Proverbios 28:2 - Biblia Enxet

² Apkelánegkek agkok chá'a melya'assáxma xama apchókxa, eyaqmagkasagkok chá'a pók ma'a apkelwesse'e apkeláneykha nak apchókxa, keñe aptáha enxoho apkemha apmonye' m'a énxet apya'áseykegkoho nak chá'a apkeláneykekxa aqsok, kataqmelek chá'a ekxega m'a apchókxa.

Proverbios 28:2 ပူးပေါင်းရင်းမြစ်များ

1 Reyes 15:25

Apqánet apyeyam axta temék apteme wesse' apwányam Asá m'a Judá, keñe apkeynamo apteme wesse' apwányam Nadab ma'a Israel, Jeroboam axta apketche. Apqánet apyeyam axta han apteme wesse' apwányam.

1 Reyes 15:28

Apchaqhegkek axta Baasá m'a Nadab, ekweykmo axta apqántánxo apyeyam apteme wesse' apwányam Asá m'a Judá, tén axta apyaqmagkassama apteme wesse' apwányam.

Proverbios 11:11

Exatakhak chá'a xama tegma apwányam eñama kélpasmo m'a énxet'ák apkelpéwomo nak, élmasagcha'a apkeltémakxa' apkelpeywa eyke chá'a katnéssesek apmopso.

Eclesiastés 9:15

Keñe m'a tegma apwányam nak, exek xama énxet ekha nak apya'áseyak aqsok meyke nak aqsok apagkok, apmopwána nak eykhe ewagkasek teyp tegma apwányam, ¡méko eyke chá'a kaxének awáxok!

Isaías 58:12

Énxet'ák apagkok sa' elánekxak makham ma'a tegma aphopák appalleyam nak, exegkásekxak sa' makham ma'a tegma apowhók nanók kéllane axta. Eltamhakpok sa' énxet'ák apagkok: ‘apkeláneykegkokxa meteymog kélhaxta nepyáwa tegma élyaqnenéyak’, ‘apkeláneykegkokxa tegma appalleyam’.

Daniel 4:27

Etne sa' se'e séltamhókxa nak etnehek, wesse': etne chá'a ekpéwomo aptémakxa, ná elána kaxwók mey'assáxma; elwatés aptémakxa ekmaso, epásem sa' ma'a apkelmopyóseka nak. Lapmaxcheyk sa' kexa eweynchamha chá'a meyke ektáhakxa aptáha enxoho xa ektáha nak, wesse', tén han katnahagkok chá'a ektaqmalma apweynchámeykha.’”

Oseas 13:11

Almések axta chá'a kelwesse'e apkelwányam apagkok neyseksa sektaqnagko, neyseksa sektaqnagko axta han chá'a alyementemekxa'.