Proverbios 3:13 - Biblia Enxet

¹³ Apkeleñémo énxet apweteykekxa nak ektémakxa negya'áseykegkoho aqsok, apmà nak ektémakxa apmopwána aqsok;

Proverbios 3:13 ပူးပေါင်းရင်းမြစ်များ

Job 28:15

Mogwanchek agyánmagkasek ma'a sawo ekyátekto ekmomnáwa, mogwanchek nahan agmok agyánmagkasek sawo ekmope ekmomnáwa nak.

Job 28:18

Tásók agko' ma'a negya'áseyak nak aqsok, kaxnók ma'a meteymog ekmope nak, tén han ma'a meteymog élyenméyak nak, tén han ma'a meteymog élpexpope nak.

Job 28:19

Megkaxnawok han ma'a meteymog yáma ekyátekto éleñama nak Etiopía, mogwanchek han agyánmagkasek ma'a sawo ekyátekto ekmomnáwa agko' nak.

Salmos 119:72

Tásók agko' ko'o sélányo m'a nélxekmowásamáxche apagkok, megkaxnawok ma'a ekwánxa nak ekyókxoho m'a selyaqye nak keso náxop.

Proverbios 16:16

Tásek antegyek negya'ásegwayam aqsok, kaxnók ma'a sawo ekyátekto ekmomnáwa nak; tásek antegyek negya'ásegwayam, kaxnók ma'a sawo ekmope ekmomnáwa nak.

Proverbios 18:1

Apxakkók aqsa chá'a eltamhok etnehek ma'a apkelmeyókásamákpoho nak chá'a aqsok, elwok chá'a m'a kélpaqhetchesa enxoho.

Proverbios 2:4

ná elwátessem aqsa apketamso, etne sa' ma'a ektémól'a antegyaha sawo ekmope élyenma essenhan ma'a aqsok ekmomnáwa ekpowásamáxkoho nak.

Proverbios 8:9

Yáxña'akxoho elanok sekpeywa m'a énxet apmopwána nak aqsok, péwók elanok ma'a énxet apya'áseykegkoho nak aqsok.

Deuteronomio 30:13

Megkeytnók nahan ma'a neyp wátsam ekwányam nak, yaqwayam enxoho kóltéhek chá'a kólpaqmétek se'e: ‘¿Yaqsa sa' kayeykhekxak wátsam ekwányam, yaqwayam enxoho hensantagkasek negko'o tén han hẽlya'assásegwók, yaqwayam enxoho anlána'?’