Proverbios 3:9 - Biblia Enxet

⁹ Etne apcháyo Wesse' egegkok elmések aqsok apagkok yetlo m'a émha amonye' ekyexna nak aqsok apkeneykekxa';

Proverbios 3:9 ပူးပေါင်းရင်းမြစ်များ

Génesis 28:22

Keso meteymog sénegkesa nak, ektémól'a meteymog kólchenegkesek, katnehek sa' Dios apxagkok; keñe sa' agkések chá'a exchep Dios, ekwayam nak chá'a diez ekyókxoho m'a aqsok ektáha nak chá'a exchep sélmésso.”

2 Crónicas 31:10

tén axta m'a apkemha apmonye' apkelmaxnéssesso Dios énxet'ák apagkok Azarías, Sadoc axta aptáwen neptámen, aptáhak axta apchátegmowágko s'e: “Xámok axta nentéyak sekxók axta eyeynawo kélsáyam aqsok ma'a Wesse' egegkok tegma appagkanamap apagkok, xámok makham éleymomáxche'; keleymomáxchek ekyókxoho xa ekwánxa nak ekxámokma, hakte apkelméssegkek aqsok éltaqmela Wesse' egegkok ma'a énxet'ák apagkok.”

2 Crónicas 31:21

Tásek axta ekteyapma ekyókxoho aqsok apkelánésso axta m'a Dios tegma appagkanamap apagkok, tén han ma'a Wesse' egegkok segánamakxa apagkok, keñe han ma'a apkeltémókxa nak antéhek, hakte apkelenxánekmek axta apketamso Dios ekweykmoho kañók agko' apwáxok.

Salmos 144:13

Kelláneykegkok aqsok aktek negkeneykekxa m'a nenxátamakxa nak chá'a, kelláneykegkok mók ektémakxa nento. Xámeykekxók agko' ma'a aqsok nennaqtósso, xámok han ma'a yókxexma egagkok.

Éxodo 22:29

“Hélsantagkas chá'a heykxe ko'o m'a ekyókxoho aqsok sélmésso naqsa aqsok apkeneykekxa nak apnakxo, tén han ma'a ekyókxoho anmen yámet égmenek apagkok nak. “Hegkések sa' ko'o m'a apkemha apmonye' apwete nak apketche,

Éxodo 23:16

“Kóllána sa' nahan kélessawássessamo kélnakxamakxa nak ekyexna aqsok kélcheneykekxa, cham'a kélnakxa enxoho m'a émha amonye' ekyexna nak aqsok kélcheneykekxa namyep, ekhawo nahan ma'a kélessawássessamo nak chá'a eknakxamáxche ekyexna aqsok ma'a néxa apyeyam, cham'a kélsawha enxoho chá'a kélnakxo ekyókxoho m'a kélcheneykekxa nak chá'a aqsok.

Éxodo 23:19

“Keñe sa' ma'a émha amonye' ekyexna éltaqmalma nak ma'a apkeneykekxa, elsakxak ma'a Dios Wesse' apagkok nak tegma appagkanamap apagkok. “Nágkólhanchásekxa aqsa yát'ay apketkok egken neme apyegmenek apagkok.

Éxodo 34:26

“Kólsakxa chá'a émha amonye' éltaqmalma nak ekyexna eñama xapop kélagkok ma'a Dios Wesse' kélagkok nak tegma appagkanamap apagkok. “Nágkólhanchásekxa aqsa yát'ay apketkok egken neme apyegmenek apagkok.”

Proverbios 11:25

Kaxámagkok chá'a aqsok apagkok ma'a énxet memasma nak chá'a aqsok apagkok; exkak nahan chá'a aqsok ma'a énxet apméssamo nak chá'a aqsok pók.

Proverbios 14:31

Énxet aptawáseykegkoho nak chá'a m'a meyke nak aqsok apagkok, elókasek chá'a m'a ektáha axta Apkelane keñe m'a apmopyósa nak chá'a elanok pók, ekyawe kéláyo chá'a etnéssesek Wesse' egegkok.

Isaías 43:23

Mehegkéssók ma'a nepkések apkelwatno, mehélméssók ma'a apnaqtósso apkelnapma nak yaqwayam enxoho heyáwho'. Megkaleklágweykmok sélmaxneyeykha m'a aqsok segkésso naqsa apagkok nak, mayampósseykmok sélmaxneyeykha m'a aqsok ekmátsa nak ekpaqneyam éten agkok.

Levítico 19:25

keñe sa' ekwokmo enxoho cinco apyeyam, kélwanchek kaxwók kóltók kéxegke m'a ekyexna. Kéltemék sa' agkok xa, kaxámagkok agko' sa' ekyexna m'a yámet nak. Ko'o sekteme Wesse' Dios kélagkok.

Números 15:20

Sa' kóltéhek nahan héllanaksek kelpasmaga sélmésso naqsa apkemha apmonye' kélyelaqtésso hótáhap ma'a kéltémakxal'a chá'a hélmések nápakha m'a apkemha apmonye' kélchexakkasso nak apyempe'ék ma'a hótáhap apaktek.

Deuteronomio 14:29

yaqwayam sa' etawagkok ekwokmoho apkelyaqkanakmo apkelwa'akto enxoho m'a levitas, melxaweykegko nak xapop apagkok apagko', essenhan ma'a énxet'ák apkeleñama nak mók apkelókxa apheykha nak chá'a kélnepyeseksa kéxegke, essenhan ma'a élyeheykha nak tén han ma'a xentampe'e nak. Keñe sa' Dios Wesse' kélagkok egkések chá'a ektaqmalma ekteyapma m'a ekyókxoho aqsok kéllanakxa enxoho chá'a.