Proverbios 30:2 - Biblia Enxet

² Ko'o aqsa wánxa seyeyháxma ahagko' nepyeseksa m'a énxet'ák, méko sekya'áseyak ektéma nak apya'áseyak ma'a énxet.

Proverbios 30:2 ပူးပေါင်းရင်းမြစ်များ

Salmos 49:10

Hakte agwethok chá'a eletsapok apyókxoho énxet, cham'a apmopwancha'a nak aqsok tén han ma'a élyeyháxma nak, keñe pók elmekxak chá'a m'a aqsok apagkok ekxámokma nak.

Salmos 73:22

seyeyháxma axta ko'o, may'áseyak aqsok; ¡ekhémók axta ko'o aqsok nawhak nápaqto' xép!

Salmos 92:6

¡Wánxa aqsa melya'asagkehek ma'a élyeyháxma nak!

Proverbios 12:1

Negásekhayo ektémakxa nak sẽlpékessáseyak, cháxa negásekha'awo m'a negya'áseykegkoho nak aqsok; nentaqnagko ektémakxa nak sẽlnókáseykha, cháxa nenteme segyeyháxma xa.

Proverbios 30:1

Agur appeywa, Jaqué apketche, apkeñama axta Masá. Aptáhak axta Agur apkelpaqhetchesa m'a Itiel tén han Ucal:

Proverbios 5:12

Sa' etnehek se'e: “¡Yaqsa axta ex'a ektéma malyaheykekxo chá'a sélpaqhetcháseykha! ¡Yaqsa axta ex'a ektéma mamoma takha' m'a ektémakxa axta chá'a sélésso aqsok!

Isaías 6:5

Keñe axta ektáha élchetama ewáxok se'e: “¡Ko'o laye, watsapok sa'! Ekwet'ak ahaqta'ák ahagko' ma'a Wesse' Apwányam, cham'a Wesse' ekha nak apyennaqte; ko'o sekteme énxet ekteyapmól'a chá'a appeywa ekmaso, ekhegkek ko'o nepyeseksa m'a énxet'ák élánteyapmo nak chá'a apkelpaqmeyesma ekmaso.”

Jeremías 10:14

Élyeyháxma apyókxoho énxet tén han melya'áseyak aqsok. Kelyexancháseykha chá'a aqsok kéleykmássesso m'a ektáha nak chá'a apkelane: kéleykmássesso sẽlyexancháseykha m'a, tén han meyke élennama;