Proverbios 26:25 - Biblia Enxet

²⁵ Ná etnésses aqsa naqso' ektaqmeleyncha'a enxoho chá'a appeywa elána', hakte láneyók apwáxok ekmaso nentémakxa m'a;

Proverbios 26:25 ပူးပေါင်းရင်းမြစ်များ

Nehemías 6:2

keñe axta Sambalat, tén han Guésem seyaphássesa ko'o amya'a, yaqwayam enxoho agaqnekxak xama yókxexma m'a ekyapwátegweykenxa nak xapop ma'a Onó. Xénchek axta eyke apwáxok hetnéssessamhok exma ekmaso.

Salmos 12:2

Elyexanchesha aqsa chá'a pók; atsek chá'a katnehek apkelpeywa háwe eyke naqso', eyaqmagkasek chá'a mók ektáhakxa apkelpeywa.

Salmos 28:3

Ná heñássesagkoho aqsa xamo' ma'a élmasagcha'a nak apkeltémakxa, nágyoho hetnehek ma'a ektamheykegkaxa nak apkeláneykegkoho nak aqsok ekmaso, negane nak kaltaqmeláha apkelwáxok elának pók, láneyók eyke m'a aqsok élmasagcha'a.

Proverbios 23:7

ekho nak xama kélwa' ekyetnayam nak egyespok. Sa' etnehek yának se'e: “Etaw, eyen”, háwe eyke naqso' xa aptáhakxa nak apcháneya;

Proverbios 26:23

Weygke apkelánamap nak yelpa', kéltexneykegkokxa nak apyempehek ma'a sawo ekmope égmenek élyenma nak, máxa m'a énxet ektaqmeleykha nak chá'a appeywa henlána', asagkók eyke m'a élchetamso apwáxok.

Jeremías 12:6

Weykmók xép apkelenmexeykekxa m'a apkelyáxeg'a apancha'awo nak, tén han ma'a apnámakkok apagko' nak, neptámen chá'a elpáxegkesha ématchesha. Nágyáwho aqsa exchep ma'a, tásek sa' eykhe chá'a katnehek apkelpeywa elána'.’

Miqueas 7:5

Ná etnésses chá'a naqsók appeywa pók, nágyáwho chá'a xama enxoho m'a apxegexma nak; elanagkoho chá'a appeywa appaqhetchesa enxoho aptáwa'.

1 Samuel 18:17

Keñe axta Saúl aptáha apcháneya m'a David: —Agkések sa' ko'o exchep ma'a Merab, hatte katnaha étkok yaqwayam etnehek aptáwa', aptáha enxoho kempakhakma yáp ahagkok megyeye emhagkok eyesagkexa', apkempakhássesa enxoho m'a Wesse' egegkok. Xeyenmeyk axta apwáxok Saúl megyaqhehek apagko' ma'a, hakte filisteos axta xeyenmak apwáxok yaqhek.