Proverbios 25:18 - Biblia Enxet

¹⁸ Sawo ekyentaxno, sókwenaqte, tén han yágke aktek ekmahamta agko', ¡cháxa apyetchásamákpoho m'a énxet apxeyenma nak aqsa apmopwána amya'a apxegexma meykexho aptáhakxa!

Proverbios 25:18 ပူးပေါင်းရင်းမြစ်များ

Salmos 140:3

Ahamtakcha'ak apaxkok ma'a, máxa yéwa; máxa yéwa ekmáske hentakxek ma'a apkelpeywa nak.

Salmos 52:2

Wánxa aqsa ekxéneykencha'a apwáxok elának ma'a aqsok ekmaso, sensexnenagkamo m'a appeywa, máxa sawo ekmahanta m'a apaxkok.

Salmos 55:21

Elmaha chá'a m'a apkelpeywa éltaqmalma nak, ekyeykhágweykmohol'a m'a weyke nam'agkok apyegmenek pexmok agkok, keñe m'a apkelwáxok nak élxéneykencha'a m'a kempakhakma. Elmaha chá'a m'a apkelpeywa éltaqmalma nak, ekyeykhágweykmohol'a m'a pexmok égmenek, sawo élmahamtakcha'a eyke m'a apkelpeywa nak.

Salmos 57:4

Ekyetnegkek ko'o náxop neyseksa yámakméwa ektómo nak chá'a énxet; máxa sawhéwa m'a am'ák nak, tén han yágke aktek, keñe m'a axkok nak, ekhawo m'a sókwenaqte ekmahantal'a.

Éxodo 20:16

“Ná etne apmopwána amya'a exének ekmaso pók.

Proverbios 12:18

Yetneyk énxet apyenheykha nak chá'a appeywa ekmaso pók, ektémól'a elyetxák pók énxet sawo, awanchek eyke hentaqmelchessók appeywa m'a énxet apya'áseykegkoho nak aqsok, ektémól'a pánaqte.

Proverbios 24:28

Ná exén aqsa meykexho aqsok eksexnenagko pók, ná etne nahan apmopwána amya'a exének ma'a.

Proverbios 25:17

Aptemék sa' agkok chá'a meyk'a apxagkok ma'a pók, etne sa' chá'a xama apweykekxa, kaleklágwók katnehek keñe etaqnawágwók xép.

Jeremías 9:3

Yahamok chá'a héltennasha apkelmopwancha'a amya'a, máxa m'a ektémól'a yágke kólhaxtaqpog aktek. Yetnegkek negmowána amya'a m'a apchókxa, méko m'a amya'a ekmámnaqsoho nak; Yágweykmók aqsa ekteyapma aqsok ekmaso, Wesse' egegkok apagko' nahan apteme appeywa s'e: “Memáheyók hékpelchágwók ko'o.”

Jeremías 9:8

Máxa yágke aktek segaqhamól'a m'a apkelpeywa nak, apkelmopwancha'a amya'a chá'a etnahagkok. Kaltaqmalmakha chá'a apkelpeywa elának apnámakkok, keytna katnehek apkelwáxok yaqwánxa etnéssesek.