Proverbios 30:22 - Biblia Enxet

²² cham'a aptáha enxoho wesse' apwányam ma'a kélásenneykha naqsa, ekyeykhágwokmoho enxoho aptéyak ma'a élyeyháxma nak,

Proverbios 30:22 ပူးပေါင်းရင်းမြစ်များ

Proverbios 19:10

Megkapayhawok etnehek énxet ekyeyháxma m'a aptémakxa nak ma'a énxet ekxákma nak aqsok apagkok, ekyagwánxa agkok megkapayhawok etnehek apkemha apmonye' kélásenneykha naqsa nepyeseksa m'a apkelwesse'e nak.

Proverbios 28:3

Apkemha apmonye' ekmaso nak aptémakxa, apnaqtawáseykegkoho nak ma'a énxet meyke nak aqsok apagkok, máxa etnehek ma'a ektémól'a ekmámeye ekyennaqte ektawáseykhal'a aqsok ekyexna kélcheneykekxa.

Proverbios 30:21

Yetneyk ántánxo aqsok megkólmámenyého nak katnehek xama apchókxa, keñe m'a ektáhakxa nak cuatro kalpexyennegkesek xóp:

Proverbios 30:23

ekwet'a enxoho atáwa' m'a kelán'a megkásekhamaxche', keñe han ektáha enxoho wesse' m'a kélásenneykha naqsa, ekyaqmagkasa enxoho m'a wesse' agkok.

Eclesiastés 10:7

Ekweteyak chá'a ko'o m'a énxet'ák kélásenneykha naqsa nak, yátnáxeg chá'a elchántaha, keñe eyke m'a kelwesse'e nak, náxop chá'a elweynchamha, máxa chá'a etnahagkok ma'a kélásenneykha naqsa nak.

1 Samuel 25:2

Aphegkek axta xama énxet ekxákma aqsok apagkok yókxexma nak Maón, tres mil axta apyókxoho nepkések apnaqtósso, keñe mil ma'a yát'ay, axta yetnók apkexeykekxexa aqsok apagkok ma'a tegma apwányam Carmel, apkelyéseseykegkaxa axta chá'a m'a nepkések apnaqtósso.

1 Samuel 25:25

Nágyeyxho aptáhakxa exchek Nabal, cham'a énxet megkeyxnegwayam nak appeywa, háwe wanchek amya'a m'a ektémakxa nak apwesey, naqsók apteme ekyeyháxma m'a. Mopwanchek elának chá'a aqsok ektaqmela. Axta ko'o ót'ak apkeláneykha apkeláphasa axta exchep, ko'o sektáha nak apkeláneykha.

1 Samuel 25:3

Nabal axta apwesey xa énxet nak, Caleb axta aptáwen neptámen; énxet megkeyxnegwayam appeywa axta han ma'a, tén han ekmaso aptémakxa. Keñe axta m'a aptáwa' Abigail, tásek axta, awanchek axta han aqsok.

1 Samuel 30:16

Yetlókok axta han apyentama m'a aphágkaxa axta apkelmenyexma, apsawheykxók axta han exma apkexpaqneykha m'a, aptókagkek axta aptéyak, apyenágkek han apyenéyak, apkelsawassásawók axta m'a ekyókxoho aqsok apkelmenyexéyak axta éleñama m'a filisteo apchókxa', keñe han ma'a Judá.