Proverbios 3:18 - Biblia Enxet

¹⁸ Negya'áseykegkoho aqsok ekmésso ekyennaqte apnények ma'a énxet ektáha enxoho apmà; ¡apkeleñémo énxet meyenyeykekxa nak!

Proverbios 3:18 ပူးပေါင်းရင်းမြစ်များ

Génesis 2:9

Apkelántekkessek axta nahan ekyókxoho mók ektémakxa yenta'a éltaqmalma, ekha nak ekyexna ektaqmalma nak antók. Apkeneykekxeyk axta han yámet ekyennaqtéssamo nak egnények neysekso nak aqsok apkeneykekxa', tén han ma'a yámet segyekpelchássesseyam nak aqsok ektaqmela, tén han aqsok ekmaso.

Génesis 3:22

keñe axta aptáha s'e: “Eghágweykxók kaxwók negko'o énxet, apya'ásegkok kaxwók aqsok ektaqmela, tén han aqsok ekmaso, móghók sa' etwok ma'a yámet ekyexna ekyennaqtéssamo nak egnények, hakte aptókek agkok ma'a, megyetsepek chá'a.”

Proverbios 11:30

Katekkeshok chá'a ekyennaqte apnények énxet ma'a aptamheykha nak énxet ekpéwomo aptémakxa', kaqhohok eyke chá'a énxet ma'a ektémakxa nak apyennaqteyáseykha apyempehek.

Proverbios 13:12

Aqsok ekwenaqte nak élhaxnamáxche megkatyapma nak, kayaqhakkasek egwáxok, máxa eyke yámet segméssamo nak ekyennaqte egnények ma'a aqsok ekteyapma nak chá'a negmámenyého.

Proverbios 15:4

Nentaqmelchessamo nempaqhetchesso egmók ekteme segmésso ekyennaqte egnények; katsagkasek eyke chá'a egwáxok ma'a megkeyxnegwayam nak chá'a nempeywa ampaqhetchesek egmók.

Proverbios 4:13

Emyow sa' ma'a sélxekmowáseyak axta, ná eyenyekxa aqsa; elána' sa' chá'a, hakte cháxa yaqwayam chá'a kagkések ekyennaqte apnények xa.

Proverbios 8:32

“Étchek, kóleyxho kaxwo' sekpeywa; kólyetlow sektémakxa nak keñe sa' kalpayhekxak chá'a kélwáxok.

Proverbios 8:34

Apkeleñémo énxet ektáha nak apháxenmo sekpeywa, apkenmeykha nak átog exagkok yókxoho ekhem sélhaxneykha.

Eclesiastés 7:12

Hentaqmelcheshok chá'a m'a negya'áseykegkoho nak aqsok, hawók ma'a selyaqye nak, yeykhágweykmók eyke m'a negya'áseyak nak aqsok, hakte awanchek kagkések apyennaqte m'a énxet ekha nak apya'áseykegkoho aqsok.