Proverbios 28:12 - Biblia Enxet

¹² Apkelmeyk agkok apkeltamheykha apteme ekha kéláyo m'a énxet'ák apkelpéwomo nak, kalanaxchek ekyawe agko' kélessawássessamo; apkelmeyk agkok apkeltamheykha m'a élmasagcha'a nak apkeltémakxa', elyexanmok chá'a m'a énxet'ák nak.

Proverbios 28:12 ပူးပေါင်းရင်းမြစ်များ

1 Reyes 18:13

¿Yagkóltennáseykha exchep ma'a sektémakxa axta ko'o, élnapma axta Jezabel ma'a apkellegasso axta Wesse' egegkok appeywa? Élpóssegkek axta ko'o cien énxet'ák, cincuenta axta chá'a ekxaták xama m'a ánet meteymog áxwa nak, keñe sélmeyáseykegko han chá'a aptéyak tén han yegmen.

1 Reyes 19:3

Apyekpelcheyk axta eyesagko yaqwánxa katnehek Elías, keñe apmahágko Beerseba, yaqwayam enxoho ewagkasakpok teyp, cham'a yókxexma nak Judá, axta apyensakmok apkeláneykha m'a.

2 Crónicas 7:10

Keñe axta ekhem veintitrés aptáha axta siete pelten, apkelaphássek axta wesse' apwányam ma'a énxet'ák, eltaqhekxak apxanák yetlo élpayheykekxa apkelwáxok, tén han éltaqmeleykha apkelwáxok eñama m'a ektaqmalma axta apteméssessamakxa Wesse' egegkok ma'a David, tén han Salomón tén han ma'a énxet'ák apagkok Israel.

Proverbios 11:10

Tásek agkok apheykha m'a énxet'ák élpéwomo nak apkeltémakxa', kalpayhekxak chá'a apkelwáxok ma'a énxet'ák apheykha nak tegma apwányam; apkeletsekkek agkok ma'a énxet'ák élmasagcha'a nak apkeltémakxa', elátsaha chá'a énxet'ák.

Proverbios 28:28

Apkelmeyk agkok apkeltamheykha m'a élmasagcha'a nak apkeltémakxa', elyexanmok chá'a m'a énxet'ák nak; temégwokmek agkok néxa apkeltamheykha, exámekxak chá'a m'a énxet'ák apkelpéwomo.

Proverbios 29:2

Apxámákxeyk agkok ma'a énxet'ák élpéwomo nak apkeltémakxa, kalpayhekxak apkelwáxok ma'a énxet'ák nak; aptamhágkek agkok apkelámha apmonye'e m'a élmasagcha'a nak apkeltémakxa, ellegagkohok chá'a énxet'ák.

Eclesiastés 10:16

¡Apchókxa sa' laye, apteme nak wesse' apwányam apagkok sakcha'a, elessaksohok chá'a apkelánegkaxa ektámáxche ekyawe ma'a kelwesse'e apagkok nak!

Jeremías 36:19

Tén axta kéltáha kéláneya Baruc se'e: —¡Kólxegánem sa', xép, tén han Jeremías, nágkólho aqsa ey'asagkohok kélhágkaxa xama énxet!

Jeremías 36:26

apkeltamhók axta aqsa emok yaqxegkesek kañe' negmomaxchexa Jeremías yetlo Baruc aptáxéssesso axta chá'a weykcha'áhak ma'a apketche Jerahmeel, tén han Seraías, Azriel axta apketche tén han ma'a Selemías, Abdeel axta apketche. Apkelpóssek axta eyke m'a Wesse' egegkok.

Jeremías 5:1

Aptáhak Wesse' egegkok se'e: “Kólweynchamha sa' ma'a ámay nak Jerusalén, kóltaqmelchesho sa' kéllányo, kólchetam sa' ma'a apheykegkaxa nak chá'a énxet elweynchamha, kólwetak sa' kexaha énxet apkelane nak chá'a aqsok ekpéwomo, apmopmenyého nak chá'a etnehek ekmámnaqsoho apxeyenma aqsok. Kélwet'ak sa' agkok ma'a, mayaqmagkásekxeyk sa' ko'o ektémakxa m'a Jerusalén.

1 Samuel 24:11

“Etaqmelchásekxoho apkelányo s'e sekmáncha'a nak wesse': aptaxno apchaqlamap napwa'a s'e wesse', nanók xeyk eykhe waqhek. Cháxa yaqwayam sa' ey'asagkohok xép wesse', megkaxeyenma ewáxok ko'o atnéssessamhok exma ekmaso ko'o exchep, tén han wanmexek, tén han maláneya xama aqsok ekmaso nápaqtók xép. Eyaqmáseykha aqsa exchep apmáheyo heyaqhek.