Proverbios 25:2 - Biblia Enxet

² Nélteméssesso apcheymákpoho Dios eñama appóssamo chá'a xama aqsok, keñe nenteme negáyo apkelwesse'e apkelwányam eñama segya'assásegwayam chá'a m'a aqsok élpowásamáxkoho nak.

Proverbios 25:2 ပူးပေါင်းရင်းမြစ်များ

2 Samuel 1:5

—¿Yaqsa ektáha apya'ásegkoho nak apketsapa m'a Saúl tén han apketche Jonatán? —axta aptáhak apkelmaxneyáncha'a David ma'a kélásenneykha apseykentegkesso axta amya'a.

2 Samuel 14:19

Keñe axta apkelmaxneyáncha'a wesse' apwányam: —¿Háweya Joab apkeltémo hey'ótak xeye', tén han apkeltémo katnehek heyának xa ektáha nak? Chátegmowágkek axta kelán'a: —Naqsók xa aptáhakxa nak seyáneya, wesse'. Naqsók apkeltémo ko'o ay'óták xeyep ma'a Joab, apkeláneykha nak xép, wesse', cha'a séltennasso han apkeltamhókxa chá'a atnehek sekpeywa m'a.

Esdras 4:15

yaqwayam enxoho ektamok ma'a weykcha'áhak apnaqtáxéseyak axta m'a apyapmeyk nano' nak xép wesse'. Étak sa' xép tegma apwányam apkenmexeykekxa, tén han aptawassáseykha chá'a apheykha m'a apkelwesse'e apkelwányam, tén han ma'a mók yókxexma apagkok nak, hakte nanók agko' axta aptamhéyak chá'a apkenmexeykekxa, cháxa keñamak kélmassésseykmo axta m'a.

Esdras 4:19

éltamhók axta ko'o kategyexchek amya'a. Wetáxcheyk axta apkenmexeykekxo chá'a apkelwesse'e apkelwányam xa tegma apwányam nak, cham'a nanók axta, aptekkessama chá'a éllámaxche',

Esdras 5:17

“Leyawók sa' agkok apwáxok xa wesse', yána sa' kólchetagkasek eknaqtáxésamaxche weykcha'áhak apagkok apkelwesse'e apkelwányam nak Babilonia, yaqwayam sa' kataxchek naqsók kexa apkeltémo kólxátekhásekxak Dios tegma appagkanamap apagkok Jerusalén ma'a wesse' apwányam Ciro, hẽltennés sa' negko'o ekxénakxa apwáxok etnéssesek xa, wesse'.”

Esdras 6:1

Tén axta wesse' apwányam Darío apkeltamho kólchetagkasek weykcha'áhak ma'a kélxátamakxa axta chá'a weykcha'áhak apagkok wesse' apwányam ma'a Babilonia;

Job 29:16

máxa apyáp axta ko'o etnék ma'a ekha nak chá'a eyeyméxchexa aqsok aphágkaxa, tén han sélátegmakkáseyak chá'a amya'a m'a apkeleñama nak mók nekha!

Job 38:4

¿Háxko axta aphakxa exchep séláneya axta ko'o s'e náxop? ¡Héltennés sa' apya'ásegkoho enxoho naqso'!

Job 42:3

Mowanchek ko'o matnéssesek naqso' ma'a ektémakxa nak apya'áseykegkoho aqsok. Ekxeyenmeyk axta aqsa chá'a ko'o m'a aqsok may'ásegko nak, cham'a aqsok élyawe mamowána nak ay'asagkoho'.

Proverbios 25:27

Asagkek antawhok agko' ma'a yányawhéna' apyegmenek, asagkek han antegyagkohok chá'a ektaqmalma nenxénamaxche'.

Proverbios 25:3

Mogwanchek agya'asagkohok ektémakxa m'a néten, tén han ekwánxa ekmattawóneg ma'a xapop nak, keñe han ma'a ektémakxa nak élchetámeykha apkelwáxok ma'a apkelwesse'e apkelwányam.

Eclesiastés 1:13

ekmáheyók ahagko' axta ategyaha amya'a, tén han altámesaxchek yetlo sekya'áseykegkoho m'a ekyókxoho aqsok élánamáxko nak chá'a keso náxop. ¡Yentexe nak la'a Dios apmésso apkeltamheykha énxet'ák, yaqwayam enxoho elyaqhakkassessamhok chá'a apkelwáxok!

Deuteronomio 29:28

apkelántekkessek nahan apchókxa yetlo aplómo apagko' tén han yetlo megkaleklo agko' apwáxok apkelányo, apkexakhagwokmek ma'a mók apkelókxa, ekhawo ektémakxa nak se'e kaxwo nak.’

Deuteronomio 29:29

“Yetneyk aqsok magya'áseyak nak chá'a: Dios Wesse' egegkok akke apagkok xa; yetneyk eyke nahan ma'a aqsok nenxawe nak chá'a negko'o yaqwayam agweta' tén han ma'a egketchek nak yaqwayam enxoho ólyahakxohok chá'a: ekyókxoho éltémókxa nak antéhek se'e segánamakxa nak.