Proverbios 28:18 - Biblia Enxet

¹⁸ Ewagkasakpok sa' teyp ma'a énxet meyke aptémakxa', aqsok ekmaso sa' eyke káhapwak ma'a énxet ekmaso nak aptémakxa'.

Proverbios 28:18 ပူးပေါင်းရင်းမြစ်များ

Salmos 125:5

exnésho apteméssessamakxa nak chá'a élmasagcha'a apkeltémakxa m'a apkelyetleykekxa nak chá'a ámay ekmaso. ¡Keytek sa' chá'a meyke ektáhakxa negha m'a Israel!

Salmos 25:21

Sektémakxa ektaqmela sa' hetaqmelchesek, tén han ekpéwomo sektémakxa, hakte may'ásseykmok ko'o exchep.

Salmos 26:11

Méko eyke ko'o aqsok ekmaso sélane neyseksa sekweynchámeykha, ¡hewagkas teyp, kapyósho hélano'!

Salmos 84:11

Hakte Dios Wesse' egegkok sẽlsássesso chá'a exma, tén han sẽlmasma; elásekhohok chá'a Wesse' egegkok ma'a apkeláneykegkoho nak chá'a aqsok ektaqmela, kataqmalmakha chá'a apwáxok epasmok, elmések chá'a aqsok éltaqmela.

Proverbios 10:25

Wa'ak agkok chá'a éxchahayam ekyennaqte, emassegwók chá'a m'a ekmaso nak aptémakxa', keñe énxet ekpéwomo nak aptémakxa', emallánek chá'a.

Proverbios 10:27

Ahóxek katnehek negha m'a nenteme nak chá'a negáyo Wesse' egegkok, kólyaqwátesseshok eyke chá'a apheykha m'a énxet'ák élmasagcha'a nak apkeltémakxa'.

Proverbios 10:9

Méko xama aqsok katnehek apkekakxa m'a meyke nak aptémakxa'; keñe m'a énxet ekmaso nak aptémakxa', kataxchek chá'a ektémakxa aqsok ekmaso apkelane.

Proverbios 28:10

Énxet apnaqleykekxa nak ámay ekmaso m'a énxet'ák éltaqmalma nak apkeltémakxa', kamekxohok sa' agkok ma'a kelhanma apagkok nak; keñe sa' elxawagkok aqsok éltaqmalma m'a énxet'ák meyke nak aqsok ekmaso apkeláneyak.

Proverbios 28:6

Tásek antéhek meyke aqsok egagkok tén han meyke nentémakxa, kaxnók antéhek ekxámokma nak aqsok egagkok, tén han megkapéwomo nak nentémakxa'.

Números 22:21

Axto'ók axta apxatakha'a m'a Balaam, apkeltahanchessek axta apchánte yámelyeheykok, apkelyetlákxeyk axta m'a apkelámha apmonye'e nak moabitas.

Números 22:32

Aptáhak axta apcháneya Wesse' egegkok apchásenneykha s'e: —¿Yaqsa ektáha aptáha nak ántánxo aptekpageykha yámelyeheykok apchánte? Ko'o exchek seyáhakkassáseykekxa apmonye' exchep, hakte megkalchak ko'o ewáxok apxega.

Números 22:35

Aptáhak axta Wesse' egegkok apchásenneykha apchátegmowágkokxo s'e: —Apwanchek exog elyetlakxak xa énxet'ák nak, sa' eyke aqsa chá'a wánxa exének ma'a sektáhakxa enxoho chá'a seyáneya ko'o exchep. Apkelyetlákxeyk axta Balaam ma'a apkelámha amonye'e, Balac axta apkeláphasso.