Proverbios 26:4 - Biblia Enxet

⁴ Nágyátegmowák chá'a m'a énxet ekyeyháxma nak, yánékpok xépxa ekyeyháxma.

Proverbios 26:4 ပူးပေါင်းရင်းမြစ်များ

1 Reyes 12:14

axta aqsa aptáhak apkeláneya m'a apkeltamhókxa axta etnehek ma'a wokma'ák, aptáha axta apcháneya s'e: “Yentexek axta apteméssessamakxa m'a apyáp axta, sa' ekyágwánxa agkok ekyentaxno apteméssesakxa m'a apketche, táma axta apkelyekpexcheteykegkok ma'a apyáp axta, kelyekpexchetma hópenyámet naw'ék sa' eyke elyekpexchetagkok ma'a apketche nak.

1 Reyes 12:16

Xama axta apkelwet'a énxet'ák Israel melyahákxo aptáhakxa apkelpeywa m'a wesse' apwányam, aptáhak axta apcháneya s'e: “¡Mogmenyeyk negko'o David! ¡Méko xama aqsok sempekkencháseykekxa Jesé axta apketche! ¡Énxet'ák Israel, óltaqhekxa'! ¡Eltaqmelcheshok sa' apagkok ekheykha apxagkok ma'a David!” Yetlókok axta apkeltaqheykekxa apxanák apyókxoho m'a israelitas.

Proverbios 17:14

Máxa yegmen ekyawe ekteyapmal'a katnehek sekxo' enxoho nélátegmoweyxko; tásek eyke agyetnakhak chá'a heykxa amonye' yaqwayam kasógwok.

Proverbios 23:9

Ná epaqhetchesha chá'a m'a énxet ekyeyháxma nak, hakte ey'ássók katnehek ma'a appeywa ektaqmalma nak.

Proverbios 26:5

Yepwagkoho chá'a apchátegmowéyak ma'a énxet ekyeyháxma nak, mopwanchek agkok chá'a apchátegmowéyak, yának kaxnak apya'áseyak ma'a ekyeyháxma nak.

Proverbios 29:9

Apkelátegmoweykpek agkok énxet apya'áseykegkoho aqsok ma'a énxet ekyeyháxma nak, elwok aqsa m'a, yesmaksek han chá'a, mey'asagkehek chá'a yaqwánxa etnéssesek.

Isaías 36:21

Apkelwanmeyágkek axta eyke aqsa m'a, axta yátegmowágkok xama enxoho, hakte apkeltamhók axta megyátegmowagkek xama enxoho m'a wesse' apwányam.