Proverbios 30:4 - Biblia Enxet

⁴ ¿Yaqsa axta ekmeheykegko néten keñe ekweyweykento makham? ¿Yaqsa awanchek kamagkok ma'a éxchahayam? ¿Yaqsa eyaqlassama eyaqlamaxche m'a wátsam ekwányam? ¿Yaqsa axta ekpekkenma m'a néxa xapop nak? ¡Héltennés sa' apwesey! ¡Héltennés sa' han apwesey m'a apketche apya'ásegko enxoho!

Proverbios 30:4 ပူးပေါင်းရင်းမြစ်များ

Génesis 32:29

—Héltennés kaxwók xép apwesey —axta aptáhak apkelmaxneyáncha'a Jacob. Aptáhak axta énxet apchátegmowágkokxo s'e: —¿Yaqsa ektáha sélmaxneyáncha'a nak sekwesey? Yetlókok axta han apxeyenma kataqmelek apha m'a.

Job 11:7

¿Apkeneykeya yepwának ey'asagkohok ekyókxoho m'a aqsok élpowásamáxche éleñama nak Dios, keñe han ey'asagkohok ma'a ekwánxa nak apteme ekha apmopwána?

Job 11:8

¿Háxko etnehek xeyep ey'asagkohok xa aqsok nak? Yeykhágweykmók ma'a néten nak, Yeykhágweykmók agko' ekmattawóneg ma'a élmaheykegkaxa nak eghagák, mopwanchek ey'asagkoho'.

Job 26:8

Appekkenmeyk axta yegmen ma'a neyseksa yaphope, meyke ekpaqxo m'a yaphope eñama ekyentaxno;

Salmos 135:7

Elya'ásekxak chá'a néten yaphope éleñama m'a makhawók agko' nak nélwanmeygkaxa, etekkesek chá'a apkelyenma magkenatchesso peya kamme', etekkesek chá'a éxchahayam eñama m'a appekkenmakxa nak.

Salmos 2:7

Añeksek sa' ko'o appeywa nak Wesse' egegkok: Aptáhak ko'o seyáneya s'e: “Xép aptáha hatte; sakhem sektáha ko'o exchep apyáp.

Salmos 22:27

Kaxén sa' kélwáxok kéxegke Wesse' egegkok kélyókxoho pók aptémakxa nak énxet'ák kélheykha keso náxop, kólyo'óta sa' ma'a; ¡kóltekxeyák sa' kéltapnák apmonye' m'a!

Salmos 24:2

Hakte Wesse' egegkok axta appekkenma awhak xapop, tén han appekkenma m'a néten nak wátsam élyawe tén han ma'a wátsam.

Salmos 68:18

Oh Dios, apxámok xép apnaqlákxo énxet'ák apkelmomap apmeyákxo m'a netno' agko' nak; apkelxakak nahan chá'a m'a aqsok apkelmésso m'a énxet'ák, wokmók nahan apkelmeyásamap ma'a apkenmexeykekxa nak chá'a exchep, Wesse'.

Éxodo 15:10

Apwátekhapchek axta eyke exchep, tén axta élweykeságko m'a wátsam ekwányam nak; máxa axta aptamhágkok apkelweywegko m'a ektémól'a meteymog kapallenták neygmen aphagwokmo m'a kañók agko' nak wátsam.

Éxodo 6:3

Ekxekmowásamáxkók axta ko'o Abraham, Isaac, tén han ma'a Jacob sekwesey Dios ekha sekyennaqte, axta eyke alya'assáseykegkohok ma'a ektémakxa sekwesey ahagko': WESSE'.

Isaías 45:18

Aptáhak appeywa ektáha axta apkelane néten se'e, cham'a apteme nak Dios, tén han Wesse' egegkok, apkelane axta xapop tén han aptekkesso axta, ektáha axta appekkenma, apkeláneya axta háwe yaqwayam keytek aqsa meyke aqsok ma'a kañe' yaqwayam exek nahan énxet ma'a: “Ko'o sekteme Wesse', méko pók.

Isaías 53:8

Kélyentameykekxeyk axta aqsa nahan meyke kéllánekxésso ektaqmela amya'a, méko axta nahan xama enxoho yaqwayam kamyók; méko axta nahan ekyetnakhassamo enxoho awáxok yaqwánxa katnehek. Kélmasséssekmek axta apha keso náxop, apmatñegkek axta eñama melya'assáxma m'a énxet'ák ahagkok.

Isaías 7:14

Wesse' egegkok apagko' sa' egkések kéxegke xama aqsok yaqwayam megkólchenatchese': Lósók entáhak kelán'a étkok kótak sa' étche apkenna', kólteméssesek sa' apwesey Emanuel.

Isaías 9:6

Hakte apteyekmek xama sakcha'a negyeseksa, Dios segmésso xama apketche, cham'a peya sa' exkak apmopwána yaqwayam etnehek aptaqmelchesso apchókxa. Sa' nahan kólteméssesek apwesey s'e: Eyaqheykha kélwáxok aqsok apkelane, Dios apyennaqte, Egyáp Memassegwayam, Wesse' meyke ektáhakxa negha.

Jeremías 23:6

Méko sa' katnehek apheykha énxet'ák Judá neyseksa apteme wesse' apwányam, méko sa' nahan katnehek ektáhakxa apheykha m'a énxet'ák Israel. Keso yaqwánxa sa' kólteméssesek apwesey s'e: ‘Wesse' egegkok segmallahanchesso.’”

Deuteronomio 28:58

“Sa' agkok kóllanak ekyókxoho ektémakxa nak segánamakxa eknaqtáxésamaxche s'e weykcha'áhak nak, tén han megkólekawo enxoho s'e ektémakxa nak eyeymáxkoho apwesey mageysso nak ageyk ma'a Dios Wesse' kélagkok,

Deuteronomio 30:12

Megkeytnók ma'a néten nak, yaqwayam enxoho kóltéhek chá'a kólpaqmétek kólámenyéhok se'e: ‘¿Yaqsa sa' kamhagkok néten, yaqwayam enxoho hensantagkasek tén han hẽlya'assásegwók, yaqwayam enxoho anlána'?’

Jueces 13:18

Apchátegmowágkek axta Wesse' egegkok apchásenneykha: —¿Yaqsa ektáha apkeltamho nak ey'asagkohok sekwesey? Ekwányam agko' ko'o m'a sekwesey, megkólya'asagkehe'.