Proverbios 27:25 - Biblia Enxet

²⁵ Tepékxek sa' agkok makham ma'a pa'at tén han éltektépekxo enxoho ekyókxoho, kélyaqtenna enxoho pa'at kéléyak kélnaqtósso m'a néten egkexe nak,

Proverbios 27:25 ပူးပေါင်းရင်းမြစ်များ

Salmos 104:14

Aptekkessegkek chá'a pa'at yaqwayam katawagkok aqsok nawha'ák, tén han aqsok apkeneykekxa énxet, yaqwayam étak apto,

Salmos 147:8

Cha'a apcháhakkasso chá'a yaphope néten ma'a, emámeyaksek chá'a néten xapop, yektegkesek chá'a pa'at ma'a néten egkexe,

Proverbios 10:5

Nennakxo nak aqsok negkeneykekxa m'a ekmakhetmakxal'a, cháxa nenteme negya'áseykegkoho aqsok xa; keñe m'a nenteyenmo nak aqsa m'a ekhem nennakxamakxal'a aqsok negkeneykekxa', cháxa nenteme meyke negmegqakto xa.

Proverbios 27:26

kaxek sa' nepkések apwa' yaqwayam elának aptaxno, kaxek sa' han selyaqye apagkok eñama m'a yát'ay apnaqtósso yaqwayam emok xapop apagkok.

Isaías 17:5

Sa' katnehek ma'a aptémól'a xama énxet apnakxól'a hótáhap apaktek apyekhámeykekxal'a m'a apyexna, essenhan ma'a ektémól'a kólmekxak hótáhap apaktek kélyaqtónma m'a ekyapwátegweykenxa nak xapop ma'a Refaim,

Jeremías 40:10

Sa' eyke ko'o axek ma'a Mispá, yaqwayam sa' altennássesek kéxegke caldeos apkelwa'akto sa' se'e. Kólyetmák sa' kéxegke vino tén han pexmok égmenek, kólnakxák sa' nahan yámet ekyexna, kóltaqmelchesek sa', keñe sa' kélwanchek kólhakha m'a tegma apkelyawe kélmomakxa axta.”

Jeremías 40:12

Keñe axta apkelmeyeykento makham ma'a Judá apkelenyékento m'a ekyókxoho apkelmaheykegkaxa axta chá'a apkexpánma, apkelwákxeyk axta aphakxa Guedalías ma'a Mispá. Apkelyetmeykegkek axta han ekyawe agko' vino m'a, tén han apnakxeykegko ekxámokma agko' yámet ekyexna apkeltaqmelchessama.