'a énxet'ák kélnaqtawáseykegkoho nak, kóltaqmelchessásekxa ekheykha m'a élyeheykha nak, kólmeyókas nahan ektémakxa nak chá'a ekha m'a kelán'a tampe nak!”

Isaías 1:23

Élyennaqte apkelwáxok ma'a kelwesse'e apkelwányam kélagkok nak, énxet'ák élmasagcha'a apkeltémakxa nahan ma'a apkelxegexma'a. Meltaqheksók nahan elxawagkok selyaqye m'a apyókxoho nak, etegyagkok nahan yaqwayam nak kólmésagkok aqsa chá'a m'a aqsok kelméyáséyak naqsa nak. Meltaqmelchessásekxeyk ekheykha m'a élyeheykha nak, megkalyetnakhaksók nahan apkelwáxok ektémakxa nak ekheykha m'a kelán'a xentampe'e nak.

Isaías 11:4

Elyekpelkohok sa' chá'a yetlo ekpéwomo apkelánéseykekxa amya'a m'a énxet'ák apkelyelqamákpoho nak, emyókasek sa' nahan chá'a ektémakxa nak apheykha m'a énxet'ák meyke nak aqsok apagkok ma'a apchókxa. Máxa yámet sa' katnehek ma'a appeywa, yaqwayam sa' kallegássesagkohok ma'a énxet'ák apkelyennaqteyáseykha nak apyempe'ék, xama apwátekhapma sa' etnehek elnápok ma'a énxet'ák élmasagcha'a nak apkeltémakxa.

Jeremías 22:3

Kóllána chá'a ektaqmalma kéllánekxésso apheykha énxet'ák se'e yókxexma nak, tén han ekpayhawo nak chá'a kóltéhek, kólwagkas sa' chá'a teyp neyseksa apmáheyo enaqtawasagkohok ma'a apkelyennaqtésamakpoho nak chá'a, nágkólyennaqtésha chá'a kélyempe'ék kóllának ma'a apkeleñama mók nekha, tén han ma'a élyéheykha nak, tén han ma'a xentampe'e nak. Nágkólaqha chá'a énxet apkeñama mók nekha s'e yókxexma nak.

Jeremías 23:5

Aptáhak Wesse' egegkok se'e: “Kammok sa' ekhem yaqwánxa exek xama aptáwen neptámen apagko' ma'a David, xama wesse' apwányam ekpéwomo aptémakxa, etnehek sa' wesse' apwányam yetlo apya'áseykegkoho, elánekxések sa' chá'a apheykha énxet'ák, yetlo ekpéwomo aptémakxa tén han ekpayhawo nak chá'a etnehek se'e apchókxa nak.

Jeremías 5:28

tén han apnaqmelaya tén han ektaqmalma aptéyak. Méko néxa m'a apkeltémakxa ekmaso: melánekxések chá'a amya'a yaqwayam etaqmelchessásekxak ekheykha m'a élyéheykha nak, melanók han chá'a ektémakxa nak apheykha m'a meyke nak aqsok apagkok.

Daniel 4:27

Etne sa' se'e séltamhókxa nak etnehek, wesse': etne chá'a ekpéwomo aptémakxa, ná elána kaxwók mey'assáxma; elwatés aptémakxa ekmaso, epásem sa' ma'a apkelmopyóseka nak. Lapmaxcheyk sa' kexa eweynchamha chá'a meyke ektáhakxa aptáha enxoho xa ektáha nak, wesse', tén han katnahagkok chá'a ektaqmalma apweynchámeykha.’”

Levítico 19:15

“Kélxénchek sa' agkok chá'a yaqwánxa kólteméssesek xama énxet, nágkólteme chá'a megkapéwomo kéltémakxa': nágkólteme chá'a apyeykhamap pók kóllano', cham'a meyke nak aqsok apagkok, tén han ma'a ekxákma nak aqsok apagkok. Nágkólyetnakhássem chá'a nentémakxa ekpéwomo kélxéna enxoho chá'a yaqwánxa kólteméssesek ma'a énxet.

Zacarías 7:9

“Keso séltamhókxa nak ko'o kóltéhek se'e: Kólteme chá'a ekpéwomo agko' kéllánekxésso amya'a kélmók, tén han ektaqmeleykha kélwáxok tén han apmopyósa kóllanok kélmók.

Zacarías 9:9

¡Kapayhekxoho agko' apwáxok xép, tegma apwányam Sión! ¡Enneykmés kapayhekxak apwáxok, xép tegma apwányam Jerusalén! Apya'aweykteyk xép, Wesse' apwányam apagkok Wesse' appéwomo, tén han segwagkassamo teyp, háwe eyke eyeymáxkoho apwáxok, yámelyeheykok apchánte, yámelyeheykok étkok.

Deuteronomio 1:16

Cháxa ekhem sekméssamakxa axta nahan ko'o apkelámha apmonye'e kélagkok séltémókxa chá'a etnahagkok: ‘Kóllánekxés sa' chá'a amya'a s'e apyókxoho nak, kóltaqmelchessásekxa sa' chá'a apheykha, kólhésho sa' chá'a mók kélteméssesakxa, cham'a kélókxa xamo' nak tén han ma'a énxet'ák apkeleñama nak mók apkelókxa.

1 Samuel 19:4

Appaqhetchessek axta Jonatán ma'a Saúl, ektaqmeleyncha'a appeywa apxéna m'a David. Axta aptáhak apcháneya: —Wesse', ná etnéssessamho aqsa exma ekmaso m'a David, hakte metnéssesseykmohok xép exma ekmaso m'a wesse', awanhek aqsa aptaqmelchesso;

1 Samuel 20:32

Keñe axta Jonatán aptáha apchátegmowágko s'e: —¡Yaqsa ektéma apmáheyo nak emátog! ¡Yaqsa aqsok apkeláneya!